Ka Pariksha Pe Charcha 2025 (PPC 2025) ka la khreh ban long ha ka 10 tarik Rymphang, 2025 ha ka por 11 baje mynstep. U Myntri Rangbah duh Narendra Modi un iakren bad ki khynnah pule, ki kmie ki kpa bad ki nonghikai, ban ai jingmut halor ka jingpynkhreh ia ka eksam, ban iada na ka jingkhuslai, bad ka jingkiew shaphrang.

Mynta u snem, 36 ngut ki khynnah pule na baroh ki Jylla bad UT, ki la shah jied na ki State/ UT Board jong ki skul sorkar, Kendriya Vidyalaya, Sainik School, Eklavya Model Residential School, CBSE bad Navodaya Vidyalaya. Katto katne ki samla pule kidei ki khynnah pule jong ka PRERANA school programme, ki lahduh jong ka Kala Utsav bad ka Veer Gatha. Kine ki samla pule ki la shah jied ban iakren bad u Myntri Rangbah duh – kaba pynlong ia kane ka bynta ka jingpyni ia ka jingiar jong ka India bad ka jingkynthup ia baroh.

Da ka jingbynrap ia ka bynta ba thymmai, yn pyni ia ka PPV 2025 ha ka rukom kaba thymmai kaba kynthup phra tylli ki bynta. Ia ka jingiakren ba nyngkong bad u Myntri Rangbah duh yn pyni ha ka Doordarshan, Swayam, Swayam Prabha, PMO YouTube channel bad ki channel social media jong ka Tnad Pule Puthi bad Tnad I&B jong ka sorkar pdeng kaba pynthikna ba ki briew na kylleng ka ri ki lah ban iashim bynta ha kane ka kam kaba ai jingiarap bha.

Lyngba ka jingkylla ka PPC sha ka Jan Andolan, ka koit ka khiah ha ka bor pyrkhat bad ka met ka phad jong ki khun jong ngi la lah ban pynbeit lyngba ka jingiatreilang ha ka imlang sahlang. Kumta, ka bynta ba 8 kata, ka PPC 2025 kan don ki riewshemphang ba pawkhmat na ki bynta bapher bapher ki ban iasam ia ki jingshem jong ki bad ka jingtip, ialam lynti ia ki khynnah pule halor ki bynta ba kongsan jong ka jingim bad ka jingpule, ha 7 tylli ki bynta jong ka PPC. Ki khynnah pule kiba iashim bynta ha kine ki session kidei kiba la shah jied lyngba ka rukom jied na ki Jylla/ UT, ki kynhun ai jinghikai bad ki jingiakop ha ki skul kylleng ka ri. Kine ki bynta, kiba peit bniah ia ki kam bapher bapher ki kynthup.

• Ha ka Kam ialehkai & ka jingskhem jingmut: Ka M C Mary Kom, Avani Lekhara, bad Suhas Yathiraj kin iakren shaphang ka jingbuh thong, ka jingskhem jingmut bad ka jingiada na ka jingkhuslai lyngba ka jingskhem jingmut.
• Ka koit ka khiah ha ka bor pyrkhat: Ka Deepika Padukone kan iakren shaphang ka jingkongsan ka bha ka miat kaba iadei bad ki jingmut jingpyrkhat bad ka jinglah ban kren shaphang ki jingsngew lajong.
• Ka bam kaba tei: Ka Shonali Sabherwal bad Rujuta Diwekar kin kren shaphang ki rukom bam ba tei met bad ka bynta jong ka jingiohthiah bha ban jop ha ka jingpule. U Revant Himatsingka, ba la tip kum Food Farmer, un ai ki jingsngewthuh ban im ka rukom im kaba koit ba khiah.
• Teknoloji & kam pisa: U Gaurav Chaudhary (Technical Guruji) bad ka Radhika Gupta kin kren shaphang ka teknoloji kum ka atiar na ka bynta ka rukom pule kaba kham ai jingnang jingstad bad ka jingsngewthuh ia ki kam pisa.
• Ka jingsaindur & ka jingbha ki jingmut jingpyrkhat: U Vikrant Massey bad ka Bhumi Pednekar kin ai mynsiem ia ki khynnah pule ban pyllait ia ki jingmut jingpyrkhat ba sniew, kyntiew ia ka rukom pyrkhat kaba bha.
• Ka jingpynleit jingmut & ka jingtngen:  U Sadhguru un iasam ia ki rukom kyntiew ia ka jingpynleit jingmut ban iarap ia ki khynnah pule ban don ka rukom pyrkhat kaba shai bad kaba lah ban pynleit jingmut.
• Ki khana jong ka jingjop: Kiba wan shakhmat ha ki eksam bapher bapher kum UPSC, IIT-JEE, CLAT, CBSE, NDA, ICSE bad kiwei kiwei lem bad ki nongiashim bynta ha ka bynta ba ladep jong ka PPC kin iasam kumno ka Pariksha Pe Charcha ka la ai bor ha ki rukom pynkhreh jong ki bad ai mynsiem ia ki.

Naduh ba la sdang ia ka ha u 2018, ka Pariksha Pe Charcha ka la kylla sha ka jingiakhih ha kylleng ka ri bad ka bynta kaba mynta u snem ka la pynkhein ia ki rekod barim lyngba ka jingiashim bynta palat 5 klur, kaba long ka bynta kaba ai jingiarap tam haduh mynta.

Ka Tnad Pule Puthi ka la shim ia ki sienjam ba kyrpang ban pynthikna ba ki khynnah pule, ki kmie ki kpa bad ki nonghikai baroh ki lah ban iashim bynta ha kane ka rynsan, kaba la pynlong ia ka Pariksha Pe Charcha ka sienjam kaba wanrah jingkylla kaba kyntiew ia ki khynnah samla, ialam lynti ia ki sha ka jingjop ha ka jingpule bad ka jingkiew shaphrang.

Na ka bynta ka jingioh jingtip, ki jingtip shaphang ka jingiashim bynta, bad ki jingai jingmut, iasoh bad ki rynsan social media jong ka Tnad Pule Puthi bad Tnad I&B.

*****