প্রধানমন্ত্রীগী লোইশঙ
প্রধান মন্ত্রীনা মালেমগী অকোইবগী ফীভমগী নুমিৎতা নই দিল্লীদা মহাক্কী য়ুমদা সিন্দুরগী উ-চারা থাখ্রে
Posted On:
05 JUN 2025 11:48AM by PIB Imphal
মালেমগী অকোইবগী নুমিৎনা লাকপদা প্রধান মন্ত্রী, শ্রী নরেন্দ্র মোদীনা নই দিল্লীদা মহাক্কী য়ুমদা সিন্দুরগী উ-চারা অমা থাখ্রে। পাম্বী অসি 1971 ভারত-পাকিস্তান লানদা থোইদোক হেন্দোকপা থৌনা অমসুং লৈবাক নীংবগী শক্তম উৎখিবা গুজরাতকী কচ্ছকী থৌনা ফরবা ইমাশিং অমসুং ইচে-ইচলশিংনা মঙোন্দা খুদোল তমলকখিবনি।
হন্দক্তা চৎলুবা মহাক্কী গুজরাতকী খোঙচৎ অদু নীংশিংলদুনা প্রধান মন্ত্রীনা সিন্দুর পাম্বীগী খুদোল অসি মতম চুপ্পদা থৌনা ফবগী খুদম অমা ওইনা অমসুং ঐখোয়গী লৈবাক অসিগী নারী শক্তিগী ইথিল অমা ওইদুনা লৈহৌরগনি হায়খি।
Xকী পোস্ত অমদা প্রধান মন্ত্রীনা হায়;
“1971গী লানদা অখন্নবা থৌনা লিংজেল উৎখিবা কচ্ছকী থৌনা ফরবা ইমাশিং অমসুং ইচে-ইচলশিংনা হন্দক্তা ঐহাক্কী গুজরাত খোঙচৎতা সিন্দুর পাম্বী অমা খুদোল তমলকখি। ঙসি মালেমগী অকোইবগী ফীভমগী নুমিৎ অসিদা ঐহাক্না নই দিল্লীগী প্রধান মন্ত্রীগী য়ুমদা পাম্বী অসি থাবগী খুদোংচাবা ফংজরি। পাম্বী অসিনা মতম চুপ্পদা থৌনা ফবগী খুদম অমা ওইনা অমসুং ঐখোয়গী লৈবাক অসিগী নারী শক্তিগী ইথিল অমা ওইদুনা লৈহৌরগনি।”
***
(Release ID: 2134175)
Read this release in:
English
,
Urdu
,
Marathi
,
Hindi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam