ইনফোর্মেসন অমসুং ব্রোদকাস্তিং মন্ত্রালয়

ৱেব্স ‘ক্রিএত ইন ইন্দিয়া চেলেঞ্জ’ মালেমগী ওইনা শরুক য়ারকপা ১১০০ গা লোয়ননা রেজিস্ত্রেসন ৮৫,০০০ লানখ্রে


চেলেঞ্জ ৩২ দগী ফাইনেলিস্ত ৭৫০ না মে ১ দগী ৪, ২০২৫ ফাওবদা মুম্বাইদা ৱেব্স ‘ক্রিএতোস্ফিয়র’ দা শরুক য়াগদৌরি

Posted On: 01 APR 2025 3:54PM by PIB Imphal

মে ১ দগী ৪, ২০২৫ ফাওবদা মুম্ববাইগী জিও ৱর্ল্দ সেন্তরদা পাঙথোক্কদৌরিবা ৱর্ল্দ ওদিও ভিজুএল এন্দ এন্তরতেনমেন্ত সম্মিত (ৱেব্স) কী মনুং চন্না হৌদোকখিবা ক্রিএত ইন ইন্দিয়া চেলেঞ্জ (সি.আই.সি.) সীজন-১ না মালেমগী ওইনা শরুক য়ারকপা ১,১০০ গা লোয়ননা রেজিস্ত্রেসন ৮৫,০০০ লান্থোক্তুনা অনৌবা পন্দোল অমা শেমখ্রে‍। খেন্নবা চেলেঞ্জ ৩২ দগী চেকশিল্লবা খনগৎপগী থৌওং অমগী মতুংদা খনগৎলকপা ফাইনেলিস্ত ৭৫০ হেনবনা, পিতচিং সেসনশিং য়াওনা মখোয় মখোয়গী মরী লৈনবা সেক্তরদগী বিজিনেস লুচিংবশিংগা নেতৱর্কিংগী খুদোংচাবশিং, অমদি মাস্তরক্লাস, পেনেল দিস্কজন, কন্ফরেন্সনচিংববশিংগী খুত্থাঙদা মালেমগী মচিন চৎপা মীওইশিংদগী তমহৌনবা তাঞ্জাগী মথক্তা মখোয়গী লনাই চেলেঞ্জগী ওইরক্লিবা মহৈ, মখোয়গী হৈ-শিংবা অমদি স্কিল উত্থোকচনবা তোপ তোপ্পা খুদোংচাবা অমা ফংলগনি‍। ক্রিএত ইন ইন্দিয়া চেলেঞ্জকী অথোইবশিংবু মুম্বাইদা চাউনা পাঙথোক্কদবা ‘ৱেব্স ক্রিএতর এৱার্দ্স’ থৌরমদা ওক্কনি‍।

চেলেঞ্জশিং অসিনা ক্রিএতিব লেন্দস্কেপ্তা মতিং লৈবা এন্ত্রী অমা শেমদুনা, ভারত অমসুং মসিগী মপান্দা ইনোভেসন অমসুং এঙ্গেজমেন্তকী ঈথক অমা মৈ চুদুনা, মালেমগী থাক্তা ক্রিতিব তেলেন্তকী মাঙজিল থাবা ফম্পাক অমা ওইরক্লি‍। হায়-ইনর্জী রীল মেকিং কম্পিতিসন, সোলুসন্দা য়ুম্ফম ওইবা ত্রুথ তেল হেকাথোন, মীৎয়েঙ শানবা য়ং ফিল্মমেকর্স চেলেঞ্জ, অমদি ৱাখলনা শাগৎপা কোমিক্স ক্রিতর চেম্পিয়নসিপ য়াওনা খেন্নবা মখলগী অমদি ইচঙ থৌবা চেলেঞ্জ ৩২ য়াওরিবা সি.আই.সি. অসিনা ক্রিতরশিংদা মখোয়গী হৈ-শিংবা উত্থোক্নবা তোপ তোপ্পা তাঞ্জা অমা পীরি‍। এ.আই. অবতার ক্রিএতর চেলেঞ্জ, দব্লিউ.এ.এম.! এনিমে চেলেঞ্জ, এস্পোর্তস তুর্নামেন্ত, ত্রেলর মেকিং কম্পিতিসন, থীম ম্যুজিক কম্পিতিসন, অমদি কত্তিং-এদ্জ এক্স.আর. ক্রিএতর হেকাথোনগুম্বা অতৈ ফ্লেগসিপ থৌরমশিংনা মখা তানা সি.আই.সি.বু মথঙগী মীরোলগী ৱারী লীবা, দিজাইনর, অমদি দিজিতেল ইনোভেতরশিংগী মতিং লৈবা লোঞ্চপেদ অমা ওইনা শেমগৎলি‍।

হীরম, ঙমখৈ, অমদি মীরোল কয়াদগী ক্রিএতরশিং পুনশিন্নহন্দুনা, সি.আই.সি.না ভারতকী ক্রিএতিব ইনর্জীবু সেলেব্রেত তৌবতা নত্তনা — মসিনা ৱারী লীবা অমদি দিজিতেলগী মফোঙদোক্কী তুংলমচৎকী মালেমগী ওইবা ৱারী-ৱাতায় অমা পুরক্লি‍।‍ অসিগুম্বা শিংথানিংঙাই ওইরবা য়ুম্ফম অমগা লোয়ননা, সি.আই.সি.না তুংদা লাক্কদৌরিবা সীজনশিংদা অনৌবা থাক্তা কাখৎলক্নবা মফম কন্দুনা, ক্রিএতরশিং মতিং হাপ্পা অমদি হয়েংগী কলচরেল লেন্দস্কেপ শেম্বগী মাগী পান্দম পুদুনা চঙশিল্লি‍।

ৱেব্সকী মরমদা

মেদিয়া অমদি এন্তরতেনমেন্ত (এম&ই) সেক্তরগী পন্দোল ওইবা থৌরম অমা ওইরিবা অহান্বা ৱর্ল্দ ওদিও ভিজুএল এন্দ এন্তরতেনমেন্ত সম্মিত (ৱেব্স) অসি মে ১ দগী ৪, ২০২৫ ফাওবদা মুম্বাই, মহারাস্ত্রদা ভারত লৈঙাক্না শিন্দুনা পাঙথোক্কনি‍।

অদোম ইন্দস্ত্রী প্রোফেস্নেল, ইনভেস্তর, ক্রিএতর, নৎত্রগা ইনোভেতর অমা ওইরবসু, সম্মিত অসিনা এম&ই লেন্দস্কেপ্তা মরী শাগৎনবা, খুৎশম্ননা চৎমিন্ননবা, অনৌবা ৱাখল্লোন পুথোক্নবা অমদি থৌদাং য়ানবা মপুং ফাবা মালেমগী ওইবা ফম্পাক অমা পীরি‍।

ৱেব্সনা ভারতকী ক্রিএতিবকী মপাঙ্গল হেন্না কনখৎহন্দুনা, লমদম অসিবু কন্তেন্ত শেম্বা, ইন্তেলেকচুএল প্রোপর্তী, অমদি তেক্নোলোজিকেল ইনোভেসন মফম অমা ওইবগী থাক হেন্না হেনগৎহল্লগনি‍। মীৎয়েঙ থম্লিবা ইন্দস্ত্রি অমদি সেক্তরশিংগী মনুংদা ব্রোদকাস্তিং, প্রিন্ত মেদিয়া, তেলিভিজন, রেদিও, ফিল্ম, এনিমেসন, ভিজুএল ইফেক্ত, গেমিং, কোমিক্স, সাউন্দ অমদি ম্যুজিক, এদভরতাইজিং, দিজিতেল মেদিয়া, সোসিএল মেদিয়া প্লেতফোর্ম, জেনেরেতিব এ.আই., এগমেন্তেদ রিএলিতী (এ.আর.), ভর্চুএল রিএলিতী (ভি.আর.), অমদি এক্সতেন্দেদ রিএলিতী (এক্স.আর.) য়াওরি‍।

ৱাহং হংবিনিংবা লৈবরা? পাউখুমশিং মফমসিদা থিবিয়ু‍।

পি.আই.বি. তীম ৱেব্সতগী খ্বায়দগী নৌনা লাউথোরকপশিংগা লোয়ননা অপদেত ওইনা লৈবিয়ু‍।

ৱেব্সকীদমক হৌজিকমক রেজিস্তর তৌবিয়ু‍।

******


(Release ID: 2117412) Visitor Counter : 34