কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা হায়খ্রে মদুদি দ্রগ কার্তেলশিংগী মফমদা মীনুংশি উৎলোই। নারকোতিক্স কন্ত্রোল ব্যুরো(NCB)না লুপা করোর 88গী মেথমফেতামাইন তেব্লেৎকী অচৌবা কনসাইনমেন্ত অমা অমসুং ইন্তর্নেস্নেল দ্রগ কার্তেলগী মীওই 4 ফাগৎপগীদমক থাগৎপা ফোংদোক্লদুনা কেন্দ্রগী গৃহ মন্ত্রীনা X পোস্ত অমদা হায়খি মদুদি দ্রগ ফাবা ঙম্বা অসি ইনভেস্তিগেসনদা বত্তম-তু-তোপ অমসুং তোপ-তু-বত্তমগী এপ্রোচ পাইখৎপগী শীংথানীংঙাই ওইবা মাইপাকপগী খুদম অমনি।

মহাক্কী পোস্ততা কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা হায়খি, "দ্রগ কার্তেলশিংগী মফমদা মীনুংশি উৎলোই। মোদী সরকারনা দ্রগ-ফ্রী ভারত অমা ওইহন্নবা চংশিল্লিবা অসি খোঙজেল য়াংশিনহনবা ওইনা NCBনা ইম্ফাল অমসুং গুৱাহাতি জোনশিংদগী লুপা করোর 88রোম ওইগদবা মেথমফেতামাইন তেব্লেৎকী য়াম্লবা কনসাইনমেন্ত অমা ফাগৎপা ঙমখ্রে, ইন্তর্নেস্নেল দ্রগ কার্তেলগী মীওই 4 ফারে। দ্রগ ফাবা ঙম্বা অসি ইনভেস্তিগেসনদা বত্তম-তু-তোপ অমসুং তোপ-তু-বত্তমগী এপ্রোচ পাইখৎপগী শীংথানীংঙাই ওইবা মাইপাকপগী খুদম অমনি।  ঐখোয়না দ্রগশিং মখা তানা ফগৎখিগনি। তীম NCBদা নুংঙাইবা ফোংদোকচরি।”

No mercy for drug cartels.

Accelerating the Modi govt's march to build a drug-free Bharat, a massive consignment of methamphetamine tablets worth ₹88 crore is seized, and 4 members of the international drug cartel are arrested in Imphal and Guwahati zones. The drug haul is a…

— Amit Shah (@AmitShah) March 16, 2025

ওপরেসনশিংগী অকুপ্পা ৱারোল

13.03.2025দা চত্থখিবা অহানবা ওপরেসনগী মনুংদা, ইনফোর্মেসনদা য়ুম্ফম ওইদুনা, NCB ইম্ফাল জোনগী ওফিসরশিংনা লিলোংগী মনাক্তগী ত্রক অমা ফাখি অমসুং ত্রক অদু মপুং ফানা থিবা হুমবা চত্থরবা মতুংদা, ত্রক অদুগী মখাথংবা শরুক্তা য়াওরমবা তুল বোক্স/ কেবিনদগী মেথমফেতামাইনগী তেব্লেৎ 102.39 kg ফাগৎখি। ত্রক অদু য়াওরকপা মীওই অনিসু ফাগৎখি। থিন্থবা তৌদনা তীম অসিনা খুদক্তা ফোলো-অপ ওপরেসন অমা পাংথোকখি অমসুং লিলোং এরিয়াদগী কন্ত্রাবেন্দ অদু রিসিভরনি হায়না চিংনবা মীওই অদু ফাখি। দ্রগ ত্রাফিকিংদা শীজিন্নরম্বা, চকা মরি পানবা গারী অমসু মহাক্কা লোয়ননা ফাগৎপা ঙমখি। মখোয় অহুমকপু তুংদা ফাগৎখি। কন্ত্রাবেন্দ অদুগী সোর্স অদু মোরেনি। কেস অসিদা শরুক য়াখিবা অতোপ্পশিং ফগৎনবা মখা তানা থিজিনবগী থবক চত্থরি।

চপ মান্নবা নুমিত্তা চত্থখিবা অতোপ্পা ওপরেসন অমদা ইনফোর্মেসনদা য়ুম্ফম ওইদুনা, NCB গুৱাহাতি জোনগী ওফিসরশিংনা সিলচরগী মনাক্তা আসাম-মিজোরাম ঙমখৈদা SUV অমা ফাখি অমসুং মদু কুপ্না ইন্সপেক্সন চত্থবদা গারী অদুগী স্পেয়র তাইয়রগী মনুংদা লোৎতুনা থম্লমবা মেথমফেতামাইন তেব্লেৎ 7.48 Kg ফাগৎপা ঙমখি অমসুং গারী অদু হৌরকপা মীওই অদুসু তুংদা ফাগৎখি। কন্ত্রাবেন্দ অসিগী সোর্স অসি মনিপুরগী মোরেনি অমসুং মসিগী লমথুংফম ওইগদৌরিবা মফম অসি করিমগঞ্জনি। কেস অসিদা শরুক য়াখিবা অতোপ্পশিং ফাগৎনবা মখা তানা থিজিনবগী থবক চত্থরি।

অতোপ্পা দিবেলপমেন্ত অমদা। মিজোরাম স্তেত এক্সাইস দিপার্তমেন্তবা মার্চ 6তা ব্রিগেদ বৌংকাউন আইজোলদা ক্রিস্তেল মেথ 46 kg ফাখিবগী কেস অমগী থিজিনবগী থবক NCBনা লৌখৎলি। মসিগী কেস অসিদা দ্রগ সিন্দিকেৎতা য়াওবা মীওই 04 ফাখ্রে। দ্রগ ত্রাফিকিং নেৎৱার্ক অসিগী ইন্তর্নেস্নেল অমসুং ইন্তর স্তেৎ লিঙ্কশিং থিদোক্নবা কেস অসিগী থিজিনবগী থবক অসি NCBনা লৌখৎলি।

অৱাং-নোংপোক লমদম অসি মাগী জিওগ্রাফিক লোকেসনগী মতুং ইন্না দ্রগ ত্রাফিকিংগী মীৎয়েংদগী ভারতকী খ্বাইদগী খুদোংথিনীংঙাই ওইবা লমদম অমা ওইরক্লি। অসিগুম্বা খুদোংথিবা অসি খঙলদুনা, গৃহ মন্ত্রালয় (MHA) না লমদম অসিদা দ্রগকী মায়োক্তা লান অসি হেন্না মপাঙ্গল কনখৎহন্নবগীদমক 2023দা NCBগী মপাঙ্গল হেনগৎহনখি। NCBনা মাগী জোনেল য়ুনিৎ মঙা অমসুং অৱাং-নোংপোক্তা লৈবা রিজনেল হেদক্বার্তরগী খুত্থাংদা, লমদম অসিদা ওপরেৎ তৌরিবা দ্রগ ত্রাফিকরশিং, মরুওইনা লমদম অসিগী নহা ওইরিবা মীশিং খক্তদা নত্তনা লৈবাক পুম্বগী সেক্যুরিতীদসু খুদোংথিবা ওইহল্লক্লিবা, YABA হায়না খঙনবা মেথমফেতামাইন তেব্লেৎশিংগুম্বা সিন্থেতিক দ্রগশিং ত্রাফিকিং তৌবদা য়াওরিবা মীওইশিংগী মায়োক্তা লেপ্পা লৈতনা থবক পাইখৎলি।

****