કેન્દ્રીય નાણાં અને કોર્પોરેટ બાબતોના મંત્રી શ્રીમતી નિર્મલા સીતારમણે આજે સંસદમાં વર્ષ 2025-26નું કેન્દ્રીય બજેટ રજૂ કર્યું. બજેટમાં વેપાર સુવિધા સુનિશ્ચિત કરવા માટે GST કાયદાઓમાં ફેરફારોનો પ્રસ્તાવ છે. આ પ્રસ્તાવિત સુધારાઓમાં સામેલ છે:

• 1 એપ્રિલ, 2025થી રિવર્સ ચાર્જના આધારે કર ચૂકવવાનો હોય તેવા આંતર-રાજ્ય પુરવઠાના સંદર્ભમાં ઇનપુટ સર્વિસ ડિસ્ટ્રીબ્યુટર દ્વારા ઇનપુટ ટેક્સ ક્રેડિટના વિતરણ માટેની જોગવાઈ.
• ટ્રેક એન્ડ ટ્રેસ મિકેનિઝમના અમલીકરણ માટે યુનિક આઇડેન્ટિફિકેશન માર્કિંગની વ્યાખ્યા પૂરી પાડવા માટે એક નવી કલમ.
• સપ્લાયરની કર જવાબદારી ઘટાડવાના હેતુ માટે, જો ક્રેડિટ-નોટના સંદર્ભમાં જરૂરી અનુરૂપ ઇનપુટ કર ક્રેડિટને રિવર્સલ કરવાની જોગવાઈ.
• કરની માંગ વિના ફક્ત દંડની માંગ સાથે સંકળાયેલા કેસોમાં અપીલ અધિકારી સમક્ષ અપીલ માટે દંડની 10% રકમ ફરજિયાત પહેલા જમા કરવી.
• ટ્રેક એન્ડ ટ્રેસ મિકેનિઝમ સંબંધિત જોગવાઈઓના ઉલ્લંઘન માટે દંડની જોગવાઈ.
• CGST કાયદા 2017ની અનુસૂચિ IIIમાં જોગવાઈ જણાવે છે કે નિકાસ માટે ક્લિયરન્સ પહેલાં અથવા સ્થાનિક ટેરિફ વિસ્તારમાં કોઈપણ વ્યક્તિને સ્પેશિયલ ઇકોનોમિક ઝોન અથવા ફ્રી ટ્રેડ વેરહાઉસિંગ ઝોનમાં વેરહાઉસ કરેલા માલના સપ્લાયને માલના સપ્લાય તરીકે કે સેવાઓના સપ્લાય તરીકે ગણવામાં આવશે નહીં. આવા વ્યવહારો માટે પહેલાથી ચૂકવેલ કરનું રિફંડ પણ ઉપલબ્ધ રહેશે નહીં. આ 01.07.2017થી લાગુ થશે.
• સ્થાનિક સત્તામંડળ"ની વ્યાખ્યામાં વપરાયેલ 'સ્થાનિક ભંડોળ' અને 'મ્યુનિસિપલ ભંડોળ' ની વ્યાખ્યાઓનો સમાવેશ.
• રિટર્ન ફાઇલ કરવા માટે કેટલીક શરતો અને પ્રતિબંધોનો સમાવેશ કરવામાં આવશે.

બજેટમાં કહેવામાં આવ્યું છે કે, GST કાઉન્સિલની ભલામણો અનુસાર રાજ્યો સાથે સંકલનમાં સૂચિત કરવાની તારીખથી આ પરિવર્તન અમલમાં આવશે.

AP/IJ/SM/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com