Ka jingiakren halor ka phang ‘Radio Reimagined: Thriving in the Digital Age’ ka la wanrah lang ia ki riew shemphang jong ka pyrthei ban iashim bynta ha ka jingiakren kaba sani ha ka WAVES 2025 mynta ka sngi.

Ki nongïashim bynta ba donburom ki kynthup ïa ka nongsdang jong ka jingkamai na ka radio ka Jacqueline Bierhorst, ka Chairman jong ka Digital Radio Mondiale (DRM) ka Ruxandra Obreja, ka Vice Group Leader jong ka DRM Alexander Zink, u CEO barim jong ka Prasar Bharati bad u Co-Founder jong ka Deep Tech na ka bynta ka Bharat Shashi Shekhar Vempati bad u riewshemphang ha ka teknoloji pynbna paidbah Ted Laverty. Ka Nisha Narayanan, Director & COO jong ka Red FM ka la pynïaid ïa ki jingïakren da ka jingstad bad ka la ïalam ban pynshai halor kiei kiei kiba ktah ïa ka kam pynbna radio.

‘Ka Digital Radio ka dei ka lad na ka bynta ka lawei; ka lad analog ruh ka dei ban don lang’

Jacqueline Bierhorst feels that digital radio is likely to be the primary format in the future, as it offers advantages like better sound quality, more reliable transmission, and the ability to integrate multimedia elements. “While analog radio remains relevant in some contexts, particularly for simpler communication and in areas with limited digital infrastructure, the shift to digital broadcasting is ongoing and expected to continue”, she opined. Cost saving happens by switching from analog to digital, they informed.

Ka Jacqueline Bierhorst ka sngew ba ka digital radio ka lah ban long ka lad ba kongsan ha ki por ban wan, namar ka ai ki jingmyntoi kum ka jingbha jong ka sur, ka jingpynpoi kaba kham lah ban shaniah, bad ka jinglah ban pyniasoh lang ia ki bynta jong kiwei kiwei ki lad. “Katba ka radio analog ka dang long kaba donkam ha ki katto katne ki bynta, khamtam eh na ka bynta ka jingïakren kaba suk bad ha ki jaka ba duna ki lad digital, ka jingkylla sha ka jingpynbna digital ka dang ïaid shakhmat bad la khmih lynti ba kan dang ïai bteng”, ka la ong. Ka jingpynduna ia ka jinglutksan ka wan da kaba kylla na ka analog sha ka digital, ki la pyntip.

Hynrei, ka Jacqueline Bierhorst bad u Alexander Zink ki la kdew ba ka jingpynbna paidbah ka dei ka jingkyrshan kaba kongsan kaba donkam ha ki por ba kyrkieh kum ki jingshah thombor ha ki lehnoh, ka jingshlei um bad kiwei kiwei, haba ki rynsan digital ki lah ban ym treikam. U Chairman ka DRM u Ruxandra Obreja u la kren shaphang kane ka bynta ba ka long kaba donkam ban pynneh pynsah ïa ka analog radio ha India kaba poi sha ki 600,000 tylli ki shnong. Ha ki jingjia ba kyrkieh, khlem artatien ki radio ki lah ban ai jingtip paidbah kham bun, la ong ki riew shemphang. “Ka jingeh ka long ban wanrah ïa ki buit thymmai, khlem da pynthut ïa kiba rim”, la ong ka Ruxandra Obreja.

Ki 5 tylli ki C ba thymmai jong ka jingai jingtip lyngba ki radio

Ka Jacqueline Bierhorst ka la kdew ia ki 5C ba rim kata, ka Conciseness, Clarity, Confidence, Control and Capability, bad ka la pyniadei ia ki bad ki 5 C ba thymmai kiba donkam ha ka juk jong ka jingpynkhreh ia ka radio digital kaba dang kiew bha. Kine ki long: Coverage, Content, Consumer Devices, Car, Communication. Ka la ai jingmut ban pynthikna ba ka rynsan radio ka dei kaba pynpoi sha ki jaka kiba dei ha kaba ki nongsngap ki don.

Ka jingsngewthuh ia ka jingsngap ka long ka sienjam kaba kongsan ban shim ia ki sienjam kiba iatylli na ka bynta ban pynlah ia kane ka kam ba kan kiew. U Ted Lavety u la kren shaphang ki App kiba pynsawa radio ha Europe, kum ka Radioplayer bad ka Radio FM, kiba ai ïa ki lad kiba lah ban pyndonkam ban sngewthuh ïa ka jingbun ki nongsngap, khlem da pynkheiñ ïa ka hok jong ki briew. Kum kine ki prokram bad ki app, ki khana samari bad ki diary ban sngap ki dei kiba lah ban pyndonkam ban bishar bniah ïa ki jaka ba jur bha ka jingsngap radio ha India ruh kumjuh, u la ong.

Ki prokram kaba bha, ki jingiatreilang, ki jingpynbna kiba ai ha ki rynsan bapher bapher ki treikam bha

‘Ka prokram ka dei kaba donkam tam’ – ki riew shemphang ki la mynjur ia kane ka lad na ka bynta ka jingjop ha kane ka kam. Ka Nisha Narayanan ka la pynpaw ia ka jingeh kaba ki FM shimet ki iakynduh kaba long ka bai laisen kaba heh na ka bynta ki prokram bapher bapher. Namar kane, ki kut ha ka jingtem ia ki jingrwai ba iaid iew kiba duna ka bai laisen ban ïa kiwei pat ki jait prokram. U COO jong ka Red FM u la mynjur ia ka jingdonkam ban wanrah bun jait ki prokram na ka bynta ki FM shimet.

Haba kren shaphang ka jingkordor jong ki prokram kiba bha, kiba ai jingmyntoi, ka Jacqueline Bierhorst ka la iathuh ïa ka khana jong ka jingjop jong ka British radio station Absolute Radio kaba la kiew bad kamai pisa ha baroh ki snem 70, 80 bad 90 katba ka dang ïashim bynta ha ki kam ai jinghikai bad ki kam pynphriang khubor bapher bapher kiba ai jingmyntoi ïa ki nongsngap jong ki.

Ka radio digital ka don shuh shuh ban ai ban ïa ka jingsawa - ka don ïa ki jingpyndonkam ïa ki dur bad ki jingthoh kiba long kiba myntoi na ka bynta ka jingpynroi ki nongsngap, u Alexander Zing u la pynkynmaw ïa kane kawei pat ka bynta jong ka Digital Radio.

U Ted Laverty u la kyntu ba donkam ia ka jinglong jingman ban kyrshan ia ka jingpynsaphriang ia ka jingsngap radio. Ka jingshna ia ki tiar kiba jem dor, ka jingdon ia ki rynsan kiba biang kum ka android ki dei katto katne ki lad ki lynti kiba u la pynpaw. Nalor ka jingdon jong ki bynta hardware, ka jingbun ki jait prokram ruh ka long kaba kongsan namar ka iarap ban pynbiang ia ki jingdonkam jong ki jait nongsngap bapher bapher.

Ka jingkylla ka suinbneng bad ka digital radio

Ka radio digital ka lah ban pynduna ia ka jingpynlut bor ding da kaba pyndonkam ia ki buit pynkylla sur kiba kham sted bad plie lad ia ki rynsan kiba don tang kawei ka frequency. Hynrei ban pynlip ia ki steshon FM kam long kaba lah. Watla ki don ki ri Europe kiba la pyrshang ban pynlip lut ïa ki steshon FM bad ban pynlong digital pura, hynrei kam dei satia ka thong kaba halor tam, ong ka Ruxandra Obreja. Ka la ai jingmut ba ka long kaba kongsan ban lum jingtip shaphag ki jingdonkam jong ki radio steshon ba kamai katba dang iakren bad ka Sorkar na ka bynta ki sienjam hapoh ki polisi.

Ka kam radio ha India – ka lad ban pynkhlain ia ka jinglong jingman

Ka Ruxandra Obreja ka la ong ba ki polisi paidbah ha Europe ki la pyndonkam ia ka jingpoi jong ka digital radio. Ka jingdon ia ki radio ha ki kali, ki mobile phone, ka jingsuk ban ioh ia ki radio ha ki iew ki hat ki long ki sienjam kiba kongsan ha kata ka liang. Dei ban tei ia ka kynhun jong ki radio digital ha ri India, la ai jingmut ki riew shemphang.

Ka Ruxandra Obreja ka la ong ba ka India ka dei ka bor kaba khlain ha ka digital radio. Ka digital sha ka Terrestrial Radio ka long kaba kongsan bad kumjuh ruh ka digital sha ka mobile. "Ka Prasar Bharti ka don ka jingpoi sha jan 90 klur ngut ki briew. Ka India ka dei kaba bun lad bha ha kane ka liang, kaba kham pynsuk ka long ba ki don da ki klur ngut ki nongpyndonkam mobile phone ha India. Kaba kongsan ka dei ban tei halor kin”, ka la bynrap.

U Shashi Shekhar Vempatti u la ong ba ka India ka dei ka iew kaba heh tam na ka bynta ka radio, bad u la ong ba kane ka dei kaba ai jingbha ia ki paidbah. U la pynpaw ia ka jingdonkam ban don ka jingtreikam paidbah na ka bynta kane ka kam. "Ka Radio kam leit shano shano ruh. Ki nongpyndonkam radio ha India ki wan na ki bynta bapher bapher jong ka imlang sahlang”, u la ong haba u la niew ia ki jingmyntoi jong katei ka kam ha ka ri. Ki sienjam hapoh ki polisi ki lah ban kynthup ia ka kyndon ha kaba u la ai nuksa ba ki katto katne ki jait tiar ki dei ban don ka radio. Ki tiar kiba pyndonkam da ka AI bad kumjuh ruh kiwei kiwei ki tiar kum ki radio ki dei ban treikam lang ha kajuh ka por.

Namar ka jingkylla jong ka suinbneng ka dei ka bynta kaba kongsan ha kaba iadei bad ki polisi paidbah, ka long kaba kongsan ban pynneh pynsah ia ki tiar tynrai. U Ted Laverty u la kyntu ban pynheh ia ka jinglong jingman na ka bynta ka radio ha India, da kaba pyndonkam ia ki skhim kum ‘Make in India’ na ka bynta ban ai jingkyrshan ia ki nongshna tiar radio.

Ki riewshemphang ki la mynjur ba ka digital radio ka dei ka lynti ban ïaid shakhmat ha India bad ha kiwei ki jaka bad ki la kyntu ba ki steshon kiba ioh jingkamai na kane kiba don Common Transmission Infrastructure ha ki nongbah kiba heh kin thaw ïa ka rynsan ban ïatreilang.

Na ka bynta ki jingpynbna, sngewbha bud ia ngi:

Ha ka X :

https://x.com/WAVESummitIndia

https://x.com/MIB_India

https://x.com/PIB_India

https://x.com/PIBmumbai

Ha ka Instagram:

https://www.instagram.com/wavesummitindia

https://www.instagram.com/mib_india

https://www.instagram.com/pibindia

* * *