மத்திய நிதியமைச்சர் திருமதி நிர்மலா சீதாராமன் 2025-26-ம் ஆண்டுக்கான மத்திய பட்ஜெட்டை இன்று நாடாளுமன்றத்தில் தாக்கல் செய்தார். நல்லாட்சி நிர்வாகத்தை உறுதி செய்வதை நோக்கமாகக் கொண்டு பல்வேறு நேரடி வரி சீர்திருத்தங்கள் முன்மொழியப்பட்டன.

நடுத்தர வர்க்கத்தினருக்கு சிறப்பு கவனம் செலுத்தும் தனிநபர் வருமான வரி சீர்திருத்தங்கள்: புதிய வருமான வரி கட்டமைப்பின் கீழ் ரூ. 12 லட்சம் மொத்த வருமானம் (அதாவது மூலதன ஆதாயங்கள் போன்ற சிறப்பு விகித வருமானத்தைத் தவிர மாதத்திற்கு சராசரி வருமானம் ரூ. 1 லட்சம்) வரை வருமான வரி செலுத்த வேண்டியதில்லை. சம்பள வரி செலுத்துவோருக்கு இந்த வரம்பு ரூ. 75,000 நிலையான விலக்கு அளிக்கப்படுவதன்  காரணமாக ரூ. 12.75 லட்சமாக இருக்கும்.

சிரமங்களைக் குறைப்பதற்காக டிடிஎஸ், டிசிஎஸ்-ஐ சீரமைத்தல்: மூத்த குடிமக்களுக்கான வட்டி மீதான வரி விலக்குக்கான வரம்பு தற்போதைய ரூ. 50,000-லிருந்து ரூ. 1 லட்சமாக இரட்டிப்பாக்கப்படும் என்று பட்ஜெட்டில் அறிவிப்பு வெளியிடப்பட்டுள்ளது. இதேபோல், வாடகை மீதான டிடிஎஸ்-க்கான ஆண்டு வரம்பு ரூ. 2.40 லட்சமாக இருப்பதை ரூ. 6 லட்சமாக உயர்த்தும் அறிவிப்பும் அடங்கும்.

தன்னார்வ நடைமுறைகளை ஊக்குவித்தல்: எந்தவொரு மதிப்பீட்டு ஆண்டிற்கும் புதுப்பிக்கப்பட்ட வருமான வரி வருமானத்தை தாக்கல் செய்வதற்கான கால வரம்பை, தற்போதைய இரண்டு ஆண்டுகளில் இருந்து நான்கு ஆண்டுகளாக நீட்டிப்பதற்கான அறிவிப்பும் வெளியிடப்பட்டுள்ளது.

நடைமுறைச் சிக்கல்களைக் குறைத்தல்: சிறிய தொண்டு அறக்கட்டளைகள்/நிறுவனங்களின் பதிவு காலத்தை 5 ஆண்டுகளில் இருந்து 10 ஆண்டுகளாக அதிகரிப்பதன் மூலம் நடைமுறை சிரமங்கள் குறையும்.

வணிகம் செய்வதை எளிதாக்குதல்: உலகளாவிய சிறந்த நடைமுறைகளுக்கு ஏற்ப, பரிமாற்ற விலை நிர்ணய செயல்முறையை ஒழுங்குபடுத்துவதற்கான திட்டம் முன்மொழியப்பட்டுள்ளது. வழக்குகளைக் குறைப்பதற்கும் சர்வதேச வரிவிதிப்பைக் குறைப்பதற்கும், பாதுகாப்பான துறைமுக விதிகளின் நோக்கம் விரிவுபடுத்தப்படுகிறது.

மேலும் விவரங்களுக்கு இந்த ஆங்கிலச் செய்திக் குறிப்பைக் காணவும்: https://pib.gov.in/PressReleasePage.aspx?PRID=2098362

*****************

TS/PLM/KR