ભારત સરકારે પ્રધાનમંત્રી રાષ્ટ્રીય બાળ પુરસ્કાર (PMRBP) 2025 માટે નામાંકન આમંત્રિત કર્યા છે, જે ભારતના રાષ્ટ્રપતિ દ્વારા દર વર્ષે દેશભરના બાળકોની અસાધારણ સિદ્ધિઓને માન્યતા આપવા માટે આપવામાં આવતો પ્રતિષ્ઠિત રાષ્ટ્રીય સ્તરનો પુરસ્કાર છે. નામાંકન સબમિટ કરવાની છેલ્લી તારીખ 31 જુલાઈ, 2025 છે. બધા નામાંકન સત્તાવાર રાષ્ટ્રીય પુરસ્કાર પોર્ટલ https://awards.gov.in દ્વારા ઓનલાઈન સબમિટ કરવાના રહેશે.

5 થી 18 વર્ષના બાળકો માટે નોંધણી ખુલ્લી છે (31 જુલાઈ, 2025 સુધી). કોઈપણ વ્યક્તિ કે સંસ્થા PMRBP માટે અસાધારણ સિદ્ધિઓ ધરાવતા બાળકોને નોમિનેટ કરી શકે છે. બાળકો સ્વ-નોમિનેશન દ્વારા પણ અરજી કરી શકે છે.

અરજી કરવા માટે અરજદારોએ પહેલા પહેલું નામ, અંતિમ નામ, જન્મ તારીખ, અરજદારનો પ્રકાર (વ્યક્તિ/સંસ્થા), મોબાઇલ નંબર, ઇમેઇલ આઈડી, આધાર નંબર વગેરે જેવી વિગતો અને કેપ્ચા ચકાસણી આપીને પોર્ટલમાં નોંધણી કરાવવાની અથવા લોગ ઇન કરવાનું રહેશે. એકવાર નોંધણી કરાવ્યા પછી, તેમણે નામાંકન વિભાગ હેઠળ “પ્રધાનમંત્રી રાષ્ટ્રીય બાળ પુરસ્કાર 2025” પસંદ કરવું જોઈએ અને “નોમિનેટ/અરજી કરો” પર ક્લિક કરવું જોઈએ. ત્યારબાદ અરજદારોએ સંબંધિત એવોર્ડ શ્રેણી પસંદ કરવી જોઈએ અને સૂચવવું જોઈએ કે નોમિનેશન તેમના માટે છે કે બીજા કોઈ માટે છે.

અરજી ફોર્મમાં નોમિનીની વિગતો, સિદ્ધિ અને તેની અસરનું વર્ણન કરતું સંક્ષિપ્ત વિવરણ (મહત્તમ 500 શબ્દો), સહાયક દસ્તાવેજો (PDF ફોર્મેટ, મહત્તમ 10 જોડાણો) અને તાજેતરનો ફોટોગ્રાફ (jpg/jpeg/png ફોર્મેટમાં) અપલોડ કરવાની જરૂર છે. અરજીઓને ડ્રાફ્ટ તરીકે સાચવી શકાય છે અને અંતિમ સબમિશન પહેલાં તેમાં ફેરફાર કરી શકાય છે. સમીક્ષા અને સબમિશન પછી, અરજીની ડાઉનલોડ કરી શકાય તેવી નકલ સંદર્ભ માટે ઉપલબ્ધ થશે.

પ્રધાનમંત્રી રાષ્ટ્રીય બાળ પુરસ્કા 18 વર્ષથી ઓછી ઉંમરના (31 જુલાઈ 2025 સુધીમાં) યુવાનોને સન્માનિત કરે છે જેમણે નીચેની છ શ્રેણીઓ બહાદુરી, સમાજ સેવા, પર્યાવરણ, રમતગમત, કલા અને સંસ્કૃતિ અને વિજ્ઞાન અને ટેકનોલોજીમાં શ્રેષ્ઠતા દર્શાવી છે.

પ્રધાનમંત્રી રાષ્ટ્રીય બાળ પુરસ્કાર પુરસ્કારોનો ઉદ્દેશ્ય વિવિધ ક્ષેત્રોમાં ભારતના યુવાનોની સિદ્ધિઓની ઉજવણી અને પ્રોત્સાહન આપવાનો, વાસ્તવિક જીવનના રોલ મોડેલ્સનું પ્રદર્શન કરીને દેશભરના સાથીદારોને પ્રેરણા આપવાનો અને બાળકોના સર્વાંગી વિકાસ માટે સક્ષમ વાતાવરણને પ્રોત્સાહન આપવાનો છે.

વધુ માહિતી માટે અને નોમિનેટ કરવા માટે, કૃપા કરીને https://awards.gov.inની મુલાકાત લો.

Do you know a young hero whose story can inspire the entire nation?
Nominate them today at 👉 https://t.co/7nl4GXleo8
Hurry! The last date to submit is 31st July 2025.#PMRBP2025 #VeerBaalDiwas@PIBWCD | @mygovindia | @PMOIndia | @EduMinOfIndia pic.twitter.com/i3gVto5gzh

— Ministry of WCD (@MinistryWCD) May 2, 2025

****

AP/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com