వేవ్స్ 2025 ‘‘రీల్ మేకింగ్’’ చాలెంజ్

కథ చెప్పే కళలో భావి మార్పులకు రూపురేఖలు..

ఒక్కొక్కటిగా రీళ్లు

వేవ్స్ 2025 ‘రీల్ మేకింగ్’ చాలెంజ్ ఒక విశిష్టమైన పోటీ. ఇది సృజనాత్మక కళాకారులకు, ఔత్సాహిక కళాకారులకు వారిలోని కథచెప్పే నైపుణ్యాల్ని మెటా ఉపకరణాలను ఉపయోగించుకొంటూ 30-90 సెకన్ల ఫిల్మ్ ఫార్మేట్‌లో ప్రదర్శించేందుకు వీలు కల్పిస్తుంది.  సమాచార, ప్రసార శాఖ సహకారంతో ది ఇంటర్‌నెట్ అండ్ మొబైల్ అసోసియేషన్ నిర్వహేంచే ఈ చాలెంజ్‌కు ఘనమైన స్పందన లభించింది. 2025 ఫిబ్రవరి 5 నాటికి భారత్ నలుమూలల నుంచి, 20 ఇతర దేశాల నుంచి 3,379 నమోదులు పూర్తయ్యాయి.  ఇది డిజిటల్ రూపకర్తలకు ప్రయోగాలు చేయడానికీ, నూతన ఆవిష్కరణలతోపాటు షార్ట్ ఫార్మ్ కంటెంట్ పరిధులను విస్తరించడానికి కూడా ఒక వేదికను అందిస్తుంది.   

ఈ చాలెంజ్ ‘క్రియేట్ ఇన్ ఇండియా’ పోటీల్లో ఒక భాగం. క్రియేట్ ఇన్ ఇండియా పోటీలు అనేది వరల్డ్ ఆడియో విజువల్, ఎంటర్‌టైన్‌మెంట్ సమ్మిట్ (డబ్ల్యూఏవీఈఎస్..‘వేవ్స్’) పర్యవేక్షణలో అమలుచేస్తున్న ఒక ప్రధాన కార్యక్రమం. దీనిని 2025 మే 1 నుంచి 4 వరకు ముంబయిలోని జియో వరల్డ్ కన్వెన్షన్ సెంటర్‌లోను, జియో వరల్డ్ గార్డెన్స్‌లోను నిర్వహించనున్నారు. వేవ్స్ మీడియా, వినోద (ఎం అండ్ ఈ) పరిశ్రమలో చర్చలు, సహకారం, నవకల్పనలను ప్రోత్సహించే అగ్రగామి ప్రపంచ వేదికగా ఉంది. ఈ శిఖరాగ్ర సమావేశం పరిశ్రమ రంగ ప్రముఖులను, ఆసక్తిదారులను ఒక చోటుకు తీసుకు వచ్చి, కొత్తగా ఎలాంటి ఎలాంటి అవకాశాలు అందుబాటులోకి రానున్నాయో అన్వేషించడంతోపాటు సవాళ్లను పరిష్కరించడానికీ, ప్రపంచంలో ఒక సృజనప్రధాన కూడలిగా భారత్ స్థానాన్ని పటిష్టపరచడానికీ తోడ్పడనుంది. 31 పోటీలలో 70,000కు పైచిలుకు నమోదులతో, క్రియేట్ ఇన్ ఇండియా పోటీలు సృజనాత్మకతనూ, ప్రతిభనూ, అంతర్జాతీయ సహకారాన్నీ ప్రోత్సహించనుంది.

  5: Uniting Creators Worldwide

వేవ్స్ 2025లో భాగంగా ఒక కీలక కార్యక్రమంలా మొదలుపెట్టిన ‘రీల్ మేకింగ్’ సవాలు మీడియా, వినోద రంగాల్లో ఓ ప్రపంచ కూడలిగా భారత్ తెర మీదకు వస్తోందని సూచిస్తోంది. అదే కాలంలో, డిజిటల్ రూపకర్తలు వారి వంతుగా ప్రధాన పాత్రను పోషిస్తున్న నేపథ్యంలో భారత ఆర్థిక వ్యవస్థ అభివృద్ధిలో ముందుకు సాగుతుండడాన్ని తెలియజేస్తోంది. ఇది భారత్ ప్రభుత్వ ‘క్రియేట్ ఇన్ ఇండియా’ దృష్టికోణానికి సైతం అనుగుణంగా ఉంటూ దేశవ్యాప్తంగానూ, దేశం వెలుపలా కూడా ప్రతిభావంతులకు దన్నుగా నిలుస్తోంది.

ఈ సవాలు అఫ్గానిస్తాన్, అల్బేనియా, అమెరికా, అండోరా, ఎంటిగువా- బార్‌బుడా, బంగ్లాదేశ్, యూఏఈ, ఆస్ట్రేలియా, జర్మనీలు సహా అనేక దేశాల వారిని ఆకర్షించింది. ఇది సృజనాత్మక రంగంలో భారత్ ప్రభావం నానాటికీ విస్తరిస్తూ ఉండడాన్ని, ప్రపంచమంతటా కంటెంట్‌ను రూపొందించే వారికి ఒక ప్రముఖ వేదికగా వేవ్స్‌కు ఆదరణ అధికం కావడాన్ని చాటిచెబుతోంది.

దేశీయంగా చూస్తే, ఈ పోటీకి ఎంట్రీలు తవాంగ్ (అరుణాచల్ ప్రదేశ్), దీమాపుర్ (నాగాలాండ్), కార్గిల్ (లద్దాఖ్), లేహ్, శోపియాన్ (కాశ్మీర్), పోర్ట్ బ్లేయర్ (అండమాన్, నికోబార్ దీవులు), తేలియామురా (త్రిపుర), కాసర్‌గోడ్ (కేరళ)లతోపాటు గంగ్‌టోక్ (సిక్కిం) .. ఇలా దేశ వ్యాప్తంగా విభిన్న ప్రాంతాల నుంచి, మారుమూల ప్రాంతాల నుంచి కూడా వచ్చాయి.  చిన్న చిన్న పట్టణాలు, ఇప్పుడిప్పుడే ఎదుగుతున్న సృజనాత్మక కేంద్రాల నుంచి లభించిన బలమైన ప్రతిస్పందన మన దేశంలో సమృద్ధంగా ఉన్న కథన సంప్రదాయాలతోపాటు వర్ధిల్లుతూ ఉన్న డిజిటల్ అనుబంధ విస్తారిత వ్యవస్థకు అద్దం పడుతున్నాయి.

వయసు కనీసం 20 ఏళ్లున్న పోటీదారులు ‘వికసిత్ భారత్’ వంటి ఇతివృత్తాలపై రీల్స్‌ను తయారు చేయాల్సి ఉంటుంది. వాటిలో మన దేశం సాంకేతికంగాను, మౌలిక సదుపాయాల కల్పన పరంగాను సాధించిన పురోగతిని ప్రధానంగా వివరించాలి. అలాగే, India @ 2047," (2047కల్లా భారత్) అనే అంశాన్ని కూడా తీసుకోవచ్చు. దీనిలో దేశ వృద్ధి రాబోయే కాలంలో ఏ విధంగా ఉండేదీ ఊహించి రీల్స్‌ను రూపొందించాల్సి ఉంటుంది. ఈ ఇతివృత్తాలు కథలను చెప్పే వారికి భారత నవకల్పన ప్రస్థానాన్ని వివరించడానికి ఒక వేదికను అందుబాటులోకి తీసుకువస్తాయి. వారు వారిలోని సృజనశీలత్వాన్ని, దేశం సాధించే ప్రగతిని దృష్టాంతంగా చూపెట్టేందుకు రీల్స్ వేదికలవుతాయి.

ఇతివృత్తాలు

v. ఆహారం: వీధుల్లో దొరికే తిను బండారాలు మొదలు ఆయా ప్రాంతాల ప్రత్యేక వంటకాల వరకు, దేశంలోని సమృద్ధ పాకశాస్త్ర విశిష్టతలను గురించి ఘనంగా తెలియజేయండి

v. యాత్ర: మన దేశంలో మనోహర దృశ్యాలు, గొప్ప స్థలాలు, తెర మరుగున పడిపోయిన ప్రదేశాలను కళ్లకు కట్టండి.

v. ఫ్యాషన్: భారతీయ ష్యాషన్‌ రంగంలో సంప్రదాయం, ఆధునికతల సమ్మేళనంపై దృష్టి సారించండి.

v. నృత్య, సంగీతాలు: శాస్త్రీయ ప్రదర్శనల మొదలు సమకాలీన రాగాల వరకూ భారతదేశ చైతన్యభరిత సంగీతాన్ని ఆవిష్కరించడంలో పాలుపంచుకోండి.

v. గేమింగ్: భారత్‌లో పెరుగుతున్న గేమింగ్ సంస్కృతిపైనా, వినోద రంగంపైనా దీని ప్రభావం ఎలా ఉందో అర్థం చేసుకోండి.

v. యోగ, వెల్‌నెస్: యోగ, ఆయుర్వేద, వెల్‌నెస్ ప్రధాన అభ్యాసాల మాధ్యమాల అండదండలతో సంపూర్ణ జీవన సారాన్ని ప్రధానంగా చాటిచెప్పండి.

  v.  రహదారి యాత్రలు: భారతదేశంలో రహదారి యాత్రలు, సుందర మార్గాలు, యాత్రలో సాహసకృత్యాల్ని పంచుకోండి.

v. సాంకేతిక ప్రక్రియ: ఏఆర్, వీఆర్‌లతోపాటు డిజిటల్ నవకల్పనలతో సృజనాత్మకతను రంగరించండి, భవితకు రూపురేఖలనివ్వండి.

నిబంధనలు

రీల్స్‌కు సంబంధించిన మార్గదర్శక సూత్రాలు

పురస్కారాలు, గుర్తింపుs & Recognition

 v. మెటా నిర్వహించే కార్యక్రమంతోపాటు మాస్టర్‌క్లాస్ 2025కుగాను ప్రత్యేక ఆహ్వానపత్రాన్నిస్తారు.

 v. వేవ్స్ ఈవెంట్‌లో పాల్గొనడానికి అయ్యే ఖర్చులన్నిటిని నిర్వాహకులు చెల్లిస్తారు.

 v. పోటీలో గెలిచిన రీల్స్‌ను వేవ్స్ హాల్ ఆఫ్ ఫేమ్‌లో, ఆధికారిక వెబ్‌సైట్‌లో, సామాజిక మాధ్యమాల్లో ప్రదర్శిస్తారు.

 v. తుది పోటీ దశకు చేరుకొన్న వారు గ్లోబల్ కంటెంట్ క్రియేటర్ పోటీల్లో పాల్గొనడానికి మంత్రిత్వ శాఖ మద్దతును ఇస్తుంది.

అదనపు సమాచారం కోసం:

https://wavesindia.org/challenges-2025

https://eventsites.iamai.in/Waves/reelmaking/

https://pib.gov.in/PressReleaseIframePage.aspx?PRID=2099990

Click here to download PDF

***