Ka World Audio Visual & Entertainment Summit (WAVES) ka la pynbna ïa 50 ngut ki nongjop jong ka digital poster jong ka Film Poster Making Challenge hadien ka jingiashim bynta shitrhem ki barikor na kylleng ka ri. Ka jingiakop ka la ioh 542 tylli ki jingiashim bynta lyngba ki lad digital kiba pynpaw ia ka jingsngewtynnat bad jingsaindur thymmai jong ki nongiathuh khana kiba dang mih. Ha ka Hand-Painted Poster Making Competition, la jied 10 tylli ki jingkyntiew kyrteng na ki jaka pule art bapher bapher ha kylleng ka ri. Ia ki nongjop yn jied ha ka live finale kaba la buh ban long ha ka WAVE Summit ha Mumbai.

Ka Digital Poster Making Competition

Ka kynhun nongbishar kaba kynthup ïa u Aditya Arya, u nongshon dur bad u Founder Director, Museo Camera Gurugram, bad u Ananda Moy Banerji, Artist Printmaker bad Vice Principal, South Delhi Polytechnic for Women, ryngkat bad ki nongpynïaid lang ka Imagenation Street Art bad ka National Film Development Corporation-National Film Achieves India ki la pynlong ia ka jingbishiar bniah ba bun bynta. Na ka thup kyrteng ba nyngkong jong 197 tylli ki poster, ka kynhun bishar ka la jied ïa ki 50 tylli katkum ka jingpsaindur, ka jinglong tynrai bad ka jingktah ha ka jingïathuhkhana.

Napdeng ki 50 ngut kba hakhmat eh, la ithuh ia lai ngut ki nongiashim bynta ba la poi sha ka phainal (katkum ka rukom pule dak):

• Saptosindhu Sengupta
• Shivangi Sarmah Kashyap
• Suresh D Nair

Ia ka jingbuh kyrdan ba khatduh jong ki lai ngut kiba hakhmat eh yn pynbna ha ka WAVE Summit kaba la buh ban long ha Mumbai naduh ka 1 haduh ka 4 tarik u Jymmang, 2025. Ia ki 50 tylli ki poster kiba jop yn pyni ruh lyngba ka digital ha katei ka jingialang kaba ai ka rynsan ia ki nongiashim bynta ban iohi bad ioh jingithuh.

Yn rakhe ia ka Hand-Painted Poster Art ryngkat ka Live Competition ha ka WAVES

Ka WAVES kan pynlong ruh ïa ka Live Hand-Painted Film Poster Making Competition kaba peit bniah ïa ka rukom saindur tynrai kaba la long ka bynta kaba tynrai jong ka kam shna phlim ha India. Da kaba kynmaw ia ki nongdro dur ba pawnam kum u MF Husain bad SM Pandit, kane ka bynta ka burom ia ka pateng ba riewspah jong ki dur ba la shna da ka kti.

Na baroh ki jingpynrung kyrteng, la jied 10 ngut ki samla pule ban iashim bynta ha ka jingiakop ban pyni live ha ka WAVES. Kane ka jingïalang kan pyni ïa ka jingtbit jong ki katba ki dang shna ïa ki poster jong ki phlim da ka kti. Ki lai ngut ki nongjop ba hakhmat eh kin ioh ka jingithuh bad ai khusnam na ka bynta ki jingnoh synniang jong ki sha kane ka bynta ba kongsan.

Shaphang ka Film Poster Making Challenge

Ka WAVES Film Poster Making Challenge ka dei shi bynta jong ka jingthmu kaba kham iar ban rakhe ïa ka kam shna phlim, ban kyntiew ïa ki sap kiba dang mih, bad ban pynïasoh ïa ki rukom ïathuhkhana tynrai bad kiba mynta jong ka jingïathuhkhana lyngba ki phlim. Na ka bynta ki jingtip ba kham bniah bad ka thup jong ki nongjop, leit sha: Leit ha ka https://www.nfdcindia.com/waves-poster-challenge-2025/

Shaphang ka WAVES

Ka World Audio Visual & Entertainment Summit (WAVES) kaba nyngkong, kaba dei ka jingïalang kaba kongsan bha na ka bynta ka kam Media & Entertainment (M&E), yn pynlong da ka Sorkar India ha Mumbai, Maharashtra, naduh ka 1 haduh ka 4 tarik Jymmang, 2025.

Lada phi dei u nongtrei ha ka kam, u nongbei tyngka, u nongthaw, ne nongsaindur

thymmai, ka Summit ka ai ka rynsan kaba pawnam ha ka pyrthei ban pynïasoh,

ïatreilang, saindur bad noh synñiang sha ka kam M&E.

Ka WAVES ka la buh ban kyntiew ïa ka bor saindur jong ka India, ban pynkhraw ïa

ka kyrdan jong ka kum ka jaka pdeng ban thaw ïa ki prokram, ka jingdon jingem ha

ka liang ka jingstad, bad ka jingsaindur thymmai ia ka teknoloji. Ki karkhana bad ki

bynta ba la pynleit jingmut ki kynthup ïa ka jingpynbna khubor, Print Media,

Television, Radio, Films, Animation, Visual Effects, Gaming, Comics, Sound and

Music, Advertising, Digital Media, Social Media Platforms, Generative AI, Augmented

Reality (AR), Virtual Reality (VR), bad Extended Reality (XR).

Don jingkylli? Peit ia ki jubab hangne

To bud ryntih ia ki jingpynbna ba thymmai na ka PIB Team WAVES

Pynrung kyrteng na ka bynta ka WAVES mynta.

***