پریکشا پہ چرچہ 2025 (پی پی سی2025)    ، جس کا سبھی کو شدت سے انتظار رہتا ہے،  10 فروری 2025 کو صبح 11 منعقد ہوگی ۔ وزیر اعظم جناب نریندر مودی طلباء، والدین اور اساتذہ  کے ساتھ بات چیت کریں گے اور  امتحان کی تیاری، تناؤ سے نمٹنے اور ذاتی  نشو ونما سے متعلق  معلومات فراہم کریں گے۔

اس سال، ہر ریاست اور مرکز کے زیرانتظام علاقوں سے  36 طلباء کا انتخاب کیاگیا ہے، جو ریاست /مرکز کے زیر انتظام ریاستی بورڈ کے سرکاری اسکولوں، کیندریہ ودیالیہ، سینک اسکول، ایکلویہ ماڈل رہائشی اسکول، سی بی ایس ای اور نوودیا  ودیالیہ سے منتخب کئے گئے ہیں۔ان میں سےکچھ طلباء پریرنا اسکول پروگرام کے سابق طالب علم، کلا اتسو اور ویر گاتھا کے فاتح ہیں۔ ان طلباء کو وزیر اعظم کے ساتھ براہ راست بات چیت کے لئے منتخب کیا گیا ہے  اور یہ ایڈیشن  ہندوستان کے تنوع اور جامعیت کا حقیقی عکاس ہو گا۔

ایک نئی پیش رفت کے ساتھ ،  پی پی سی 2025  ایک نئی شکل میں ہوگا۔  وزیر اعظم کے ساتھ بات چیت دوردرشن، سویم، سویم پربھا، پی ایم او یوٹیوب چینل اور وزارت تعلیم اور اطلاعات و نشریات کی وزارت کے سوشل میڈیا چینلز پر براہ راست نشر کی جائے گی تاکہ یہ یقینی بنایا جا سکے کہ ملک بھر کے ناظرین اس بھرپور تجربے میں حصہ لے سکیں۔

پی پی سی کے ایک عوامی تحریک بننے کے ساتھ ساتھ، بچوں کی جسمانی اور ذہنی تندرستی کو اہم کمیونٹی کی مصروفیت کے ذریعے حل کیا جا رہا ہے۔ اسی مناسبت سے، 8ویں ایڈیشن، یعنی پی پی سی 2025 میں مختلف  شعبوں سے تعلق رکھنے والی نامور شخصیات شرکت کر رہی  ہیں، جو پی پی سی کی پہلی 7 قسطوں  میں اپنے تجربات اور علم کا اشتراک کریں گی، طلباء کی زندگی اور سیکھنے کے اہم پہلوؤں پر رہنمائی کریں گی۔ ان سیشنوں میں حصہ لینے والے طلباء کو ریاستوں / مرکز کے زیر انتظام علاقوں، مختلف تعلیمی تنظیموں اور قومی سطح کے اسکولی مقابلوں سے انتخاب کے عمل کے ذریعے بھی تیار کیا گیا تھا۔

مختلف مسائل پر مرکوزقسطیں درج ذیل ہیں:

• کھیل اور نظم و ضبط: ایم سی میری کوم، اونی لیکھرا اور سوہاس یتی راج نظم و ضبط کے ذریعے مقصد کا تعین، لچکداری اور تناؤ سے نمٹنے کے سلسلے میں بات کریں گے۔
• دماغی صحت: دیپیکا پدوکون جذبات سے متعلق بہبود اور ذاتی اظہار کی اہمیت پر تبادلہ خیال کریں گی۔
• غذائیت: شونالی سبّروال اور روجوتا دیوکر صحت مند کھانے کی عادات اور تعلیمی کامیابی میں معیاری نیند کی اہمیت پر روشنی ڈالیں گی۔ فوڈ فارمر کے طور پر معروف ریونت ہمات سینگکا صحت مند طرز حیات  کے بارے میں بصیرت فراہم کریں گے۔
• ٹیکنالوجی اور فنانس: گورو چودھری (تکنیکی گروجی) اور رادھیکا گپتا بہتر تعلیم اور مالیات سے متعلق آگاہی کے لئے ٹیکنالوجی کو  ایک ٹول  کے طور پر استعمال کئے جانے سے متعلق بات چیت کریں گے۔
• تخلیقی اور مثبتیت: وکرانت میسی اور بھومی پیڈنیکر طلباء کو مثبت ذہنیت کو فروغ دیتے ہوئے منفی خیالات کو ترک کرنے اور چھوڑنے کی ترغیب دیں گے۔
• ذہن سازی اور ذہنی سکون: سد گرو طالب علموں کو ذہنی وضاحت اور توجہ کو برقرار رکھنے میں مدد کرنے کے لیے عملی ذہن سازی کی تکنیکوں کا اشتراک کریں گے۔

کامیابی کی کہانیاں:آئی آئی ٹی-جے ای ای ، سی ایل اے ٹی، سی بی ایس ای، این ڈی اے، آئی سی ایس ای کے  مختلف امتحانات کے ٹاپرز کے ساتھ پی پی سی کے پچھلے ایڈیشن کے شرکاء یہ بتائیں گے کہ کس طرح پریکشا پہ چرچا نے ان کی تیاری کی حکمت عملیوں کو متاثر کیا اور انہیں متحرک رکھا۔

2018 میں اپنے آغاز کے بعد سے، پریکشا پہ چرچا ایک ملک گیر تحریک کی شکل اختیار کر چکا ہے اور اس سال کے ایڈیشن میں  ریکارڈ 5 کروڑ سے زیادہ افراد کی شرکت کریں گے اور یہ اب  تک کا سب سے زیادہ پرکشش اور اثر انگیز ایڈیشن  بننے والا ہے۔

وزارت تعلیم نے اس بات کو یقینی بنانے کے لئے خصوصی کوششیں کی ہیں کہ تمام پس منظر سے تعلق رکھنے والے طلباء، والدین اور اساتذہ اس پلیٹ فارم تک رسائی حاصل کر سکیں، جس سے پریکشا پہ چرچا  تبدیلی کا اقدام بن گیا ہے ، جو نوجوان ذہنوں کی پرورش کرتا ہے، ان کی تعلیمی کامیابی اور ذاتی ترقی کی طرف رہنمائی کرتا ہے۔

لائیو اپ ڈیٹس، شرکت کی تفصیلات اور خصوصی بصیرت کے لیے، وزارت تعلیم اور وزارت اطلاعات و نشریات  کے سوشل میڈیا پلیٹ فارمز سے جڑسکتے ہیں۔

***

ش ح ۔ ک ا۔ ع ن