প্রধানমন্ত্রীগী লোইশঙ
ভারতকী নহারোলনা মালেমগী থাক্তা মফম অমা কনবা ঙম্লে, ঐখোয়গী য়ুবা শক্তি অসি দাইনামিজম, ইন্নোভেসন অমসুং অখাং কনবগা মরী লৈনৈ: পি.এম.
অনৌবা এজুকেসন পোলিসী অমসুং স্কিল দিবেলপমেন্ত অমসুং স্তার্ত-অপশিংদা মীৎয়েং থম্বা লোয়ননা ঐখোয়গী নহারোলনা ‘চাউখৎপা ভারত’কী ফিরেপ অসিদা মরু ওইবা মপাংশিং ওইরি: পি.এম.
ঐখোয়না ঐখোয়গী য়ুবা শক্তিদা মায় পাক্নবা ওইথোকপা য়াবা খুদোংচাবা পুম্নমক মতম চুপ্পদা পীগনি, মখোয়না ভিক্সিৎ ভারতকী মরু ওইবা য়ুম্বী অমনি: পি.এম.
Posted On:
06 JUN 2025 10:42AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভারতকী নহাশিংনা মালেমগী থাক্তা মফম অমা কনবা ঙম্লে হায়না ফোংদোক্লদুনা ভারতকী নহাশিংনা মালেমগী থাক্তা মায় পাকপা ঙম্লিবশিং অদু থমখ্রে। মখোয়শিং অসি দাইনামিজম, ইন্নোভেসন অমসুং অখাং কনবগী খুদমশিংনি হায়না শন্দোক্না তাক্লদুনা মহাক্না হায়খি মদুদি হৌখিবা চহি 11 অসিদা লৈবাক্কী চাউখৎপা অসি য়ুবা শক্তিগী লম্বা লৈত্রবা ইনর্জী অমসুং থাজবা অসিনা শাহৌ পীরি।
স্তার্ত-অপশিং, সাইন্স, স্পোর্তস, কম্ম্যুনিতী সর্বিস, অমসুং কলচর য়াওনা সেক্তর কয়াদা ভারতকী নহাশিংনা থোইদোক হেন্দোক্না শরুক তম্মি হায়না শ্রী মোদীনা পনখি। মহাক্না হায়খি, "হৌখিবা চহি 11 অসিদা, ঐখোয়না ৱাখলনা লাম্বা ঙমদবা থবক পাংথোক্লিবা নহাশিংগী শীংথানীংঙাই ওইবা খুদমশিং উবা ফংলে।"
প্রধান মন্ত্রী মোদীনা হৌখিবা চহি 11দা নহারোলশিংবু শক্তি পীনবা পান্দম থমদুনা সরকারগী পোলিসীশিংনা অহোংবা পুরকপা ঙম্বগী মতাংদা পনখি। স্তার্ত-অপ ইন্দিয়া, স্কিল ইন্দিয়া, দিজিতেল ইন্দিয়া অমসুং নেস্নেল এজুকেসন পোলিসী 2020গুম্বা সরকারগী থৌরাংশিং অসি লৈবাক অমনা তৌবা ঙম্বা খ্বাইদগী শক্তি লৈবা থবক অসি নহাশিংবু মপাঙ্গল কনখৎহনবনি হায়বা থাজবদা য়ুম্ফম ওই হায়না শ্রী মোদীনা ফোংদোকখি।
প্রধান মন্ত্রীনা হায়খি মদুদি হৌখিবা চহি 11 অসিদা সরকারনা নহারোলশিংবু মপাঙ্গল কনখৎহন্নবা লেপ্পা লৈতনা হোৎনরি। অনৌবা এজুকেসন পোলিসী অমসুং স্কিল দিবেলপমেন্ত অমসুং স্তার্ত-অপশিংদা মীৎয়েং চংবগা লোয়ননা, নহারোলশিং অসি ‘চাউখৎলবা ভারত'কী ৱারেপ অসিদা মরু ওইবা পার্তনরশিং ওইরক্লি।
শ্রী মোদীনা সরকারনা য়ুবা শক্তিবু মায় পাকপা ঙমহন্নবা ওইথোকপা য়াবা খুদোংচাবা পুম্নমক পীগনি হায়না ফোংদোকখি।
Xতা প্রধান মন্ত্রীনা পোস্ত তৌখি;
"ভারতকী নহাশিংনা মালেমগী থাক্তা মফম অমা কনবা ঙমখ্রে। ঐখোয়গী য়ুবা শক্তি অসি দাইনামিজম, ইন্নোভেসন অমসুং অখাং কনবআ মরী লৈনৈ। ভারতকী গ্রোথ অসি ঐখোয়গী য়ুবা শক্তিগী লম্বা লৈত্রবা ইনর্জী অমসুং থাজবা অসিনা শাহৌ পীরি।
হৌখিবা চহি 11 অসিদা, ঐখোয়না নহাশিংনা স্তার্ত-অপ, সাইন্স, স্পোর্তস, কম্ম্যুনিতী সর্বিস, কলচর অমসুং অতৈ তোঙান তোঙানবা সেক্তরশিংদা ৱাখলনা লাম্বা ফংদবশিং পাংথোকপগী মশক থোকপা খুদম কয়া উবা ফংলে।
হৌখিবা চহি 11 অসিদা নহারোলশিংবু শক্তি পীনবা পান্দম থম্লিবা পোলিসী অমসুং প্রোগ্রামশিংদা ৱারেপ লৌবা য়াবা অহোংবা লাক্লি। স্তার্ত অপ ইন্দিয়া, স্কিল ইন্দিয়া, দিজিতেল ইন্দিয়া অমসুং নেস্নেল এজুকেসন পোলিসী 2020গুম্বা সরকারগী খোঙথাংশিং অসিনা লৈবাক অমনা তৌবা ঙম্বা খ্বাইদগী শক্তি লৈবা থবক অসি নহাশিংবু মপাঙ্গল কনখৎহনবনি হায়বা অচেৎপা থাজবা অসিদা য়ুম্ফম ওইরি।
ঐহাক্না থাজবা থম্লি মদুদি ঐখোয়গী নহারোলশিংনা ভিক্সিৎ ভারত অমা শেমগৎনবা হোৎনরিবশিং অসি মখা তানা মপাঙ্গল কনখৎহল্লগনি।
#11YearsOfYuvaShakti"
“হৌখিবা চহি 11 অসিদা সরকারনা নহারোলশিংবু মপাঙ্গল কনখৎহন্নবা লেপ্পা লৈতনা হোৎনরি। অনৌবা এজুকেসন পোলিসী অমসুং স্কিল দিবেলপমেন্ত অমসুং স্তার্ত-অপশিংদা মীৎয়েং চংবগা লোয়ননা, ঐখোয়গী নহারোলশিং অসি ‘চাউখৎলবা ভারত'কী ৱারেপ অসিদা মরু ওইবা পার্তনরশিং ওইরক্লি। ঙসি লৈবাক অসিগী নহাশিংনা জাতি শেমগৎপদা মরু ওইবা থৌদাং অমা লৌরিবা অসিদা ঐখোয়গীদমক য়াম্না নুংঙাইবা ৱাফম অমা ওইরি।
#11YearsOfYuvaShakti"
"ঐখোয়না ঐখোয়গী য়ুবা শক্তিবু মায় পাকপা ঙমহন্নবা ওইথোকপা য়াবা খুদোংচাবা পুম্নমক পীগনি। মখোয়না ভিক্সিৎ ভারত অমা শেমগৎনবা মরু ওইবা য়ুম্বীশিং ওইরি। #11YearsOfYuvaShakti"
***
(Release ID: 2134509)
Read this release in:
Odia
,
English
,
Urdu
,
Hindi
,
Nepali
,
Marathi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam