ଭାରତ ସରକାର ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ ପୁରସ୍କାର (ପିଏମଆରବିପି) ୨୦୨୫ ପାଇଁ ନାମାଙ୍କନ ଆମନ୍ତ୍ରଣ କରିଛନ୍ତି, ଏହା ଏକ ପ୍ରତିଷ୍ଠିତ ଜାତୀୟ ସ୍ତରୀୟ ପୁରସ୍କାର ଯାହା ଭାରତର ରାଷ୍ଟ୍ରପତିଙ୍କ ଦ୍ୱାରା ପ୍ରତିବର୍ଷ ସାରା ଦେଶରେ ପିଲାମାନଙ୍କର ଅସାଧାରଣ ସଫଳତାକୁ ସ୍ୱୀକୃତି ଦେବା ପାଇଁ ପ୍ରଦାନ କରାଯାଏ। ନାମାଙ୍କନ ଦାଖଲର ଶେଷ ତାରିଖ ହେଉଛି ୩୧ ଜୁଲାଇ ୨୦୨୫ । ସମସ୍ତ ନାମାଙ୍କନ ସରକାରୀ ରାଷ୍ଟ୍ରୀୟ ପୁରସ୍କାର ପୋର୍ଟାଲ୍ https://awards.gov.in ମାଧ୍ୟମରେ ଅନଲାଇନରେ ଦାଖଲ କରିବାକୁ ପଡିବ।

୩୧ ଜୁଲାଇ ୨୦୨୫ ସୁଦ୍ଧା  ଯେକୌଣସି ବ୍ୟକ୍ତି କିମ୍ବା ଅନୁଷ୍ଠାନ ପିଏମଆରବିପି ପାଇଁ ଅସାଧାରଣ ସଫଳତା ହାସଲ କରିଥିବା ପିଲାମାନଙ୍କୁ ମନୋନୀତ କରିପାରିବେ। ପିଲାମାନେ ସ୍ୱୟଂ-ନାମାଙ୍କନ ମାଧ୍ୟମରେ ମଧ୍ୟ ଆବେଦନ କରିପାରିବେ।

ଆବେଦନ କରିବା ପାଇଁ, ଆବେଦନକାରୀମାନଙ୍କୁ ପ୍ରଥମ ନାମ, ଶେଷ ନାମ, ଜନ୍ମ ତାରିଖ, ଆବେଦନକାରୀଙ୍କ ପ୍ରକାର (ବ୍ୟକ୍ତି/ସଂଗଠନ), ମୋବାଇଲ୍ ନମ୍ବର, ଇମେଲ୍ ଆଇଡି, ଆଧାର ନମ୍ବର, ଇତ୍ୟାଦି ବିବରଣୀ ଏବଂ କ୍ୟାପଚା ଯାଞ୍ଚ ପ୍ରଦାନ କରି ପୋର୍ଟାଲରେ ପଞ୍ଜୀକରଣ କିମ୍ବା ଲଗ୍ ଇନ୍ କରିବାକୁ ପଡିବ। ପଞ୍ଜିକୃତ ହେବା ପରେ, ସେମାନେ "ଅନଗୋଇଙ୍ଗ ନୋମିନେସନ୍‌" ବିଭାଗ ଅଧୀନରେ "ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ ପୁରସ୍କାର ୨୦୨୫" ଚୟନ କରିବେ ଏବଂ ଏହା ପରେ ‘‘ନାମାଙ୍କନ / ଆବେଦନ କରନ୍ତୁ" ଉପରେ କ୍ଲିକ୍ କରିପାରିବେ। ଆବେଦନକାରୀମାନେ ତା'ପରେ ପ୍ରାସଙ୍ଗିକ ପୁରସ୍କାର ବର୍ଗ ଚୟନ କରିବେ ଏବଂ ନିଜ ପାଇଁ କିମ୍ଵା ଅନ୍ୟ କାହା ପାଇଁ ନାମାଙ୍କନ  କରୁଛନ୍ତି ତାହା ସୂଚିତ କରିବେ।

ଆବେଦନ ଫର୍ମରେ ମନୋନୟନ ବିବରଣୀ, ସଫଳତା ଏବଂ ଏହାର ପ୍ରଭାବ ବର୍ଣ୍ଣନା କରୁଥିବା ଏକ ସଂକ୍ଷିପ୍ତ ବର୍ଣ୍ଣନା (ସର୍ବାଧିକ ୫୦୦ ଶବ୍ଦ), ଏବଂ ସହାୟକ ଡକ୍ୟୁମେଣ୍ଟ (ପିଡିଏଫ୍ ଫର୍ମାଟ୍, ସର୍ବାଧିକ ୧୦ ସଂଲଗ୍ନ) ଏବଂ ଏକ ସଦ୍ୟ ଉଠାଇଥିବା ଫଟୋଗ୍ରାଫ୍ (ଜେପିଜି/ ଜେପିଇଜି/ ପିଏନଜି ଫର୍ମାଟରେ) ଅପଲୋଡ୍ କରିବାକୁ ପଡିବ। ଆବେଦନଗୁଡ଼ିକୁ ଡ୍ରାଫ୍ଟ ଭାବରେ ସଂରକ୍ଷଣ କରାଯାଇପାରିବ ଏବଂ ଚୂଡ଼ାନ୍ତ ଦାଖଲ ପୂର୍ବରୁ ସମ୍ପାଦିତ କରାଯାଇପାରିବ। ସମୀକ୍ଷା ଏବଂ ଦାଖଲ ହେବା ପରେ, ଆବେଦନର କପି ଡାଉନଲୋଡ୍ କରାଯାଇପାରିବ। କପି ରେଫରେନ୍ସ ପାଇଁ ଉପଲବ୍ଧ ହେବ।

ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ ପୁରସ୍କାର ୧୮ ବର୍ଷରୁ କମ୍ ବୟସର (୩୧ ଜୁଲାଇ ୨୦୨୫ ସୁଦ୍ଧା) ଯୁବକ ଯୁବତୀମାନଙ୍କୁ ସମ୍ମାନିତ କରାଯିବ। ନିମ୍ନଲିଖିତ ଛଅଟି ବର୍ଗ, ଯଥା : ସାହସିକତା, ସମାଜସେବା, ପରିବେଶ, କ୍ରୀଡା, କଳା ଏବଂ ସଂସ୍କୃତି, ଏବଂ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା କ୍ଷେତ୍ରରେ ଉତ୍କର୍ଷତା ପ୍ରଦର୍ଶନ କରିଥିବା ପିଲାମାନଙ୍କୁ ପୁରସ୍କାର ଦିଆଯିବ ।

ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ ପୁରସ୍କାର ପ୍ରଦାନ କରିବାର ଉଦ୍ଦେଶ୍ୟ ହେଉଛି ବିଭିନ୍ନ କ୍ଷେତ୍ରରେ ଭାରତର ଯୁବପିଢ଼ିଙ୍କ ସଫଳତାକୁ ପାଳନ କରିବା ଏବଂ ବୃଦ୍ଧି କରିବା, ବାସ୍ତବ ଜୀବନର ଆଦର୍ଶ ପ୍ରଦର୍ଶନ କରି ଦେଶବ୍ୟାପୀ ସାଥୀମାନଙ୍କୁ ଅନୁପ୍ରାଣିତ କରିବା ଏବଂ ପିଲାମାନଙ୍କର ସାମଗ୍ରିକ ବିକାଶ ପାଇଁ ଏକ ସହାୟକ ପରିବେଶ ପ୍ରୋତ୍ସାହିତ କରିବା।

ଅଧିକ ସୂଚନା ପାଇଁ ଏବଂ ମନୋନୟନ କରିବା ପାଇଁ, ଦୟାକରି https://awards.gov.in ପରିଦର୍ଶନ କରନ୍ତୁ ।

****

SSP