সিবিল এবিয়েসন মন্ত্রালয়
সিভিল এভিএসন মন্ত্রী রাম মোহন নাইদুনা কাশ্মির তেরর এতেকনা শোকহল্লবা তুরিস্তশিং অমসুং ভিক্তিমশিংদা মতেং পাংনবা খুদক্তা থবক পাইখৎখ্রে
শ্রীনগরদগী অখন্নবা ফ্লাইৎ মরি শিনখ্রে – দিল্লী ফাওবগী অনি অমসুং মুম্বাই ফাওবগী অনি
এয়রলাইনশিংদা মহৌশানা লৌনবা ফেয়র লেবেলশিং অদু ওইহন্নবা পাউতাক পীখ্রে
Posted On:
23 APR 2025 10:33AM by PIB Imphal
কাশ্মিরদা থোকখিবা লাইবক থিবা তেরর এতেক্কী মতুংদা, কেন্দ্রগী সিভিল এভিএসন মন্ত্রী শ্রী রাম মোহন নাইদুনা শোকলবা তুরিস্তশিং অমসুং ভিক্তিমশিংগী শাফনবা অমসুং য়াইফ-থৌরাংগীদমক খোঙজেল য়াংনা থবক পাইখৎপা হৌখ্রে।
মন্ত্রীনা গৃহ মন্ত্রীগা মশামক্না ৱারী শানখি অমসুং মরী লৈনবা ওথোরিতীশিংগা নক্না চৎমিন্নদুনা ফীভম অসি নুমিৎ চুপ্পা য়েংশিল্লি। অথুবা মতমদা মতেং পাংনবা থৌরাংগী শরুক অমা ওইনা, শ্রীনগরদগী অখন্নবা ফ্লাইৎ মরি - দিল্লী অনি অমসুং মুম্বাই অনি শিনখ্রে। মখা তানা মীয়াম পুথোকপগী মথৌ তাবশিংদা মতেং পাংনবা অহেনবা ফ্লাইৎশিং লেপ্পা লৈতনা শেম শাদুনা থম্লি।
শ্রী রাম মোহন নাইদুনা এয়রলাইন্স ওপরেতর পুম্নমক্কা খুদক্কী ওইবা মীফম অমা পাংথোকখি অমসুং মমল হেনগৎহন্দনবা অকনবা এদভাইজরি পীখি। অরুবা মতম অসিদা পেসেঞ্জর অমত্তদা অৱাবা পীদনবা এয়রলাইনশিংনা মহৌশাগী ফেয়র লেবেলশিং অদু ঙাকনবা খঙহনখ্রে।
মসিগী মথক্তা, শ্রী রাম মোহন নাইদুনা রাজ্য সরকারশিং অমসুং লোকেল ওথোরিতীশিংগা খুৎশম্নদুনা লৈখিদ্রবা মীওইশিং মখোয়গী ময়ুম রাজ্যশিংদা পুরক্নবা এয়রলাইন্স পুম্নমকপু মপুং ফানা মতেং পাংনবা খঙহনখ্রে।
সিভিল এভিএসন মন্ত্রালয়না হায় এলার্ত্তা লৈরি অমসুং শোকহল্লবা মীওইশিংদা পীবা য়াবা মতেং পুম্নমক পীনবা থাজবা পীরি।
*****
(Release ID: 2123725)
Visitor Counter : 32
Read this release in:
English
,
Urdu
,
Marathi
,
Hindi
,
Bengali
,
Assamese
,
Bengali-TR
,
Punjabi
,
Gujarati
,
Tamil
,
Telugu
,
Malayalam