ভাৰতৰ ক্ৰিয়েটৰ অৰ্থনীতিৰ উত্থানৰ ফলত ভাৰতৰ ডিজিটেল দৃশ্যপট এক গুৰুত্বপূৰ্ণ পৰিবৰ্তনৰ মাজেৰে অগ্ৰসৰ হৈছে। মুম্বাইত কাইলৈ (৩ মে' ২০২৫) আৰম্ভ হ'বলগীয়া ৱেভছ ২০২৫ত মুকলি হ'বলগীয়া বষ্টন কনছাল্টিং গ্ৰুপ (বি চি জি)ৰ"বিষয়বস্তুৰ পৰা বাণিজ্যলৈঃ ভাৰতৰ ক্ৰিয়েটৰ অৰ্থনীতিৰ পৰিক্ৰমা" শীৰ্ষক নতুন প্ৰতিবেদনত প্ৰকাশ পাব যে ভাৰতৰ ক্ৰিয়েটৰসকলে বৰ্তমান বছৰি ৩৫০ বিলিয়ন ডলাৰৰো অধিক উপভোক্তা ব্যয়ক প্ৰভাৱিত কৰে আৰু এই পৰিমাণে ২০৩০ চনৰ ভিতৰত ১ ট্ৰিলিয়ন ডলাৰ অতিক্ৰম কৰিব বুলি আশা কৰা হৈছে।

প্ৰতিবেদনত উল্লেখ কৰা হৈছে যে ভাৰতত ১,০০০ৰো অধিক অনুগামী থকা ২ৰ পৰা ২৫ লাখ সক্ৰিয় ডিজিটেল ক্ৰিয়েটৰ আছে। এই পৰিসৰ ব্যাপক হোৱা সত্ত্বেও তেওঁলোকৰ মাজৰ কেৱল ৮-১০ শতাংশইহে দ্ৰুতগতিত বৃদ্ধি পোৱা খণ্ডটোৰ অব্যৱহৃত সম্ভাৱনাৰ ওপৰত গুৰুত্ব আৰোপ কৰি বৰ্তমান তেওঁলোকৰ সমলসমূহ কাৰ্যকৰীভাৱে নগদীকৰণ কৰে। ক্ৰিয়েটৰ পৰিবেশতন্ত্ৰৰ প্ৰত্যক্ষ ৰাজহ, আজি আনুমানিক ২০-২৫ বিলিয়ন ডলাৰ হোৱাৰ বিপৰীতে এই পৰিমাণ দশকটোৰ শেষৰফালে ১০০-১২৫ বিলিয়ন ডলাৰত উপনীত হোৱাৰ সম্ভাৱনা আছে।

প্ৰতিবেদনৰ মূল দৃষ্টিভংগীত অন্তৰ্ভুক্ত থাকিবঃ

• ক্ৰিয়েটৰসকলে ৩০ শতাংশতকৈও অধিক গ্ৰাহকৰ সিদ্ধান্তক প্ৰভাৱিত কৰে, যি সাম্প্ৰতিক ব্যয়ৰ ৩৫০-৪০০ বিলিয়ন ডলাৰ।
• পৰিবেশতন্ত্ৰটো জেন জেড আৰু মেট্ৰ'পলিটান কেন্দ্ৰৰ পৰিধি অতিক্ৰমি সম্প্ৰসাৰিত হৈ বিভিন্ন বয়সৰ গোট আৰু চহৰৰ স্তৰত উপনীত হৈছে।
• কমেডী, চলচ্চিত্ৰ, দৈনিক নাটক আৰু ফেশ্বন আটাইতকৈ বেছি ব্যৱহৃত ধাৰা হোৱাৰ সৈতে হ্ৰস্ব দৈৰ্ঘ্যৰ ভিডিঅ' আটাইতকৈ অধিক জনপ্ৰিয় হৈছে।
• দ্ৰুত সমল উৎপাদন, অধিক সৃষ্টিশীল স্বাধীনতা, বৈচিত্ৰ্যপূৰ্ণ গ্ৰাহক আৰু ফলাফল-আধাৰিত পৰীক্ষণৰ ওপৰত অধিক গুৰুত্ব দিয়াৰ সৈতে ব্ৰেণ্ডৰ কৌশলসমূহ বিকশিত হৈ আছে।
• ভাৰ্চুৱেল উপহাৰ, লাইভ কমাৰ্চ, আৰু গ্ৰাহক গ্ৰহণৰ দৰে গ্ৰাহকে ধনাদায় দিয়া দিশসমূহ জনপ্ৰিয় হৈ পৰাৰ লগে লগে ৰাজহৰ আৰ্হিবোৰ বৈচিত্ৰ্যময় হৈ উঠিছে।
• ব্ৰেণ্ডসমূহে আগন্তুক বছৰবোৰত ক্ৰিয়েটৰ মাৰ্কেটিঙত তেওঁলোকৰ বিনিয়োগ ১.৫ৰ পৰা ৩ গুণ বৃদ্ধি কৰিব বুলি আশা কৰা হৈছে, যাৰ জৰিয়তে ডিজিটেল ক্ৰিয়েটৰ পৰিবেশতন্ত্ৰৰ দ্বাৰা পৰিচালিত বিপণন আৰু বাণিজ্যত এক গুৰুত্বপূৰ্ণ পৰিবৰ্তনৰ ইংগিত প্ৰতিফলিত হৈছে।

কাইলৈ মুম্বাইত ৱেভছ ২০২৫ত বি চি জিৰ প্ৰতিবেদন আনুষ্ঠানিকভাৱে মুকলি কৰা হ’ব। চলিত মেগা ইভেণ্ট ৱেভছ ২০২৫ত কৃত্ৰিম বুদ্ধিমত্তা, ছ’চিয়েল মিডিয়া, এ ভি জি চি খণ্ড আৰু চলচ্চিত্ৰ খণ্ডৰ উদীয়মান ৰূপৰেখা সন্দৰ্ভত হোৱা আলোচনাই ডিজিটেল মিডিয়া ক্ষেত্ৰত ভাৰতৰ সম্প্ৰসাৰিত পদচিহ্ন প্ৰতিফলিত কৰে।

* * *

PIB TEAM WAVES 2025 | Rajith/ Lekshmipriya/ Darshana | 141/DD