وزارت خزانہ
خورد ماڈیولر ری ایکٹرز(ایس ایم آر) کی تحقیق اور ترقی کے لیے جوہری توانائی مشن کا قیام ہوگا: بجٹ26-2025
مقامی طور پر تیار کردہ کم از کم 5 ایس ایم آر2033 تک فعال ہو جائیں گے
Posted On:
01 FEB 2025 12:58PM by PIB Delhi
مالیات اور کارپوریٹ امور کی مرکزی وزیر محترمہ نرملا سیتا رمن نے آج پارلیمنٹ میں بجٹ 206-2025 پیش کرتے ہوئے کہا کہ 20,000 کروڑ کی لاگت سے خورد ماڈیولر ری ایکٹرز(ایس ایم آر) کی تحقیق اور ترقی کے لیے جوہری توانائی مشن کا قیام ہوگا۔ انہوں نے بتایا کہ 2033 تک مقامی طور پر تیار کردہ کم از کم 5ایس ایم آر کو فعال کر دیا جائے گا۔
محترمہ نرملا سیتا رمن نے واضح کیا کہ 2047 تک کم از کم 100 گیگا واٹ جوہری توانائی کی صلاحیت کی ترقی ہماری توانائی کی سپلائی کی کوششوں کے لیے ضروری ہے۔ اس مقصد کے تحت پرائیویٹ سیکٹر کے ساتھ فعال شراکت داری قائم کرنے کے لیے اٹامک انرجی ایکٹ اور سول لائیبلٹی فار نیوکلیئر ڈیمیج ایکٹ میں ترمیمات کی جائیں گی۔
بجٹ میں یہ بھی تجویز کی گئی ہے کہ ریاستوں کو بجلی کی تقسیم میں اصلاحات اور اندرون ریاست ٹرانسمیشن کی صلاحیت کو بڑھانے کے لیے ترغیب دی جائے گی۔ اس سے بجلی کی کمپنیوں کی مالی صحت اور صلاحیت میں بہتری آئے گی۔ وزیر موصوفہ نے بتایا کہ اُن ریاستوں کو جی ایس ڈی پی کے 0.5 فیصد اضافی قرضے لینے کی اجازت دی جائے گی، جو ان اصلاحات پر عمل پیراہوں۔
********
ش ح۔ م ش ع ۔ن ع
U-5903
(Release ID: 2098631)
Visitor Counter : 15
Read this release in:
Odia
,
Hindi
,
English
,
Marathi
,
Nepali
,
Bengali
,
Punjabi
,
Gujarati
,
Tamil
,
Kannada
,
Malayalam