জয় জিনেন্দ্র,

ৱাখল অসি ইংঙি, ৱাখল অসি তংদু-লৈতাবা ওই, শান্তি খক্তনি, য়াম্না নুংঙাই, ৱাহৈনা ফোংঙমদে, ৱাখলনা খনবগী ৱাংমদনি, নৱকার মাহামন্ত্র অসি ৱাখলদা অদুমক নিন্দুনা লৈরে। নামো অরিহান্তনম। নামো সিদ্ধানম । নামো আর্য়নাম। নামো উৱজঝায়ানম। নামো লোয়ে সৱৱাসাহুনম। খোঞ্জেল অআম, ঈচেল অমা, শক্তি অমা, মথক লৈতে, মখা লৈতে, তংদু-লৈতাবা খক্তনি, পুক্নিং লৈতাবা খক্তনি। অসিগুম্বা ৱাখল অমা, মান্নবা তান্থা, অসিগুম্বা মঙাল মনুংদা। ঐহাক্না ইশা মনুংদা নৱাকারগী মাহামন্ত্রগী নুংগী শক্তিনা ফাওরি। চহি খরগী মমাংদা অসিগুম্না শোনবা অসি বেঙ্গলোরদা থেংনখি, ঙসি ঐহাক্না অদুমক্নি ফাওরিবসি অমসুং অদুগা চপ মান্ননা হকচিন্ননি। হন্দক্তি লৈবাক অসি শিনথুংনা অমসুং মপান লমদশু পুকচেল শেংলবা কয়া কয়ানা অমত্তা ওইনা ৱাখল্লোন অমত্তদা, পুন্না শোনমিন্নদুনা, পুন্না শক্তি পুথোকমিন্নরে, মসিমক্না অমুক্তা থোকখিদ্রিবা অঙকপা অমনি। 

ইবুংঙো অমসুং ইবেম্মশিং, ইচিল-ইনাওশিং,

হকচাং অসি গুজরাত্তা পোকচবনি। মফম খুদিংদা জেনিজম চৎপা মী থেংনগনি অমসুং অঙাং ওইরিঙৈ মতমদগী ঐহাক্না জেন আচার্য়াশিংগা লোইনজবা ফংলকখি।

মরুপশিং,

নৱকার মাহামন্ত্র অসি মন্ত্র খক্ত নত্তে, মসি থাজবা হায়বসিগী তুংনফম্নি। ঐখোয়গী পুনশিগী খোন্থোক অমসুং মসিগী মরুওইবা অসি স্পিরিচুৱল খক্ত নত্তে। মসিনা মীপুম খুদিংমক্তা ইশাদগী ওইবা থাদোক্তুনা খুনাইগী হায়বা অসি তাকপী। মসি মীওই অমদগী মালেমগী হায়বা খোংচৎ অদুনি। মন্ত্রা অসিগী ৱাহৈ খুদিংদা নত্তনা ময়েক খুদিংমক মশামক্তা মন্ত্রনি। ঐখোয়না নৱকার মাহামন্ত্র হায়বা মতমদা, ঐখোয়না পাঞ্চ পর্মেশিদা খোইরম্লিবনি। পাঞ্চ পর্মেশিদা  হায়সি কনানো? অরিহন্ত- লৌশিং খক্তমক ফংখিবা, মঙাল ফংলবা, লাইগুম্লবা মতিক-মগুন ১২ য়াওরবা। সিদ্ধা- কর্মা ৮ মাংহনখ্রবা, লাইনিংদা লুপ্লবা, শেংলবা মগুন ৮ য়াওবা। অচার্য়া- মাহাৱ্রতগী মতুং ইনবা, লমজিং-লমতাকপীবা, মখোয়দা মতিক-মগুন ৩৬না থল্লে। উপাধ্যায়- লাইনিংদা খোংদানবগী মহৈ অদুবু লৌশিং ওইনা ওন্থোকপা, মগুন ২৫ য়াওবা। সাধু- মশানা-মশাবু ৱারকচদুনা চাংয়েং তৌজবা। মোক্স ফংনবগী মাইকৈদা চংশিল্লিবা, মখোয়দশু মগুন ২৭ য়াওই।  

মরুপশিং,

ঐখোয়না নৱকার মাহামন্ত্রাবু শোল্লি, ঐখোয়না লাইগুম্লবা মগুন ১০৮বু খুরম্মি, ঐখোয়না মীওইবা খুনাই অসিগী য়াইফবগীদমক্তা খল্লি, মসিগী মন্ত্র অসি ঐখোয়দা নিংশিংহল্লি মদুদি – লৌশিং অমসুং থবক তৌবা হায়সি পুনশিগি মাইওনি, গুরুনা মঙাল অমসুং লম্বি হায়বসিনা নুংদগী থোরকপা অদুবুনি। নৱকার মাহামন্ত্রনা হায়, নশানা নশাবু থাজৌ, নশাগী খোংচৎ হৌজৌ, য়েক্নবা হায়বসি মপান্দা লৈবা নত্তে মসি মনুংদা লৈ। ফত্তবা খনবা, থাজদবা, য়েক্নবা, মশাগী ওইজবা থিবা , মখোয়শিং অসিনি য়েক্নবশিং অদু, মখোয়বু মাইথিবা পীবনা অশেংবা মাইপাকপনি। মরম অদুনা জেনিজমনা মপানগী তাইবং নত্তনা ইশাবু খুদুম চন্নবগীদমক পুক্নিং থৌগৎলিবা। ঐখোয়না ইশাবু খুদুম চনবা মতমদা ঐখোয়না অরিহন্ত ওইরকই। মরম অদুনা মাহামন্ত্র অসি দিমান্দ নত্তে, মসি লম্বিনি। কনাগুম্বা মীওই অমবু নুংদগী শেংদোকপা অদুগুম্বা লম্বিনি। মসিনা কনাগুম্বা অমবু চান্না-চিন্ননা লৈমিন্ননবগী লম্বি তাকই। 

মরুপশিং,

নৱকার মাহামন্ত্র অসি তশেংনা মীওইবগী মেদিতেশন, সাধনা অমসুং সেল্ফ-প্যুরিফিকেশনগী মন্ত্রনি। মন্ত্রা অসি মালেম পুম্বগী ওইনা চৎনবা য়াবা মন্ত্রনি। মসিগী মাহামন্ত্র অসি ভারতকী শ্রুতি-স্মৃতি চৎনবীগুম্না অহানবদা চিনহাই ওইনা চহি কয়া থাংথরম্মি, মথংদা ইনস্ক্রিপ্সন ওইনা অমসুং অরোইবদা প্রাক্রিত মেনুস্ক্রিপ্ত ওইনা মীরোল অমদগী মীরোল অমদা থাংথদুনা লাকখি অমসুং ঙসি ফাওবদা মসিনা ঐখোববু লমজিং-লমতাকপীরি। নৱকার মাহামন্ত্র অসি পাঞ্চ পর্মেশথিবু নিংবদা নত্তনা অচুম্বা লৌশিং, অচুম্বা থাজবা অমসুং অচুম্বা লিচৎ অমসুং মখোয় ময়াম অসিদগী খ্বাইদগ হেন্না মরুওইনা মোক্স ফংনবগী লম্বি।

ঐখোয়না পুনশিগী মচাক ৯ লৈ হায়বা খঙঙি। মসিগী মচাক ৯ অসিনা পুনশিবু খ্বাইদগী হেন্না মপুং ফাবা অমা ওইহনগদৌরিবনি। মরম অদুনা মসিগী ৯ অসি ঐখোয়গী চৎনবীদা য়াম্না মরু ওই। জেনিজমদা নৱকার মাহামন্ত্র, মচাক মাপল, মগুন মাপল অমসুং অতোপ্পা চৎনবীশিং, নিধি মাপল, নৱদ্বার , নৱগ্রহ, নৱদুর্গা, নৱধা ভক্তি, মাপল অসি মফম খুদিংমক্তা লৈ। চৎনবী খুদিংমক্তা, সাধনা খুদিংমক্তা। শোনবা অসি ৯ লক তৌই নত্রগা ২৭, ৫৪, ১০৮ লক তৌই, হায়বদি ৯গী খুজিংদা। করিগী? মরমদি ৯ অসি মপুং ফাবগী খুদমনি। খুদিংমক ৯গী মতুংদা হঞ্জিল্লি। ৯বু অমহেক্তনা পুরিয়ু, পাউখুম অদুগী রুত অদুশু অমুক ৯ ওইগনি।মসি মেথ নত্তে মেথমেতিক্সনি। মসি ফিলোসোফীনি। ঐখোয়না মপুং ফাবা মতমদা, মদুগী মতুংদা ঐখোয়গী ৱাখল, ঐখোয়গী কোক অসি তংদু-লৈতাবা হেল্লকই। অনৌবা পোৎকী অপাম্বা ফাওরক্তে। খুমাং চাউশিল্লবা ফাওবদা, ঐখোয়গী হৌরকফমদগী থাপ্না কৈদৌনুংদা চত্তে অমসুং মসিদনি নৱকার মাহামন্ত্রনা য়ুমফম ওইরিবসি।

মরুপশিং,

নৱকার মাহামন্ত্রগী ফিলোসোফীনা চাউখৎপা ভারতকী মঙলানগা মরি লৈনৈ। ঐহাক্না লাল কিলাদগি হাবখ্রে – চাউখৎপা ভারত হায়বা অসি চাউখৎপগা লোইন-লোইননা ঐখোয়গী হেরিতেজ!কৈদৌনুংদা লেপ্লোইদবা ভারত অমা, কৈদৌনুংদা পল্লোইদবা ভারত অমা। অৱাংবগী ঙমখৈ থেংলবা ফাওবদা মশাগী হৌরকফম কাওদবা। চাউখৎপা ভারত অমনা মশাগী চৎনবীদা চাউথোকচগনি। মরম অদুনা ঐখোয়গী তির্থানকারাসকী পাউতাকশিং অদুবু নিংথিনা ঙাকশেন্দুনা থম্লিবনি। ভগবান মহাবিরগী ২৫৫০শুবা নির্বানা মাহোতসবকী মতম লাকপা মতমদা, ঐখোয়না লৈবাক শিনথুংনা নুংঙাইবা ফোংদোকখি। ঙসি মীরমদগী অরিবা মীতমশিং অমুক হল্লকপা মতমদা, ঐখোয়গী তির্থানকারাগী মীতমশু হল্লকই। হৌখিবা চহি তির্থানকারাস ২০ হেন্না মখোয়গী মীতম অদু মীরমদগী হল্লকখ্রে, হায়রিবশিং অসি মতম অমদা নত্রগা অমদা হুরানখিবনি।

মরুপশিং,

জেনিজমনা ভারতকী মশক তাকপদা লৌখিবা থৌদাং অসি মপাল নাইদে। ঐখোয়না মসিবু ঙাক-শেন্নবগীদমক্তা অচেৎপা ফিরেপ লৌরি। ঐদি খঙদে, নখোয়গী মরক্তা কয়ানা পার্লিয়ামেন্ত হাউস চৎলুরে। করিগুম্বা নখোয়না চৎলুরবদি। নখোয়না শার্দুল গেত্তগী হেক চংবগা, শাম্মেদ শিখর অসি আর্কিতেকচর গেলরীদা উই। তির্থানকারাগী মীতম অমা লোক সভাগী চংফমদা লৈ, মসিগী মীতম অসি ওস্ত্রেলিয়াদগী হল্লকখিবনি। ভগবান মাহাভির ফজরবা লাই অমা কনস্তিত্যশন গেলরীগী সীলিংদা লৈ। তির্থানকারা ২৪ অদু খা থংবা বিল্দিংগী ফক্লাংদা পুন্না লৈ।  মসিগী ফিলোসোফিশিং অসিনা ঐখোয়গী দেমোক্রেসীদা অচুম্বা মাইকৈ তাকপী। জেনিজমগী ৱাহন্থোকশিং অদু অরিবা আগামা তেক্সশিংদা পিথী সুত্রাশিং ইদুনা থনমখি। খুদম ওইনা – ৱাত্তুআ সাহাবো ধম্মো, চরিত্তম খালু ধম্মো, জীৱন রক্কানম ধম্মো, মসিগী ভেল্যুশিং অসিগী মতুং ইনদুনা সরকার অসিনা সবকা সাথ, সবকা ৱিকাসকী মন্ত্রদা মাংলোমদা খোং থাংজিল্লি।

মরুপশিং,

জেন লিতরেচর অসি ভারতকী ইন্তেলেকচুৱল গ্লোরিগী বেকবোননি। মসিগি নোলেজশিং অসিবু ঙাক-শেন্দুনা থম্বা হায়বসি ঐখোয়গী ইথৌনি। অমসুং মরম অদুনা ঐখোয়না প্রাকৃত অমসুং পালিবু ক্লাসিকেল লেংগ্বেজকী লোলগী ফমথোন পীরিবনি। হৌজিক্তি জেন লিতরেচরদা রিসর্চ হেন্না তৌবা য়ারগনি।

অমসুং কোমরেদশিং,

করিগুম্বা লোলশিং হিংলবদি, নোলেজ হিংগনি। করিগুম্বা লোল চাউখৎলবদি, নোলেজশু চাউথোরক্কনি। নখোয়না খঙগদবা অমনা, ঐখোয়গী লৈবাক অসিদা চহি চা কয়া লিরবা অরিবা জেন মেন্যুস্ক্রিপ্তশিং লৈ। চেনা খুদিংমক্না পুৱারি তাকই। মসি নোলেজকী ইপাক্নি। “সামায়া ধম্মা মুদারে মুনি”- ধর্ম হায়বসি মান্নবা ৱায়েল থোকপদা লৈ। “জো সায়ম জাহ বেসিজা তেনো ভাৱাই বান্দগো”- লৌশিংবু লান্না শিজিন্নরবদি মাং-তাকই। “কামো কাসায়ো খাৱ জো, সো মুনি – পাৱাকম্মা জাও।” “অনিংবা অমসুং অপাম্ববু লাকশিনবা ঙম্বা মীদু অশেংবা মুনিনি।”

অদুবু কোমরেদশিং,

লাইবক থিবদি, মরুওইবা তেক্সশিং তপ্না-তপ্না মুৎশিল্লক্লি। মরম অদুনা ঐখোয়না গ্যান ভারত্তম মিসন হৌদোক্লগনি। মসি হন্দক্কী চহিগী বজেত্তা লাউথোকখ্রে। লৈবাক অসিদা লৈরিবা মেন্যুস্ক্রিপত করোর কয়া কয়াগী সর্ভে তৌনবা শেম-শাবা লোইখ্রে। অরিবা হেরিতেজশিং দিজিতাইজ তৌবনা, ঐখোয়না এন্তিক্বিতী অমসুং মোদর্নিতীবু কনেক্ত তৌরি। মসি বজেত্তা লাউথোকখিবা য়াম্না মরুওইবা ৱাফম অমনি অমসুং মখোয়না মসিদা চাউথোকচগদবনি। অদুবু নখোয়গী এতেন্সনদি লুপা লাক ১২গী ইনকম তেক্স একজেমশনদা লৈরমগনি। অশিংবা মীগিদি ঈংগিৎ অমদা লোইনা খঙলমগনি।

মরুপশিং,

ঐখোয়না ঔখিবা মিসন অসি মশামক্তা অমৃত সঙ্কল্পনি! অনৌবা ভারতনা AIগী খুত্থাংদা ওইথোকপা য়াবা পুম্বা থিজিনগনি অমসুং স্পিরিচুৱেলিতীগী খুত্থাংদা মালেমদা লম্বি তাক্কনি।

মরুপশিং,

ঐনা জেনিজম অসিবু খঙজবদা, জেনিজম অসি য়াম্না সাইন্তিফিক ওইবা অমসুং য়াম্না সেন্সিতিবশু ওই। ঙসি মালেম অসিনা মায়োক্নরিবা শিংনবশিং, খুদম ওইনা, লান, তেরোরিজম নত্রগা অকোওইবদা লৈরিবা মহৌশাদা লাক্লিবা অকাইবশিং অদু কোক্নবগী পাম্বৈশিং অদু জেনিজমগী বেসিক প্রিন্সিপলশিংদা য়াওরি। জেন ত্রেদিশনগী খুদম্না হায় – “পারসপারোগ্রাহো জীৱনম” হায়বদি, মালেম অসিদা লৈরিবা লেংলি-পাল্লিবা পুম্নমক অমনা অমগী মপাল তাংঙি। মরম অদুনা , জেনগী চৎনবীনা অপিকপদগীনা খ্বাইদগী অপিকপা ইংশা ফাওবা থিংঙি। মসিনা অকোইবদা লৈরিবা মহৌশাগী ফিভমবু ঙাকশেন্দুনা থম্নবগী, অমনা-অমগা চান্না-তিন্ননা লৈমিন্নবা অমসুং শান্তি লৈনা হিংমিন্নবগী খ্বাইদগী হেন্না ফবা পাউজেলনি। ঐখোয় পুম্নমক্না জেনিজমগী মরু ওইবা প্রিন্সিপল ৫ অদুগী মতাংদা খঙঙি। অদুবু মরুওইবা প্রিন্সিপল অমা লৈ – অনেকান্তৱাদ। অনেকান্তৱাদকী ফিলোসোফী অসি ঙসিগী য়ুক অসিদদি অমুক্কশু হেন্না চান্নবা ওইরে।  ঐখোয়না অনেকান্তৱাদতা থাজবা মতমদা, লান অমসুং নুংঙাইনদবগী মরম অমত্তা লৈতে। মালেম পুম্বনা হৌজিক্তি অনেকান্তৱাদকী ফিলোসোফী অসিবু কঙবা হায়বসি খ্বাইদগী হেন্না তঙাইফদবা অমা ওইরে।

মরুপশিং,

ঙসিদি মালেম অসিনা ভারত্তা থাজবা হেনগৎলক্লি। ঐখোয়না হোৎনরিবশিং, ঐখোয়গী ফংলিবা ফলশিংনা পুক্নিং থৌগৎনিংঙাই ওইরক্লি। গ্লোবল ইনস্তিত্যুশনশিংনা ভারতলোমদা য়েংলক্লিবা করিগীনো? মরমদি ভারতনা খুমাং চাউশিনখ্রে। অমসুং ঐখোয়না খুমাং চাউশিনবা মতমদা, ভারতনা খুমাং চাউশিনবা মতমদা অতোপ্পশিংগীদমক্তা লম্বি অমা হাংদোক্তুনা থনম্মি, মসি ভারতকী মগুন্নি। মসি জেনিজমগী ৱাখল্লোন্মি। ঐহাক্না অমুক্কশু হায়গে, পারসপারোপগ্রহা জীৱনম! পুনশি হাববসি অমনা অমগী মতেং পাংনরগা চৎলিবনি। মসিগী ৱাখল্লোন অসিনা মরম ওইরগা, মালেম অসিনা ভারত্তা থম্লিবা থাজবশু হেনগৎলে। অদুগা ঐখোয়নশু হোৎনবা হেনগৎলে। ঙসি অৱাবা কয়াগী মনুংদা খ্বাইদগী হেন্না খন্ন-নৈনবা খ্বাইদগী অচৌবা অৱাবা অদুদি ক্লাইমেত চেঞ্জনি। মদুগী পাম্বৈ করিনো? সস্তেনেবল লাইফস্তাইল। মরম অদুনা ভারতনা মিসন লাইফ হৌদোকখি। মিসন লাইফ আববদি ‘লাইফ স্তাইল ফোর এনভাইরনমেন্ত’ LIFE হায়বনি। অমসুং জেন সোসাইতী  অসি চহি চা কয়া অসুম্না লৈরক্লবনি। সিমপ্লিসিতী, রেস্ত্রেন্ত অমসুং সস্তেনেবিলিতীনা নখোয়গী পুনশিগী য়ুমফম ওইরিবনি। জেনিজমদা হায়- আপারিগ্রহা, মসিবু মীয়ামদা শন্দোকপগী মতম ওইরে। নখোয়না লৈবা মফম খুদিংদা, ঐহাক্না নখোয়বু মিসন লাইফকী ফ্লেগ ব্যরর ওইননবা হায়রি। 

মরুপশিং,

ঙসিগী মালেম অসি ইনফোর্মেশনগী মালেম্নি। নোলেজকী স্তোরহাউস অসি উবা ফংলে। অদুবু, না বিজা ৱিন্নানম কারোতি কিঞ্চি! ৱিসদম য়াওদবা নোলেজ অদুদি অরুম্বনি, অরুবা নত্তে। জেনিজমনা নোলেজ অমসুং ৱিসদমগী খুত্থাংদা অচুম্বা লম্বি ফংগনি হায়না তম্বি। মসিগী খল অসি ঐখোয়গী নহাশিংগীদমক্তা য়াম্না মরু ওই। তেক লৈবা মফমদা তচশুং লৈফম থোকই। স্কিল লৈবা মফমদা, সোল লৈফম থোকই, আত্মাশুং লৈফম থোকই। নৱকার মাহামন্ত্রনা মসিগী ৱিসদমগী সোর্স অমা ওইবা য়াই। অনৌবা মীরোলগীদমক্তা মসিগী মন্ত্র অসি লাইশোন খক্ত নত্তে মসি মাইকৈশুনি। 

মরুপশিং,

ঙসি অসুক য়াম্লবা মীয়াম অসিনা মালেম শিথুংনা পুন্না নৱকার মাহামন্ত্র শোনবা অসিদা ঐখোয় পুম্নমক্না,  ঐখোয়না ফম্বা মফমদা, অসিগী কা অসিদা নত্তনা ঐখোয়গা লোইননা অচেৎপা ফিরেপ অমা লৌমিন্নসি। অহানবা ফিরেপ – ইশিং কন্নবগী ফিরেপ। নখোয় ময়াম অমনা মাহুদি য়াত্রা চৎলম্লগনি। বুধিসাগর জী মাহারাজনা চহি ১০০গী মমাংদা ৱাফম খরা হায়খি, মদু মফম অদুদা ইদুনা লৈ। বুদ্ধিসাগর মাহারাজনা হায়খি – “ঈশিং অসি গ্রোসরী স্তোরশিংদা য়োল্লগনি…” হায়না চহি ১০০গী মমাংদা হায়রম্মি। ঙসি ঐখোয়না মদুগী মতম অদুদা হিংলিবনি। ঐখোয়না ঈশিং থক্নবগীদমক্তা গ্রোসরি স্তোরশিংদগি লৈ। ঐখোয়না ঈশিং মরিক খুদিংমক্কী মমল খঙগদবনি। ঈশিং খুদিংমক কনবা হায়বসি ঐখোয়গী ইথৌনি।  

অনিশুবা ফিরেপ – ইমাগী মিংদা উ-পাম্বি অমা। হৌখিবা থা খরা অসিদা, লৈবাক অসিদা উ-পাম্বি করোর ১০০ হেন্না থাখ্রে। হৌজিক্তি মীপুম খুদিংমক্না মশাগী মমাগী মিংদা উ-পাম্বি অমমম থাগদবনি, অমসুং ইমাগী থৌজালগা লোইননা শেমগৎপীগদবনি। নখোয়না ঐঙোন্দা গুজরাতকী লমদমদা সেবা তৌনবগী খুদোংচাবা পীবীবা মতমদা, ঐহাক্না চাংয়েং অমা তৌজখি। মরম অদুনা ঐহাক্না তারঙ্গাজীদা তিরথানকর উমং অমা শেম্লে। তরঙ্গাজী অসি য়াম্না তাকপা ফিভমদা লৈ, মরম অদুনা লাই খুরুম্বা লাক্লিবশিং অদুনা ফমফম অমা ফংনবা অমসুং ঐহাক্না তিরথানকর উমং অসিদা ঐখোয়গী তিরথানকর ২৪ অদুনা মখাদা ফমখিবা উ-পাম্বিশিং অদুবু খঙবা পামখি অমসুং থাবা পামখি। ঐহাক্না হোৎনদবা লৈখিদে অদুবু লাইবক থিবদি ঐহাক্না উ-পাম্বি ১৬ খক্তমক খোমজিনবা ঙমখি, ঐহাক্না নিপাল অমদি ফংবা ঙমখিদে। তিরথানকরশিং অদুনা মখাদা ধ্যান তৌদুনা ফমখিবা উ-পাম্বিশিং অদু মুৎখ্রে তাবদা নখোয়গী থমোই শোকপ্রা? নখোয়শু খল্লু, ঐহাক্না তিরথানকরশিং অদুনা ফমখিবা উ-পাম্বিশিং অদু থাগনি অমসুং ঐহাক্না ঐঘি ইমাগী মিংদা উ-পাম্বি অদু থাগনি।    

অহুমশুবা ফিরেপ- লু-নানবগী মিসন। লু-নানবা হায়বসিদা অহিংশাগী শরুক খরা য়াওই, হিংশাদগী নিংখা তম্মি। লম্বি খুদিং, লোকেলিতী খুদিং, ঐখোয়গী সহর খুদিংমক্না লু-নান্না লৈগদবনি, মীপুম খুদিংমক্না মসিদা শরুক য়াগদবনি, য়ারোইদ্রো? মরিশুবা ফিরেপ – ভোকেল ফোর লোকেল। থবক অমা তৌবীয়ু , মরুওইনা ঐগী নহাশিং, নহারোলশিং, মরুপশিং, ইচানুপীশিং, নখোয়না য়ুমদা হেক শিজিন্নবা পোৎলম খুদিংমক, নহাক্না হেক হৌগৎপদগীনা নুমিদাংদা তুম্বা ফাওবদা, ব্রশ, শমজেত, করিগুম্বা অমহেক্তা মপান লমগী ওইবা পোৎশিং অদুগী লিস্ত অমা শেম্মু। নহাক নশামক ঙক্কনি, নহাক্কী পুনশিদা মপান লমগী পোৎ কয়া য়াম্না চংশিল্লবগে হায়বদু অমসুং মদুগী মতুংদা হন্দক্কী চয়োল অসিদা পোৎ অহুম শিং হন্থহল্লগনি হায়না লেপ্পু, মথংদা মঙা অমসুং তপ্না-তপ্না নুমিৎ খুদিংগী মাপল হন্থরগনি  অমসুং অমমম অসুম্না হন্থহল্লগনি , ঐহাক্না নৱকার মন্ত্রা লেপ্তনা শোনগনি। 

মরুপশিং,

ঐহাক্না ভোকেল ফোর লোকেল হায়বা মতমদা, ঐখোয়না ভারত্তা শাবা পোৎলমশিং অমসুং ভারতকা লোইন-লোইননা মালেম শিনথুংনা য়োনবা পোৎলমশিং লৈবা পাম্মি। ঐখোয়না লোকেল অসিবু গ্লোবল ওইহনগদবনি। ভারতকী হুমাংমন অমসুং ভারতকী লৈহাওগি নুংশিরবা মনম য়াওবা পোৎলমশিং অদু ঐখোয়না লৈগদবনি অমসুং অতোপ্পদশু তৌনবা থৌগৎকদবনি।

মঙশুবা ফিরেপ- দেশ দর্শন। নখোয়না মালেম শিনথুংনা কোইবা য়াই অদুবু অহানবদা ভাতপু মশক খঙঙু, নখোয়গী ভারত অসিবু হান্না মশক খঙঙু। ঐখোয়গী রাজ্য খুদিংমক, ঐখোয়গী কলচর খুদিংমক, মফম খুদিংমক,ঐখোয়গী ত্রেদিশন খুদিংমক য়াম্না ফজৈ, মপাল নাইদে, মখোবশিং অদু য়েংগদবনি অদুবু য়েংলোই অমসুং মালেম অসিনা য়েংবা লাক্লবদি, করিগীদমক্ লাক্কদৌরিবনো হায়রক্কনি। হৌজিক ঐখোয়গী য়ুমদা লৈরিবা অঙাংশিং অসিদা অফবা ফজবা অদু পীদ্রগদি, য়ুমলোন্নবশিংদা কনানা পীগনি।

তরুকশুবা ফিরেপ- নচরেল ফার্মিং শিজিন্ননবা। জেনিজমনা হায় – জীৱো জীৱাস নো হান্তা- “অহিংবা জিব অমনা অতোপ্পা অহিংবা জিব অমবু হাৎলোইদবনি।” ঐখোয়না ইমা পৃথিবীবু কেমিকেলসিংদগী কোকহনগদবনি। ঐখোয়না লৌমীশিংগীদমক্তা লেপকদবনি। ঐখোয়না খুঙ্গং খুদিংমক্তা নেচরেল ফার্মিংগী মন্ত্র অসি পুদুনা চৎকদবনি।

তরেৎশুবা ফিরেপ- অফবা পুনশি মহিং অমা হিংগদবনি। চিঞ্জাক্তা ভারতকী চৎনবীদা অমুক হল্লক্কদবনি। মিলেতশিং অমসুং মহৈ-মরোংশিং য়ারিবমখৈ পুখমদা হাপ্নবা হোৎনগদবনি। অমসুং ওবেসিতী লৈহনদনবা অচা-অথক্তা থাও ১০% তানা য়াওগদবনি! অমসুং নহাক্না করম্না হোৎকনি হায়বা ফজনা খঙঙি, শেল তিংবা হন্থগনি অমসুং থবকশু হন্থগনি।

মরুপশিং,

জেন ত্রেদিশন্না হায়া – ‘তাপেনাম তানু মানসম হোই’। ইশানা-ইশাবু ৱারকচবা অমসুং ইশানা-ইশাবু ফাথজবা হায়বসিনা হকচাং ফহল্লি অমসুং ৱাকল শান্তি লৈহল্লি। অমসুং মসিগী খ্বাইদগী ফবা পাম্বৈদি য়োগ অমসুং স্পোর্তসনি। মরম অদুনা, নিপালশুবা ফিরেপতি য়োগ অমসুং স্পোর্তসপু পুনশি শরুক অমা ওইহনবা হায়বসিনি। য়ুম্বু ওইরো নত্রগা ওফিস, স্কুল নত্রগা পার্ক, ঐখোবনা শান্নবা অমসুং য়োগ তৌবা হায়বসি ঐখোয়গী পুনশিগী শরুক অমা ওইহনগদবনি। মাপলশুবা ফিরেপ অসিনা লাইরবশিংবু মতেং পাংবা। কনাগুম্বা মীশক অমগী মতেং পাংবীবা অমসুং মখোয়গী হিংননবগী লম্বি পীবীবা হায়বসিনা অশেংবা সেবা তৌবনি।

মরুপশিং,

মসিগী অনৌবা ফিরেপশিং অসিনা ঐখোয়দা অণোবা শক্তি পীনবীরগনি, মসি ঐগী গেরেন্তিনি। ঐখোয়গী অনৌবা মীরোলশিংনা অনৌবা মাইকৈ ফংলগনি। অমসুং শান্তি, চান্ন-চিন্ননা লৈমিন্নবা অমসুং মীনুংশি হায়বসি ঐখোয়গী খুনাই অসিদা হেনগৎলক্লগনি। ঐহাক্না করিগুম্বা অমদি শোইদনা হায়গে, করিগুম্বা ঐহাক্না মসিগী ফিরেপশিং অসিদগী অমফাওবা ঐগী কান্ননবগীদমক্তা শেম্বা ওইরবদি, মদু তৌবীগনি। করিগুম্বা নখোয়না ঐহাক্কী পার্তীগী কান্ননবগীদমক্তা তৌরম্বা ওইরবশু, মদু তৌবীগনু। হৌঝিক্তি নখোয় করিগুম্বা অথিংবা-অপনবা অমত্তনা অফা-অপুন তৌহল্লোইদবনি। অমসুং মাহারাজ সাহেব পুম্নমকশু ঐবু তারিবনি, ঐহাক্না মকোয়দা খুরুকজরি মদুদি করিগুম্বা ঐগী ৱাহৈশিং অসি নখোয়গী চিবালদগী থোরকপা ওইরবা নখোয়গী পাঙ্গলশু হেনগৎকনি।  

মরুপশিং,

এখোয়গী রত্নত্রয়া, দাশলাক্সন, সোলাহ করন, পার্য়ুশননচিংবশিং মাহাপর্ৱনা পুক্নিংগী য়াইফনবগীদমক্তা লম্বি শেম্বীবা ওইরসনু। ৱিশ্বা নৱকার মাহামন্ত্র অদুমক্না নুমিৎ অসিনা মালেমদা নুংঙাইবা, শান্তি অমসুং নুংঙাই-য়াইফবা পুরকপা ওইরসনু, ঐহাক্না ঐখোয়গী আচার্য় ভাগৱানশিংদা শেংনা থাজৈ অমসুং মরম অদুনা ঐহাক্না নখোয়দশু থাজৈ। ঙসি ঐহাক্ য়াম্না নুংঙাই, ঐহাক্না ফোংদোক্নিংবা নুংঙাইবনি, মরমদি ঐহাক অসি অসিগুম্বা থবকশিং অসিগা হান্নদগীশু মরি লৈনরকই। ঐহাক য়াম্না নুংঙাই, ঐখোয়গী সেক্ত মরিমক্না থৌরম অসিদা অমত্তা ওইনা পুল্লরে। মসিগী স্তেন্দিং ওভেশন অসি মোদীগীদমক্তা নত্তে, ঐহাক্না সেক্ত মরি অসিগী অচৌবা মী খুদিংমক্কী খুয়াদা কৎলি। মসিগী থৌরম অসিনা ঐখোয়গী ইনস্পিরেশন, ঐখোয়গী য়ুনিতী, ঐখোয়গী সোলিদেরিতি অমসুং অপুনবগী শক্তি অমসুং অপুনবগী শক্তম ওইরে। ঐখোয়না অসিগুম্না ঐখোয়গী লৈবাক অসিদা অমত্তা ওইবগী পাউজেল অসিবু শন্দোক্কদবনি। ভারত মাতা কী জয় হায়বা মীওই খুদিংমক ঐখোয়না মহাকপু কনেক্ত তৌগদবনি। মসিনি চাউখৎপা ভারত অমা শেমগৎনবগী শক্তি, মসিনা য়ুমফমবু লিংহল্লগনি।  

মরুপশিং,

ঙসিদি লৈবাক অসিগী তোঙান-তোঙানবা মফমশিংদা গুরু ভগবানশিংগী থৌজাল ফংবা অসি য়াম্না লাইবক ফবনি। ঐহক্না জেনগী ইমুং-মনুং খুদিংমকপু অসিগুম্বা মালেমগী থাক্তা লৈবা থৌরম অমা শিনবগীদমক্তা নোল্লুক্না খুরমজরি।  ঐহাক্না আচার্য়া ভগবানশিং, মারা সাহেব, মুনি মাহারাজ, ঙসি লৈবাক শিনথুংনা অমসুং মপান লমদা পুল্লিবা শ্রবকশিং অমসুং শ্রবিকাশিং কোক নোন্দুনা ইকাইখুম্নবা উৎচরি। অমসুং  থৌরম অসিগীদমক্তা ঐহাক্না অখন্ননা JITOবু থাগৎপা ফোংদোক্লি। নৱকার মন্ত্রদগী হেন্না JITOগীদমক্তা খুবাক হেন্না খুবীয়ু। JITO এপেক্সকী চিয়রমেন, পৃথিবীরাজ কোথারি জী, প্রেসিদেন্ত, বিজয় ভন্দারি জী, গুজরাত হোম মিনিস্তর, হর্শ শাংঘভি জী, JITOগী অতোপ্পা ওফিসিয়েলশিং অমসুং লৈবাক অসিগী অমসুং মালেম অসিগী কাচিন-কোয়াদগী লাকপা দিগ্নিতরী খুদিংমক্তা অসিগুম্বা পুৱারি ওইরবা থৌরম অসিগীদমক্তা য়াইফ-পাউজেল পীরি। থাগৎচরি।

জয় জিনেন্দ্র।

জয় জিনেন্দ্র।

জয় জিনেন্দ্র।

****