2025 மே 1 முதல் 4 வரை மும்பையில் உள்ள ஜியோ வேர்ல்ட் சென்டரில் நடைபெறவுள்ள உலக ஒலி ஒளி  மற்றும் பொழுதுபோக்கு உச்சிமாநாட்டின் (வேவ்ஸ்) ஒரு பகுதியாக தொடங்கப்பட்ட இந்தியாவில் படைப்போம் சவால் சீசன் -1, 1,100 சர்வதேச பங்கேற்பாளர்கள் உட்பட 85,000 பதிவுகளைக் கடந்து புதிய மைல்கல்லை எட்டியுள்ளது. 32 மாறுபட்ட சவால்களில் இருந்து ஒரு உன்னிப்பான தேர்வு செயல்முறைக்குப் பிறகு தேர்ந்தெடுக்கப்பட்ட 750 க்கும் மேற்பட்ட இறுதிப் போட்டியாளர்கள், தங்கள் தனிப்பட்ட சவாலின் விளைவு மற்றும் வெளிப்பாடு, அவர்களின் திறமை மற்றும் திறன்களை வெளிப்படுத்துவதற்கான தனித்துவமான வாய்ப்பைப் பெறுவார்கள், மேலும் அந்தந்த துறையைச் சேர்ந்த வணிகத் தலைவர்களுடன் நெட்வொர்க்கிங் வாய்ப்புகள் மற்றும் மாஸ்டர் கிளாஸ்கள், குழு விவாதங்கள் மூலம் உலகளாவிய ஜாம்பவான்களிடமிருந்து கற்றுக்கொள்வார்கள். இந்தியாவில் படைப்போம் சவால்களின் வெற்றியாளர்களுக்கு மும்பையில் நடைபெறும் பிரமாண்டமான விழாவில் 'வேவ்ஸ் கிரியேட்டர் விருதுகள்' வழங்கி கௌரவிக்கப்படும்.

இந்த சவால்கள் படைப்பாற்றல் சூழலில் ஒரு சக்திவாய்ந்த நுழைவை ஏற்படுத்தியுள்ளன, இந்தியா மற்றும் அதற்கு அப்பால் புதுமை மற்றும் ஈடுபாட்டின் அலையைத் தூண்டி, உலகளாவிய அளவில் படைப்பாற்றல் திறமைக்கான முதன்மையான தளமாக உருவாகியுள்ளன.

துறைகள், எல்லைகள் மற்றும் தலைமுறைகளைக் கடந்து படைப்பாளர்களை ஒன்றிணைப்பதன் மூலம், இந்தியாவில் படைப்போம் சவால், இந்தியாவின் படைப்பு ஆற்றலைக் கொண்டாடுவது மட்டுமல்லாமல், கதைசொல்லல் மற்றும் டிஜிட்டல் வெளிப்பாட்டின் எதிர்காலத்தைச் சுற்றி உலகளாவிய உரையாடலையும்  தூண்டியுள்ளது. இந்த குறிப்பிடத்தக்க அடித்தளத்துடன், இந்தியாவில் படைப்போம் சவால் எதிர்வரும் பருவங்களில் புதிய உயரங்களை எட்டத் தயாராக உள்ளது, படைப்பாளர்களுக்கு அதிகாரம் அளித்தல் மற்றும் நாளைய கலாச்சார சூழலை வடிவமைக்கும் அதன் பணியைத் தொடர்கிறது.

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:

https://pib.gov.in/PressReleasePage.aspx?PRID=2117273

*****

(Release ID: 2117273)

RB/DL