خزانہ اور کارپوریٹ امور کی مرکزی وزیر محترمہ نرملا سیتا رمن نے آج پارلیمنٹ میں مرکزی بجٹ 26-2025 پیش کیا۔ بجٹ میں بہتر حکمرانی کے حصول کے مقصد کے ساتھ عوام اور معیشت کے لیے براہ راست ٹیکس میں متعدد اصلاحات تجویز کی گئیں۔

براہ راست ٹیکس کی تجاویز کے مقاصد درج ذیل ہیں:

• متوسط طبقے پر خصوصی توجہ کے ساتھ پرسنل انکم ٹیکس اصلاحات:  نئےنظام کے تحت 12 لاکھ  روپے کی کل آمدنی (یعنی خصوصی شرح آمدنی کے علاوہ  ایک لاکھ روپے ماہانہ اوسط آمدنی) تک کوئی انکم ٹیکس قابل ادائیگی نہیں ہے۔ تنخواہ دار ٹیکس دہندگان کے لیے75,000 کی معیاری کٹوتی کی وجہ سے یہ حد 12.75 لاکھ روپے ہوگی۔
• مشکلات کو کم کرنے کے لیے ٹی ڈی ایس /ٹی سی ایس کی معقولیت: بزرگ شہریوں کے لیے سود پر ٹیکس کٹوتی کی حد کو موجودہ 50,000 روپے سے بڑھاکر ایک  لاکھ روپے یعنی دوگنا کرنے کی تجویز ہے۔ اسی طرح تجاویز میں کرایہ پر ٹی ڈی ایس کے لیے  سالانہ حد 2.40 لاکھ روپے کو بڑھا کر 6 لاکھ روپے کیا جائے گا۔ اس سے ٹی ڈی ایس پر واجب الادا لین دین کی تعداد کم ہو جائے گی، اس طرح چھوٹی ادائیگیاں حاصل کرنے والے چھوٹے ٹیکس دہندگان کو فائدہ پہنچے گا۔ زیادہ ٹی ڈی ایس کٹوتی کے التزامات اب صرف غیر پین والے معاملات میں لاگو ہوں گے۔ اس کے علاوہ آر بی آئی کی آسان ترسیلات زر اسکیم (ایل آر ایس) کے تحت ترسیلات زر پر ٹیکس وصول کرنے کی حد (ٹی سی ایس) کو 7 لاکھ روپے سے بڑھا کر 10 لاکھ روپے کرنے کی تجویز ہے۔ نیز، اسٹیٹمنٹ داخل کرنے کی مقررہ تاریخ تک ٹی سی ایس کی ادائیگی میں تاخیر کو جرم قرار دینے کی تجویز ہے۔

• ضابطوں کی رضاکارانہ تعمیل کی حوصلہ افزائی: کسی بھی جائزہ سال کے لیے اپ ڈیٹ شدہ انکم ٹیکس ریٹرن فائل کرنے کے لیے وقت کی حد، دو سال کی موجودہ حد سے، چار سال تک بڑھانے کی تجویز پیش کی گئی ہے۔ ایکٹ میں مزید ترمیم لانے کی تجویز ہے کہ مقرر کردہ گوشوارے میں کرپٹو اثاثہ لین دین کے سلسلے میں معلومات فراہم کرنے کا پابند بنایا جائے۔ اس کے مطابق ورچوئل ڈیجیٹل اثاثہ کی تعریف کو ہم آہنگ کرنے کی بھی تجویز پیش کی گئی ہے۔
• ضابطوں کی تعمیل کا بوجھ کم کرنا: چھوٹے خیراتی ٹرسٹوں/ اداروں کی رجسٹریشن کی مدت 5 سال سے بڑھا کر 10 سال کر کے ضابطوں کی تعمیل کے بوجھ کو کم کرنے کی تجویزفراہم کی گئی ہے۔  اس کے علاوہ بغیر کسی شرط کے، دو خود قبضہ شدہ جائیدادوں کی سالانہ قیمت کا دعوی کرنے کے فائدے کی اجازت دینے کی تجویز ہے۔ بجٹ میں یہ تجویز بھی دی گئی ہے کہ پچاس لاکھ سے زائد مالیت کی مخصوص اشیا کی فروخت پر کوئی ٹیکس وصول نہیں کیا جائے گا۔
• کاروبار کرنے میں آسانی: تین سال کی مدت کے لیے کسی بھی ادارے کے  بین الاقوامی لین دین کی قیمت کا تعین کرنے کے لیے اسکیم تجویز کی گئی تاکہ عالمی سطح پر بہترین طور طریقوں کے مطابق منتقلی کی قیمتوں کے تعین کے عمل کو لاگوکیاجاسکے  سالانہ جائزے کا متبادل فراہم کیا جاسکے۔ قانونی چارہ جوئی کو کم کرنے اور بین الاقوامی ٹیکسیشن میں یقین دلانے کے مقصد سے، محفوظ بندرگاہ کے قوانین کے دائرہ کار کو بڑھایا جا رہا ہے۔ غیر مقیم افراد کے ذریعہ سیکیورٹیز کی منتقلی پر طویل مدتی سرمایہ منافع ٹیکس کی شرحوں میں برابری کی تجویز دی گئی ہے۔ مزید برآں، 29 اگست 2024 کو یا اس کے بعد افراد کی طرف سے قومی بچت اسکیم کے کھاتوں سے نکالی جانے والی رقم کو مستثنیٰ کرنے کی تجویز پیش کی گئی ہے، جبکہ این پی ایس  واتسلیہ کھاتوں کے ساتھ بھی اسی طرح کے  برتاؤ کی اجازت دینے کی تجویز پیش کی گئی ہے، جو مجموعی حدوں کے ساتھ مشروط ہے۔

• ملازمت اور سرمایہ کاری:

• الیکٹرانکس مینوفیکچرنگ اسکیموں کے لیے ٹیکس کی یقین دہانی: غیر رہائشیوں کے لیے ایک فرضی ٹیکسیشن نظام فراہم کرنے کی تجویز جو ایک رہائشی کمپنی کو خدمات فراہم کرتے ہیں جو الیکٹرانکس مینوفیکچرنگ کی سہولت قائم کر رہی ہے یا چلا رہی ہے۔ مزید یہ کہ غیر رہائشیوں کے لیے ٹیکس کی یقین دہانی کے لیے ایک محفوظ بندرگاہ متعارف کرانے کی تجویز جو مخصوص الیکٹرانکس مینوفیکچرنگ یونٹس کو سپلائی کے لیے اجزاء ذخیرہ کرتے ہیں۔
• اندرون ملک بحری جہازوں کے لیے ٹنیج ٹیکس اسکیم: ملک میں اندرون ملک آبی  گزرگاہوں کے ذریعےسامان کی نقل و حمل کو فروغ دینے کے لیے جہازوں سے متعلق ہندوستانی قانون، 2021 کے تحت رجسٹرڈ اندرون ملک بحری جہازوں تک موجودہ ٹنیج ٹیکس اسکیم کے فوائد میں توسیع کی تجویز ہے۔
• اسٹارٹ اپس کو شامل کرنے کے لیے توسیع: ہندوستانی اسٹارٹ اپ ایکو سسٹم کو سپورٹ کرنے کے لیے، انکارپوریشن کی مدت کو 5 سال تک بڑھانے کی تجویز ہے، تاکہ  یکم  اپریل2030 سے ​​پہلے شامل ہونے والے اسٹارٹ اپس کے لیے دستیاب فائدے کی اجازت دی جاسکے۔
• بین الاقوامی مالیاتی خدمات مرکز (آئی ایف ایس سی): آئی ایف ایس سی میں اضافی سرگرمیوں کو راغب کرنے اور اسے فروغ دینے کے لیے، بجٹ میں جہاز کے لیز پر دینے والے یونٹس، بیمہ دفاتر اور ایف ایس سی میں قائم عالمی کمپنیوں کے ٹریژری مراکز کے لیے مخصوص فوائد تجویز کیے گئے ہیں۔  اس کے علاوہ فوائد کا دعویٰ کرنے کے لیے، آئی ایف ایس سی میں شروع ہونے کی کٹ آف تاریخ کو بھی پانچ سال بڑھا کر 31 مارچ 2030 کر دیا گیا ہے۔
• متبادل سرمایہ کاری فنڈز (اے آئی ایف): زمرہ  اول  اور زمرہ  دوم اے آئی ایف کو ٹیکس لگانے کی یقین دہانی فراہم کرنے کی تجویز ہے، جو ، سیکورٹیز سے حاصل ہونے والے فوائد پر بنیادی ڈھانچے اور دیگر ایسے شعبوں میں سرمایہ کاری کر رہے ہیں۔
• سوورین فنڈ اور پنشن فنڈ کے لیے سرمایہ کاری کی تاریخ میں توسیع: سرمایہ کاری کی تاریخ میں مزید پانچ سال کی توسیع کی تجویز ہے، 31 مارچ 2030، تاکہ انفراسٹرکچر سیکٹر میں سوورین ویلتھ فنڈز اور پنشن فنڈز سے فنڈنگ ​​کو فروغ دیا جا سکے۔

وزیر خزانہ نے اپنی بجٹ تقریر کے اختتام پر بتایا کہ ان تجاویز کے نتیجے میں، براہ راست ٹیکسوں کی مد میں تقریباً ایک  لاکھ کروڑ روپے کی آمدنی کم ہو جائے گی۔

۔۔۔۔۔۔۔۔۔۔۔

ش ح۔م  ع ۔ن  م۔

U-5900