ಮಹಾಕುಂಭ 2025 ಗಾಗಿ ದೂರದರ್ಶನ ನಿರ್ಮಿಸಿದ "ಮಹಾಕುಂಭ ಹೈ" ಥೀಮ್ ಸಾಂಗ್ (ಶೀರ್ಷಿಕಾ ಗೀತೆ) ಅನ್ನು ದಿಲ್ಲಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಕೇಂದ್ರ ವಾರ್ತಾ ಮತ್ತು ಪ್ರಸಾರ, ರೈಲ್ವೆ ಮತ್ತು ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವರು ಬಿಡುಗಡೆ ಮಾಡಿದರು.

ಮಹಾಕುಂಭಕ್ಕೆ ಸುಮಧುರ ಗೌರವ: ಭಕ್ತಿ, ಸಂಪ್ರದಾಯ ಮತ್ತು ಸಂಭ್ರಮಾಚರಣೆಯ ಸ್ವರಮೇಳ

ಖ್ಯಾತ ಗಾಯಕ, ಪದ್ಮಶ್ರೀ ಕೈಲಾಶ್ ಖೇರ್ ಹಾಡಿದ ಈ ಹಾಡು ಭಕ್ತಿ, ಸಂಭ್ರಮ ಮತ್ತು ಅಪ್ರತಿಮ ಮಹಾಕುಂಭದ ರೋಮಾಂಚಕ ಸಾಂಸ್ಕೃತಿಕ ಸಾರವನ್ನು ಒಳಗೊಂಡಿದೆ. ಖ್ಯಾತ ಬರಹಗಾರ ಅಲೋಕ್ ಶ್ರೀವಾಸ್ತವ್ ಬರೆದ ಆಳವಾದ ಸಾಹಿತ್ಯ ಮತ್ತು ಕ್ಷಿತಿಜ್ ತಾರೆ ಸಂಯೋಜಿಸಿದ ಮತ್ತು ವ್ಯವಸ್ಥೆ ಮಾಡಿದ ಆತ್ಮವನ್ನು ಪ್ರಚೋದಿಸುವ ಸಂಗೀತವು ಮಹಾಕುಂಭವನ್ನು ವ್ಯಾಖ್ಯಾನಿಸುವ ನಂಬಿಕೆ, ಸಂಪ್ರದಾಯ ಮತ್ತು ಹಬ್ಬದ ಸಂಗಮವನ್ನು ಸುಂದರವಾಗಿ ಪ್ರದರ್ಶಿಸುತ್ತದೆ.

ಸಾಂಪ್ರದಾಯಿಕ ಮಧುರ ಗೀತೆಗಳು ಮತ್ತು ಆಧುನಿಕ ವ್ಯವಸ್ಥೆಗಳ ಸಾಮರಸ್ಯದ ಮಿಶ್ರಣವಾದ "ಮಹಾಕುಂಭ ಹೈ" ಭಾರತದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆ ಮತ್ತು ಮಹಾಕುಂಭ ಮೇಳದ ಕಾಲಾತೀತ ಮಹತ್ವಕ್ಕೆ ಹೃತ್ಪೂರ್ವಕ ಗೌರವವಾಗಿದೆ.

"ಮಹಾಕುಂಭ ಹೈ" ನ ಅಧಿಕೃತ ಮ್ಯೂಸಿಕ್ ವೀಡಿಯೊ ಈಗ ದೂರದರ್ಶನ ಮತ್ತು ಅದರ ಡಿಜಿಟಲ್ ಪ್ಲಾಟ್ಫಾರ್ಮ್ಗಳಲ್ಲಿ ಲಭ್ಯವಿದೆ.

ಪ್ರಯಾಗ್ ರಾಜ್ ಮಹಾಕುಂಭಕ್ಕೆ ಸಮರ್ಪಿತವಾದ ವಿಶೇಷ ಹಾಡನ್ನು ಆಕಾಶವಾಣಿ ಬಿಡುಗಡೆ ಮಾಡಿದೆ

जय महाकुम्भ जय महाकुम्भ, पग पग जयकारा महाकुम्भ…

ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವರು ಆಕಾಶವಾಣಿಯು  ಪ್ರಯಾಗ್ ರಾಜ್ ಮಹಾಕುಂಭಕ್ಕೆ ಸಮರ್ಪಿಸಿದ  ವಿಶೇಷ ಸಂಯೋಜನೆಯನ್ನು ಉದ್ಘಾಟಿಸಿದರು. ಈ ವಿಶಿಷ್ಟ ಹಾಡು ಸಂಗೀತ ಮತ್ತು ಗೀತ ಪ್ರಸ್ತುತಿಯ ಸಾಮರಸ್ಯದ ಮಿಶ್ರಣದ ಮೂಲಕ ಮಹಾಕುಂಭದ ಆಧ್ಯಾತ್ಮಿಕ, ಸಾಂಸ್ಕೃತಿಕ ಮತ್ತು ಧಾರ್ಮಿಕ ಮಹತ್ವವನ್ನು ಒಳಗೊಂಡಿದೆ.

ಈ ಹಾಡು ಪ್ರಯಾಗ್ ರಾಜ್ ನ ಪವಿತ್ರ ತ್ರಿವೇಣಿ ಸಂಗಮದಲ್ಲಿ ನಡೆಯುವ ಮಹಾಕುಂಭದ ಭವ್ಯತೆಗೆ ಗೌರವವಾಗಿದೆ. ಭಕ್ತನ ದೃಷ್ಟಿಕೋನದಿಂದ ನೋಡಿದಾಗ, ಈ ಸಂಗೀತ ಮೇರುಕೃತಿಯು ವಿಶ್ವಪ್ರಸಿದ್ಧ ಮಹಾಕುಂಭದ ಸಭೆಯ  ಸಾರವನ್ನು ಪ್ರತಿಬಿಂಬಿಸುತ್ತದೆ. ಮಹಾಕುಂಭದ ಆಗಮನವು ಪ್ರಯಾಗ್ ರಾಜ್ ಭೂಮಿಗೆ ಹೆಮ್ಮೆಯ ಕ್ಷಣವನ್ನು ಸೂಚಿಸುತ್ತದೆ, ಲಕ್ಷಾಂತರ ಭಕ್ತರು ತಮ್ಮ ಭಕ್ತಿಪೂರ್ವಕ ಗೌರವವನ್ನು ವ್ಯಕ್ತಪಡಿಸುವ ಮಂತ್ರಗಳ ಪಠಣದೊಂದಿಗೆ  ಅನುರಣಿಸುತ್ತದೆ.

ಸಂತೋಷ್ ನಹಾರ್ ಮತ್ತು ರತನ್ ಪ್ರಸನ್ನ ಅವರ ಸಂಗೀತದೊಂದಿಗೆ ರತನ್ ಪ್ರಸನ್ನ ಅವರ ಭಾವಪೂರ್ಣ ಗಾಯನದಿಂದ ಈ ಹಾಡಿಗೆ ಜೀವ ತುಂಬಲಾಗಿದೆ. ಅಭಿನಯ್ ಶ್ರೀವಾಸ್ತವ ಬರೆದ ಸ್ಪೂರ್ತಿದಾಯಕ ಸಾಹಿತ್ಯವು ದೈವಿಕತೆಯೊಂದಿಗಿನ ಆಧ್ಯಾತ್ಮಿಕ ಸಂಪರ್ಕವನ್ನು ಸುಂದರವಾಗಿ ಹೆಣೆಯುತ್ತದೆ.

ತ್ರಿವೇಣಿ ಸಂಗಮದಲ್ಲಿ ಸ್ನಾನ ಮಾಡುವ ಪವಿತ್ರ ಕ್ರಿಯೆಯನ್ನು ಹಾಡಿನಲ್ಲಿ ಶುದ್ಧೀಕರಣ ಆಚರಣೆಯಾಗಿ ಕೊಂಡಾಡಲಾಗಿದೆ, ಇದು ಯುಗಗಳಾದ್ಯಂತ ಆಧ್ಯಾತ್ಮಿಕತೆಯ ಫಲಶ್ರುತಿಯನ್ನು ಸಾದರಪಡಿಸುತ್ತದೆ. ಆಕಾಶವಾಣಿಯ ಈ ಸುಮಧುರ ಗೌರವವು ಮಹಾಕುಂಭದ ಕಾಲಾತೀತ ಸಂಪ್ರದಾಯಗಳು ಮತ್ತು ಪಾವಿತ್ರ್ಯವನ್ನು ಗೌರವಿಸುತ್ತದೆ, ಕೇಳುಗರಲ್ಲಿ ಭಕ್ತಿ ಮತ್ತು ಹೆಮ್ಮೆಯ ಪ್ರಜ್ಞೆಯನ್ನು ಬೆಳೆಸುತ್ತದೆ.

ಭಾರತದ ಸಾಂಸ್ಕೃತಿಕ ಮತ್ತು ಆಧ್ಯಾತ್ಮಿಕ ಪರಂಪರೆಯ ಈ ಅಸಾಧಾರಣ ಸಂಭ್ರಮಾಚರಣೆಯನ್ನು ವೀಕ್ಷಕರು ಎದುರು ನೋಡಬಹುದು.

*****