প্রধান মন্ত্রী শ্রী নরেন্দ্র মোদীনা ঙসি জেনেভাদা ৱর্ল্দ হেল্থ এসেমব্লীগী 78শুবা সেসনদা ভিদিও কনফরেন্সকী থোংদা ৱা ঙাংখ্রে। থৌরম অদুদা ৱা ঙাংলদুনা মহাক্না মীফম অদুদা শরুক য়াখিবা পুম্নমক্তা নুঙাইবা ফোংদোক্লদুনা মহাক্না চহি অসিগী থিম, "ৱান ৱর্ল্দ ফোর হেল্থ" অসি ভারতকী মালেম্গী হকশেলগীদমক লৈরিবা ভিজনগা চুনৈ ফোংদোকখি। মহাক্না 2023গী ৱর্ল্দ হেল্থ এসেমব্লীদা মহাক্কী ৱারোল অদু নীংশিংখি, মদুদা মহাক্না "ৱান আর্থ, ৱান হেল্থ"গী মতাংদা ৱা ঙাংখি। হকচাং ফনা লৈবা মালেম অমগী তুংলমচৎ অসি ইনক্লুজন, ইন্তিগ্রেতেদ ভিজন অমসুং কোল্লাবোরেসনগী মখা পোল্লি হায়না মহাক্না ফোংদোকখি।

ভারতকী হেল্থ রিফোর্মশিংগী মপুং ওইবা পান্দমদি ইনক্লুজননি হায়না ফোংদোক্লদুনা শ্রী মোদীনা মালেমগী খ্বাইদগী চাউবা হেল্থ ইন্সুরেন্স স্কিম ওইরিবা আয়ুশ্মান ভারতকী মতাংদা পনখি, মসিদা মীওই মিলিয়ন 580 কভর তৌরি অমসুং লেম্না লায়েংলি। প্রোগ্রাম অসি চহি 70গী মথক্তা লৈবা ভারত মচা পুম্নমক কোনশিন্নবা হন্দক্তা পাকথোক চাউথোকহনখ্রে। মহাক্না ভারতকী হেল্থ অমসুং ৱেলনেস সেন্তর লিশিং কয়াগী পাক চাউবা নেৎৱার্ক লৈরে হায়না পনখি, মসিনা কেন্সর, দাইবেতিস অমসুং হাইপরতেন্সনগুম্বা লায়নাশিং ঙন্না স্ক্রিনিং তৌবা অমসুং থেংনবদা মতেং পাংই। মহাক্না ক্বালিরী লৈবা হিদাক-লাংথকশিং য়াম্না হন্থবা মমলদা ফংহল্লিবা মীয়ামগী ফার্মাসী লিশিং কয়াগী থৌদাং অদুসু পনখি। হকশেলগী ফিবম ফগৎহনবদা তেক্নোলোজীনা লৌরিবা থৌদাং অদু পল্লদুনা শ্রী মোদীনা ভারতকী দিজিতেল ইনিসিএতিবশিং হায়বদি মীরোনবী নুপী অমসুং অঙাংশিংগী ভেক্সিনেসন ত্রেক তৌবা দিজিতেল প্লেৎফোর্ম অমসুং কান্নবা, ইন্সুরেন্স, রেকোর্দ অমসুং ইনফোর্মেসন পুনশিন্নবদা মতেং পাংলিবা অখন্নবা দিজিতেল হেল্থ আইদেন্তিতী সিস্তেম অসিনচিংবশিং অদু পনখি। তেলিমেদিসিনগা লোয়ননা দোক্তর অমদগী কনাগুম্বা অমত্তা লাপ্না লৈতে হায়না মহাক্না ফোংদোকখি। মহাক্না ভারতকী ফ্রী তেলিমেদিসিন সর্ভিসকী মতাংদা পনখি, মসিনা কন্সল্তেসন মিলিয়ন 340 হেন্না পাংথোকহল্লে। ভারতকী হেল্থ ইনিসিএতিবশিংগী পোজিতিব ওইবা ইম্পেক্তকী মতাংদা পল্লদুনা মহাক্না হায়খি মদুদি অপুনবা হেল্থ এক্সপেন্দিচরগী পর্সেন্তেজ অসিদা আউৎ-ওফ-পোকেৎ এক্সপেন্দিচর য়াম্না হন্থরে। মসিগা লোয়ননা, সরকারগী হকশেলগী শেনফম অসি য়াম্না হেনগৎলে হায়না মহাক্না অকনবা ৱাফম থমখি।

প্রধান মন্ত্রীনা হায়খি, "মালেমগী হকশেল অসি খ্বাইদগী খুদোংথীনীংঙাই ওইবা মীওইশিংগীদমক ঐখোয়না কয়া য়াম্না খনবগে হায়বগী মখা পোল্লি।" গ্লোবেল সাউথ অসি হকশেলগী শীংনবশিংনা অখন্ননা শোকহল্লি হায়না মহাক্না ফোংদোকখি অমসুং ভারতকী এপ্রোচ অসিনা রিপ্লিকেবল, স্কেলেবল অমসুং সস্তেনেবল ওইবা মোদেলশিং পীরি হায়না মহাক্না ফোংদোকখি। মহাক্না মালেম, মরুওইনা গ্লোবেল সাউথকা লোয়ননা ভারতনা লৌশিং অমসুং খ্বাইদগী ফবা থৌওংশিং শেয়র তৌনবা অপাম্বা ফোঙদোকখি। জুন থাদা পাংথোক্কদৌরিবা 11শুবা ইন্তর্নেস্নেল দে ওফ য়োগগী মাংওইননা প্রধান মন্ত্রীনা মালেমনা শরুক য়ানবা পুক্নিং থৌগৎখি। মহাক্না চহি অসিগী থিম, " য়োগ ফোর ৱান আর্থ, ৱান হেল্থ"গী মতাংদা পনখি। মহাক্না লৈবাক পুম্নমক্তা বর্তন তৌখি অমসুং য়োগগী হৌরকফম ওইরিবা ভারতকী থৌদাং অদু পনখি।

শ্রী মোদীনা INB ত্রিতীগী মায় পাক্না ৱারী শানবগীদমক ৱর্ল্দ হেল্থ ওর্গানাইজেসন (WHO) অমসুং মেম্বর স্তেত পুম্নমকপু থাগৎপা ফোংদোকখি। মহাক্না মসিবু মালেমগী ওইবা মতেং পীনবা হেনগৎহন্দুনা তুংলমচৎকী লাইনা-লাইচৎশিং লান্থেংননবা অপুনবা কম্মিৎমেন্ত অমনি হায়খি। মহাক্না কনা অমত্তবুসু চিথবা তৌদনবা হোৎনদুনা মশা-মউ ফবা গ্রহা অমা শেমগৎপগী মরুওইবা অদুদা অকনবা ৱাফম থমখি। মহাক্কী ৱারোল লোইশিল্লদুনা, প্রধান মন্ত্রীনা বেদশিংদগী মমল নাইদ্রবা ৱারোল অমা পনখি। মহাক্না চহি লিশিং কয়াগী মমাংদা, ভারতকী মুনি-রৃশীশিংনা মালেম অসিদা মীপুম খুদিংমক হকচাং ফনা, নুংঙাইনা অমসুং অনাবা লৈতবা ওইরসনু হায়বগীদমক করম্না থৌনিখিবগে হায়বদু মহাক্না পনখি। ভিজন অসিনা মালেম অসিবু অমত্তা ওইনা পুনশিনগনি হায়না মহাক্না আশা তৌখি।

LIVE. PM @narendramodi's remarks during the 78th Session of the World Health Assembly in Geneva. @WHO https://t.co/1FBaZGeaxU

— PMO India (@PMOIndia) May 20, 2025

***