خزانہ اور کارپوریٹ امور کی مرکزی وزیر، محترمہ  نرملا سیتا رمن کے ذریعے  آج پارلیمنٹ میں پیش کئے گئے اقتصادی جائزہ 25-2024 میں کہا گیا ہے  کہ  مالی سال25-2024 کے پہلے نو مہینوں میں ہندوستان کے مالی اور مالیاتی شعبوں نے اچھی کارکردگی کا مظاہرہ کیا ہے ۔

اقتصادی جائزے کے مطابق رواں مالی سال میں بینک قرضے میں مستحکم شرح سے اضافہ ہوا ہے ۔درج فہرست کمرشیل بینکوں (ایس سی بی) کے منافع میں مسلسل بہتری آئی ہے جس کی عکاسی مجموعی منجمد  اثاثوں (جی این پی اے) میں کمی کے ساتھ ساتھ  خطرات کے حامل اثاثہ تناسب (سی آر اے آر) میں اضافے سے ہوتی ہے ۔درج فہرست کمرشیل بینکوں( ایس سی بی) کے مجموعی منجمد اثاثے (جی این پی اے) اب ستمبر 2024 کے آخر میں 12 سال کی کم ترین سطح 2.6 فیصد پر آ گئے ہیں ۔ مالی سال 2025 کی پہلی ششماہی کے دوران ایس سی بی کے منافع میں بہتری آئی ، ٹیکس کے بعد منافع (پی اے ٹی) میں 22.2 فیصد (سال بہ سال) کا اضافہ ہوا ۔

اقتصادی جائزہ بتاتا ہے کہ بینک ڈپازٹس میں دوہرے ہندسے کی نمو جاری ہے۔ نومبر 2024 کے اختتام تک، ایس سی بی کے مجموعی ڈپازٹس میں سالانہ نمو 11.1 فیصد رہی۔ سیکٹر کے لحاظ سے، موجودہ مالی سال میں 29 نومبر 2024 تک زرعی قرضے میں اضافہ 5.1 فیصد تھا۔ صنعتی قرضے میں اضافہ ہوا اور نومبر 2024 کے آخر تک  یہ 4.4 فیصد رہا، جو ایک سال پہلے ریکارڈ کیے گئے 3.2 فیصد سے زیادہ ہے۔ تمام صنعتوں میں، بہت چھوٹی، چھوٹی اور درمیانہ درجے کی صنعتوں(ایم ایس ایم ای) کو بینک قرض بڑے اداروں کو قرض کی تقسیم سے زیادہ تیزی سے بڑھ رہا ہے۔ نومبر 2024 کے اختتام تک، ایم ایس ایم ای کو دیئے جانے والے قرضے میں 13 فیصد کی سالانہ ترقی درج کی گئی، جب کہ بڑے اداروں کے لیے یہ 6.1 فیصد رہی۔

دیہی مالیاتی ادارے بھی کم این پی اے اور بہتر  قرض واپسی  دکھاتے ہیں۔ علاقائی دیہی بینکوں (آر آر بی)  کا مجموعی خالص منافع مالی سال 2023میں 4,974 کروڑ روپے سے بڑھ کر مالی سال2024 میں 7,571 کروڑ روپے ہو گیا۔ یکجا شدہ سی آر اے آر  مارچ 2023 تک 13.4 فیصد سے بڑھ کر 31 مارچ 2024 تک 14.2 فیصد کی بلند ترین سطح پر پہنچ گیا۔ آر آر بی کا قرض اور قرض واپسی کا  تناسب مارچ 2023 میں 67.5 فیصد سے بڑھ کر مارچ 2024 تک 712 فیصد ہو گیا۔

مالی سال 25-2024 کے پہلے نو مہینوں (اپریل 2024-دسمبر 2024) کے دوران، آر بی آئی  کی مالیاتی  پالیسی کمیٹی (ایم پی سی ) نے اپنی مختلف میٹنگوں میں پالیسی ریپو ریٹ کو 6.5 فیصد پر برقرار رکھنے کا فیصلہ کیا تاکہ شرح ترقی اور افراط زر کو قابل قبول حدوں کو برقرار رکھنے کی دوہری  ضروریات کو متوازن کیا جا سکے۔ جائزہ بتاتا ہے کہ نظام کی لیکویڈیٹی، جس کی نمائندگی لیکویڈیٹی ایڈجسٹمنٹ سہولت کے تحت خالص پوزیشن سے ہوتی ہے، اکتوبر-نومبر 2024 کے دوران فاضل  رہی۔

اقتصادی جائزہ میں کہا گیا ہے کہ حکومت نے مالی شمولیت میں بھی نمایاں پیش رفت حاصل کی، ریزرو بینک آف انڈیا (آر بی آئی) کا مالی شمولیت کا اشاریہ مارچ 2021 میں 53.9 سے بڑھ کر مارچ 2024 کے آخر میں 64.2 ہو گیا۔ دیہی مالیاتی اداروں (آر ایف آئی) نے ہندوستان کی مالی شمولیت کے سفر کو آسان بنانے میں ایک اہم کھلاڑی رہا ہے۔ ترقیاتی مالیاتی اداروں (ڈی ایف آئی) نے بنیادی ڈھانچے کی ترقی کے منصوبوں کی مالی اعانت کے ذریعے ملک کی اقتصادی ترقی میں اہم کردار ادا کیا ہے۔

سرمایہ بازار

اقتصادی جائزہ 25-2024کے مطابق  سرمایہ بازاروں نے مضبوط کارکردگی کا مظاہرہ کیا ہے، حقیقی معیشت میں سرمائے کی تشکیل کو آگے بڑھایا ہے، گھریلو بچت کے مالیاتی نظام میں اضافہ کیا ہے اور دولت بنانے کےعمل میں معاونت کی ہے۔ مضبوط کلی اقتصادی بنیادی اصول، صحت مند کارپوریٹ آمدنی، معاون ادارہ جاتی سرمایہ کاری، ایس آئی پی سے مضبوط سرمایہ کی آمد اور باضابطہ بنانے کےعمل، ڈیجیٹائزیشن اور رسائی میں اضافہ نے مارکیٹ کی مسلسل ترقی کورفتار فراہم کی ہے۔

جائزہ اس بات پر روشنی ڈالتا ہے کہ بنیادی بازاروں نے مالی سال 25-2024  میں بازار  کے اتار چڑھاؤ اور جغرافیائی و سیاسی غیر یقینی صورتحال کے باوجود فہرست سازی کی تیز رفتار سرگرمیاں اور سرمایہ کاروں کے جوش و خروش کا مشاہدہ کرنا جاری رکھا۔ عالمی آئی پی او کی فہرست سازی میں ہندوستان کا حصہ 2024 میں 30 فیصد تک بڑھ گیا، جو کہ 2023 میں 17 فیصد سے بڑھ کر عالمی سطح پر بنیادی وسائل کو متحرک کرنے میں سب سے آگے ہے۔  بنیادی بازاروں (ایکویٹی اور قرض) سے وسائل کی مجموعی رقم اپریل سے دسمبر 2024 تک 11.1 لاکھ کروڑ روپے ہے، جو کہ پورے مالی سال 25-2024کے دوران جمع کی گئی رقم سے 5 فیصد زیادہ ہے۔

دسمبر 2024 کے آخر میں  گھریلو مجموعی پیداوار (جی ڈی پی) میں بامبے اسٹاک ایکسچنج (بی ایس ای) بازار سرمایہ کا تناسب 136 فیصد رہا ، جو گزشتہ 10 سالوں میں نمایاں طور پر بڑھ رہا ہے۔  ہندوستانی اسٹاک کی مثبت کارکردگی مضبوط منافع بخش نمو ، ڈیجیٹل مالیاتی بنیادی ڈھانچے کی تیزی ، سرمایہ کاروں کی بنیاد میں توسیع اور مصنوعات اور عمل میں خاطر خواہ اصلاحات سے کارفرما تھی ۔

سرمایہ بازاروں میں سرمایہ کاروں کی شرکت میں اضافہ ہورہا ہے ، سرمایہ کاروں کی تعداد مالی سال 2020 میں 4.9 کروڑ سے بڑھ کر 31 دسمبر 2024 تک 13.2 کروڑ ہو گئی ہے ۔  فعال لسٹنگ سرگرمی اور  انضباطی ادارے سیکیورٹیز اینڈ ایکسچینج بورڈ آف انڈیا (سیبی) کے حالیہ اقدامات کے  سبب توقع کی جاتی ہے کہ حصص  کی زیادہ قیمت کو کم کرنے سے مارکیٹ میں پائیدار توسیع کو فروغ ملے گا ۔

بیمہ اور پنشن کے شعبے

اقتصادی جائزے کے مطابق ، ہندوستان کا بیمہ شعبہ اچھی کارکردگی کا مظاہرہ کر رہا ہے اور اگلے پانچ سالوں (2024-2028) میں جی 20 ممالک میں سب سے تیزی سے ترقی کرنے والی مارکیٹ بننے کا امکان ہے ۔ مالی سال 25-2024 میں کل بیمہ پریمیم میں 7.7 فیصد اضافے کے ساتھ اس نے اپنی ترقی کا سلسلہ جاری رکھا ہے ، جو 11.2 لاکھ کروڑ روپے تک پہنچ گیا ہے ۔ 3.7 فیصد کی مجموعی مجموعی بیمہ  کی شرح کے ساتھ ، عالمی اوسط 7 فیصد سے نیچے ،  بیمہ کوریج میں ایک قابل ذکر فرق ہے جو بیمہ کنندگان کو اپنی رسائی کو بڑھانے کے مواقع پیش کرتا ہے ۔ دوسرے اور تیسرے درجے کے شہروں اور دیہی علاقوں کو نشانہ بنا کر جہاں بیداری اور رسائی محدود ہے ، بیمہ کنندگان نئے صارفین کے طور پر داخل ہو سکتے ہیں اور ترقی کی حوصلہ افزائی کر سکتے ہیں ۔

اقتصادی جائزے میں اس بات پر بھی روشنی ڈالی گئی ہے کہ قومی پنشن نظام(این پی ایس) اور اٹل پنشن یوجنا (اے پی وائی) کے آغاز کے بعد سے ہندوستان کے پنشن کے شعبے میں نمایاں اضافہ ہوا ہے ۔ ستمبر 2024 تک ، صارفین کی کل تعداد 783.4 لاکھ تک پہنچ گئی ، جو ستمبر 2023 میں 675.2 لاکھ سے سال بہ سال 16 فیصد اضافہ ظاہر کرتی ہے ۔ اس ترقی کے باوجود ، ہندوستان کے پنشن نظام میں مزید توسیع کے کافی امکانات ہیں۔  پنشن کے شعبے میں ترقی کی توقع ہے کیونکہ ملک کی  معیشت کم درمیانی آمدنی سے اعلی درمیانی آمدنی والے  کے طور پر  منتقل ہو رہی ہے ۔  بیمہ اور پنشن کے شعبے ہمہ گیر کوریج حاصل کرنے اور مالیاتی  ایکو سسٹم کو مزید مضبوط بنانے کےنظریئے کے ساتھ کارکردگی کا مظاہرہ کر رہے ہیں ۔

دیوالیہ پن سے متعلق قانون

دیوالیہ  اور دیوالیہ پن  سے متعلق ضابطے ، 2016 نے پریشان حال اداروں کے لیے ایک جدید اور جامع دیوالیہ پن کے حل کے فریم ورک کا آغاز کیا ہے ۔ مالی پریشانی اور منجمد اثاثے  کو دور کرکے ، مذکورہ ضابطے نے ملک کے بینکنگ سیکٹر کی صحت پر انمٹ  نقوش چھوڑے ہیں اور قرض لینے اور قرض  دینے والے  کے  درمیان تعلقات کی نئی تشریح کی ہے ۔ ضابطے کے تحت حل کے لیے آر بی آئی کی طرف سے بھیجے گئے 12 بڑے کھاتوں میں سے 10 کو کامیابی کے ساتھ حل کر لیا گیا ہے ۔ مارچ 2024 تک ، 10.2 لاکھ کروڑ روپے کے بنیادی ڈی فالٹ والے کارپوریٹ قرض دہندگان کے کارپوریٹ دیوالیہ پن کے حل کے عمل کو شروع کرنے کے لیے 28,818 درخواستیں ان کے داخلے سے پہلے واپس لے لی گئیں ۔ اس ضابطے کے قانونی ، اقتصادی اور مالیاتی نظام جیسے اعلی سطحی نظاموں کے ساتھ تعامل کے ذریعے دیگر دور رس اثرات ہیں ۔

مالیاتی شعبہ

مالیاتی شعبہ بنیادی طور پر آزاد انضباطی اداروں (آئی آر بی)-ریزرو بینک آف انڈیا (آر بی آئی) سیکیورٹیز اینڈ ایکسچینج بورڈ آف انڈیا (ایس ای بی آئی) انشورنس ریگولیٹری ڈیولپمنٹ اتھارٹی آف انڈیا (آئی آر ڈی اے آئی) پنشن فنڈز ریگولیٹری ڈیولپمنٹ اتھارٹی (پی ایف آر ڈی اے) اور انسولونسی اینڈ بینکرپسی بورڈ آف انڈیا (آئی بی بی آئی) کے ذریعے چلایا جاتا ہے ۔مالیاتی استحکام اور ترقی کونسل (ایف ایس ڈی سی) کے پاس ایک وسیع مالیاتی استحکام کا اختیار ہے ، جو بین ریگولیٹری کوآرڈینیشن کو قابل بناتا ہے اور مالیاتی شعبے کی ترقی کو فروغ دیتا ہے ۔ ہر آئی آر بی ڈیزائن ، تفویض کردہ کاموں کی نوعیت  اور خود مختاری کے لحاظ سے مختلف ہوتا ہے ، جو اس کے ارتقاء کے سماجی و سیاسی تناظر اور منظم ڈومین کے لیے منفرد ہیں ۔ تاہم ، کچھ بنیادی ڈھانچے کے عناصر تمام ریگولیٹری اداروں کے لیے مشترک ہیں: انہیں ایک قانون کی حمایت حاصل ہے ، وہ مقننہ کے لیے جوابدہ ہیں ، حکومت سے ایک خاص حد تک خود مختاری حاصل کرتے ہیں ، قانون سازی ، انتظامی اور نیم عدالتی کام کرتے ہیں اور خصوصی اور تکنیکی فیصلہ سازی کے عمل میں مشغول ہوتے ہیں ۔

مذکورہ ضابطے قانون کے بنیادی آلات ہیں جن کے ذریعے آئی آر بی اپنے کام انجام دیتے ہیں اور اپنی معروضیت کو پورا کرتے ہیں ۔ ریگولیٹری کارروائی کی کارکردگی اور تاثیر براہ راست قواعد و ضوابط کے معیار پر منحصر ہے ۔ ان آئی آر بی کی بنیادی ذمہ داری قواعد و ضوابط بنانا ہے ، جس کا اختیار قانون کے ذریعے آئی آر بی کو تفویض کیا جاتا ہے اور یہ آئی آر بی کی خود مختاری کا ایک لازمی جزو ہے ۔

اقتصادی جائزے میں کہا گیا ہے کہ ضابطوں کے معیار کا اندازہ بڑے پیمانے پر پانچ معیارات: جمہوری قانونی حیثیت ، ریگولیٹر کا جوابدہ ہونا ، منصفانہ ، قابل رسائی اور کھلا طریقہ کار ، مہارت اور کارکردگی  کی بنیاد پر کیا جاتا ہے۔

ہندوستان کے مالیاتی شعبے کی سائبر سیکورٹی

تکنیکی ترقی کے ساتھ ، ہندوستانی مالیاتی شعبہ ایک ڈیجیٹل تبدیلی کا مشاہدہ کر رہا ہے جس نے کارکردگی اور رسائی میں اضافہ کیا ہے اور  مختلف قسم کے  سائبر خطرات سے نمٹنے میں اضافہ کیا ہے ۔ فشنگ اور رینسم ویئر سے لے کر ڈسٹری بیوٹڈ ڈینائل آف سروس (ڈی ڈی او ایس) کے حملے ، ایس ایم ایس  اور جعلی/بدنیتی پر مبنی موبائل ایپلی کیشنز تک ، یہ خطرات مالیاتی نظام کے استحکام کے لیے سنگین چیلنجز پیدا کرتے ہیں ۔ مالیاتی شعبے کی بڑھتے ہوئے ڈیجیٹائزیشن کے پیش نظر ، ایف ایس ڈی سی سائبر سیکورٹی کے مسائل پر توجہ مرکوز کر رہا ہے کیونکہ مالیاتی شعبے کی سائبر لچک کو مضبوط کرنا مالی استحکام کو برقرار رکھنے کی کلید ہے ۔

عالمی  سائبرسیکیورٹی اشاریہ (جی سی آئی) 2024 میں 100 میں سے 98.49 کے قابل ستائش اسکور کے ساتھ ہندوستان کی ٹائر 1 رینکنگ اس کے سائبرسیکیوریٹی کے سفر میں ایک اہم سنگ میل کی نشاندہی کرتی ہے ۔ یہ پہچان ہندوستان کو سائبر سکیورٹی میں دنیا کے ’رول ماڈل‘ ممالک میں شامل کرتی ہے ۔ جی سی آئی پانچ ستونوں-قانونی ، تکنیکی ، تنظیمی ، صلاحیت سازی اور تعاون میں قومی کوششوں کا جائزہ لیتا ہے ، جو ہندوستان کے جامع نقطہ نظر کو اجاگر کرتا ہے ۔ ہندوستان نے مضبوط قانونی فریم ورک ، ہدف بند تعلیمی پروگراموں اور بین الاقوامی تعاون کے ذریعے اپنے سائبر سیکورٹی  ایکو سسٹم کو مضبوط کیا ہے ۔ بیداری ، ہنر مندی کے فروغ اور تحقیق کو فروغ دے کر ، ملک ابھرتے ہوئے چیلنجوں سے نمٹنے کی  تیاری کرتے ہوئے موجودہ سائبر خطرات سے مؤثر طریقے سے نمٹتا ہے  اور ڈیجیٹل بنیادی ڈھانچے کو محفوظ بنانے میں اپنی قیادت کی توثیق کرتا ہے ۔

ہندوستانی مالیاتی شعبہ یو پی آئی ، اوپن کریڈٹ ان ایبلمنٹ نیٹ ورک (او سی ای این) اور ٹی پلس ون سیٹلمنٹ جیسی مختلف مالیاتی اختراعات کا مشاہدہ کر رہا ہے ۔ ان اقدامات سے ہندوستان میں قرض تک رسائی میں نمایاں آسانی ہوئی ہے ۔ اقتصادی جائزے نے یہ نتیجہ اخذ کیا ہے کہ یہ ابھرتے ہوئے رجحانات ہندوستان کے مالیاتی شعبے کے لیے ایک نئے دور کے آغاز کی نشاندہی کرتے ہیں ۔

۔۔۔۔۔۔۔۔۔۔۔

ش ح۔م ع ۔ن  م۔

U-5846