২০২৫ চনৰ ১ মে’ৰ পৰা ৪ মে’লৈ মুম্বাইৰ জিঅ’ ৱৰ্ল্ড চেণ্টাৰত অনুষ্ঠিত হ’বলগীয়া ৱৰ্ল্ড অডিঅ’ ভিজুৱেল এণ্ড এণ্টাৰটেইনমেণ্ট ছামিট (WAVES)ৰ অংশ হিচাপে আৰম্ভ কৰা ক্ৰিয়েট ইন ইণ্ডিয়া চেলেঞ্জ (চিআইচি) ছিজন-১-এ  ১১০০ আন্তঃৰাষ্ট্ৰীয় অংশগ্ৰহণকাৰীকে ধৰি ৮৫,০০০ গৰাকী প্ৰতিযোগীৰ নাম পঞ্জীয়নেৰে নতুন মাইলৰ খুঁটি অৰ্জন কৰিছে। ৩২টা বৈচিত্ৰ্যপূৰ্ণ প্ৰত্যাহ্বানৰ পৰা এক নিখুঁত বাছনি প্ৰক্ৰিয়াৰ অন্তত নিৰ্বাচন কৰা ৭৫০ জনতকৈ অধিক চূড়ান্ত প্ৰতিযোগীয়ে তেওঁলোকৰ ব্যক্তিগত প্ৰত্যাহ্বানৰ ফলাফল , তেওঁলোকৰ প্ৰতিভা আৰু দক্ষতা প্ৰদৰ্শন কৰাৰ এক অনন্য সুযোগ লাভ কৰিব। এই প্ৰতিযোগীসকলে  পিটিং চেচনকে ধৰি নিজৰ নিজৰ খণ্ডৰ শীৰ্ষ ব্যক্তিসকলৰ সৈতে নেটৱৰ্কিংৰ সুযোগৰ বিষয়ে প্ৰদৰ্শন কৰাৰ উপৰি ভাৰতত মাষ্টাৰক্লাছ, পেনেল আলোচনা, সন্মিলন আদিৰ জৰিয়তে বিশ্বৰ আগশাৰীৰ ব্যক্তিসকলৰ  নতুন নতুন কথা  শিকাৰ সুযোগ লভিব আৰু  মুম্বাইত অনুষ্ঠিত হ’বলগীয়া এক বৃহৎ অনুষ্ঠান ‘ক্ৰিয়েটস্ফিয়াৰ’ ৰ প্ৰত্যাহ্বানত অংশগ্ৰহণ কৰিব পাৰিব।

এই প্ৰত্যাহ্বানসমূহে সৃষ্টিশীল পৰিৱেশত হৎ মাত্ৰাত প্ৰতিযোগীৰ প্ৰৱেশসম্ভৱ কৰি তুলিছে। এই প্ৰত্যাহ্বানসমূহে লগতে  সমগ্ৰ ভাৰত আৰু ইয়াৰ বাহিৰতো উদ্ভাৱন তথা ইয়াৰ সৈতে নিয়োজিত হোৱাৰ সুযোগৰ দুৱাৰ মুকলি কৰি দিছে।উফলত ই  বিশ্বব্যাপী সৃষ্টিশীল প্ৰতিভাৰ বাবে এক প্ৰধান মঞ্চ হিচাপে আত্মপ্ৰকাশ কৰিছে। উদ্ভাৱনীমূলক  ৰিল প্ৰস্তুত প্ৰতিযোগিতা, সমাধানমুখী  সত্য কথনৰ  হেকাথন,  ইয়ং ফিল্মমেকাৰৰ প্ৰত্যাহ্বান আৰু কল্পনাপ্ৰসূত কমিক্স সৃষ্টিকৰ্তা চেম্পিয়নশ্বিপকে ধৰি ৩২টা বৈচিত্ৰ্যময় আৰু গতিশীল প্ৰত্যাহ্বানৰ সৈতে ক্ৰিয়েট ইন ইণ্ডিয়া চেলেঞ্জে সমল সৃষ্টিকৰ্তাসকলৰ বাবে তেওঁলোকৰ দক্ষতা প্ৰদৰ্শনৰ এক অনন্য সুযোগ প্ৰদান কৰিছে।  অন্যান্য ফ্লেগশ্বিপ ইভেণ্ট যেনে এ.আই. অৱতাৰ সৃষ্টিকৰ্তা প্ৰত্যাহ্বান,ৱাম (WAM)! এনিমে চেলেঞ্জ, ইস্প'ৰ্টছ টুৰ্ণামেণ্ট, ট্ৰেইলাৰ মেকিং প্ৰতিযোগিতা, থিম মিউজিক প্ৰতিযোগিতা আৰু অত্যাধুনিক এক্সআৰ ক্ৰিয়েটৰ হেকাথনে পৰৱৰ্তী প্ৰজন্মৰ কাহিনী বৰ্ণনা কৰোতা, ডিজাইনাৰ আৰু ডিজিটেল উদ্ভাৱকৰ বাবে ক্ৰিয়েট ইন ইণ্ডিয়া চেলেঞ্জক এক নিৰ্দিষ্ট মঞ্চ হিচাপে  চিহ্নিত কৰিছে।

শাখা, সীমা, আৰু প্ৰজন্মৰ পৰা প্ৰজন্মলৈ সমল সৃষ্টিকৰ্তাসকলক একত্ৰিত কৰি ক্ৰিয়েট ইন ইণ্ডিয়া চেলেঞ্জে কেৱল ভাৰতৰ সৃষ্টিশীল শক্তিক উদযাপন কৰাই নহয় — ই গল্প কথন আৰু ডিজিটেল প্ৰকাশৰ ভৱিষ্যতক কেন্দ্ৰ কৰি  বিশ্বব্যাপী আলোচনা তথা চৰ্চাৰ পথ প্ৰশস্ত কৰিছে। এই উল্লেখযোগ্য ভেটিৰ জৰিয়তে ক্ৰিয়েট ইন ইণ্ডিয়া চেলেঞ্জে আগন্তুক সময়ত নতুন উচ্চতাত আৰোহণ  কৰিবলৈ সাজু হৈছে। সমল  সৃষ্টিকৰ্তাসকলৰ প্ৰতিভাক উজলাই তুলি তেওঁলোকৰ সবলীকৰণ আৰু কাইলৈৰ বাবে এক সুস্থ তথা শক্তিশালী সাংস্কৃতিক পৰিৱেশ গঢ় দিয়াৰ অভিযান অব্যাহত আছে।

ৱেভছৰ  বিষয়ে

ভাৰত চৰকাৰে মহাৰাষ্ট্ৰৰ মুম্বাইত ২০২৫ চনৰ ১ মে’ৰ পৰা ৪ মে’লৈ আয়োজন কৰিব মিডিয়া এণ্ড এণ্টাৰটেইনমেণ্ট (এম এণ্ড ই) খণ্ডৰ বাবে এক মাইলৰ খুঁটি স্বৰূপ  অনুষ্ঠান (WAVES)।আপুনি এজন উদ্যোগ পেছাদাৰী, বিনিয়োগকাৰী, সমল সৃষ্টিকৰ্তা বা উদ্ভাৱক যিয়েই হওক, শীৰ্ষ সন্মিলনে সংযোগ, সহযোগিতা, উদ্ভাৱন আৰু এম এণ্ড ই খণ্ডত  অৰিহণা যোগাবলৈ বিশ্বব্যাপী মঞ্চ এখন  প্ৰদান কৰিছে।ৱেভছে  ভাৰতৰ সৃষ্টিশীল শক্তিৰ বিকাশ সাধন কৰিবলৈ সাজু হৈছে, কন্টেন্ট সৃষ্টি, বৌদ্ধিক সম্পত্তি, আৰু প্ৰযুক্তিগত উদ্ভাৱনৰ কেন্দ্ৰ হিচাপে ইয়াৰ স্থান বৃদ্ধি কৰিব। এই অনুষ্ঠানত গুৰুত্ব দিয়া উদ্যোগ আৰু খণ্ডসমূহৰ ভিতৰত আছে সম্প্ৰচাৰ, প্ৰিন্ট মিডিয়া, টেলিভিছন, ৰেডিঅ', চলচ্চিত্ৰ, এনিমেচন, ভিজুৱেল ইফেক্ট, গেমিং, কমিক্স, শব্দ আৰু সংগীত, বিজ্ঞাপন, ডিজিটেল মিডিয়া, ছ'চিয়েল মিডিয়া প্লেটফৰ্ম, জেনেৰেটিভ এআই, অগমেণ্টেড ৰিয়েলিটি (এ আৰ),ভাৰ্চুৱেল ৰিয়েলিটি (ভি আৰ), আৰু এক্সটেণ্ডেড ৰিয়েলিটি (এক্সআৰ)।

কিবা প্ৰশ্ন আছে নেকি? ইয়াত উত্তৰ বিচাৰি পাওক

আহক, আমাৰ সৈতে একেলগে এই মহাযাত্ৰাৰ সহযোগী হওঁক! ৱেভছৰ বাবে এতিয়াই পঞ্জীয়ন  কৰক (অতিশীঘ্ৰে আহি আছে!)। here  

পিআইবি টীম ৱেভছৰ  শেহতীয়া ঘোষণাৰ বিষয়ে অৱগত হৈ থাককPIB Team WAVES

আহক, আমাৰ যাত্ৰাৰ সংগী হওঁক!ৱেভছৰ বাবে এতিয়াই পঞ্জীয়ন কৰক now.

******

PIB TEAM WAVES 2025 | Dharmendra Tewari /Navin Sreejith / |DM