য়ুমলৈ-কৈরৈ মন্ত্রালয়
কেন্দ্রগী য়ুম্লৈ-কৈরৈ অমসুং কোওপরেশন মন্ত্রী, শ্রী অমিত শাহনা ময়াই তাংবল লৌদুনা নই দিল্লীদা NCRBগা লোইননা অনৌবা ক্রিমিনেল লো অহুম চৎনহনবগী মতাংদা রিভ্যু মীতিং অমা পাংথোকখ্রে
মীফম অসিনা জাতিগী থাক্তা ICJS 2.0গা CCTNS 2.0, NAFIS, কৈশুমশঙশিং, কোর্তশিং, প্রোসিক্যুশন অমসুং ফোরেন্সিকশিং পুনশিন্নবগী থবক পাইখৎপগী মতাংদা য়েংশিনখ্রে
য়ুম্লৈ-কৈরৈ মন্ত্রীনা NCRBদা ICJS 2.0 দা অনৌবা ক্রিমিনেল লোশিং মপুং ফানা চৎনহন্নবা হায়খ্রে, রাজ্য/য়ু.তি. খুদিংমক্তা ইসক্স্যা, ন্যায় শ্রুতি, ইসাইনদা অমসুং ইসমনশিং শিজিন্নগদবনি
য়ুম্লৈ-কৈরৈ মন্ত্রীনা ভিক্তিমশিং অমসুং ৱাকৎ থাংগৎলক্লিবশিংদা কান্নবা পীনবা কেস অদু হেক রেজিস্তর তৌবা মিৎকুপতগীনা কেস অদু হেক লোইশিনবা ফাওবগী অকক্নবা তাঙ্ককশিং অমসুং মতমশিং ক্রিমিনেল কেস খুদিংমক্কী এলর্তশিং জেনরেত তৌগদবনি হায়না হায়খি
অকক্নবা মতমগী মতুং ইন্না ইনভেস্তিগেশন ওফিসরশিংগা লোইন-লোইননা সেনিয়র ওফিসরশিংদা এলর্তশিং থাবনা ইভেস্তিগেশন তৌবগী থৌওং অদুবু হেন্না য়াংখৎহনবদা মতেং পাংগনি
মশক খঙদবা অশিবা হকচাংশিং অমসুং মশক খঙদবা মীওইশিং ফংবা মতমদা মশখ খঙদোক্নবা বায়োমত্রিক তেক্নোলোজী শিজিন্নগদবনি
য়ুম্লৈ-কৈরৈ মন্ত্রীনা NAFISকী তেক্নিকেল ইমপ্লিমেন্তেশন তৌবদা NCRBনা হোৎনখিবশিং অদুগীদমক্তা থাগৎপা ফোংদোকখ্রে
Posted On:
24 DEC 2024 12:36PM by PIB Imphal
কেন্দ্রগী য়ুম্লৈ-কৈরৈ অমসুং কোওপরেশন মন্ত্রী, শ্রী অমিত শাহনা ময়াই তাংবল লৌদুনা নই দিল্লীদা নেসনেল ক্রাইম রেকোর্দস ব্যুরো (NCRB)গা লোইননা অনৌবা ক্রিমিনেল লো অহুম চৎনহনবগী মতাংদা রিভ্যু মীতিং অমা পাংথোকখ্রে। মীফম অসিনা জাতিগী থাক্তা ICJS 2.0গা CCTNS 2.0, NAFIS, কৈশুমশঙশিং, কোর্তশিং, প্রোসিক্যুশন অমসুং ফোরেন্সিকশিং পুনশিন্নবগী থবক পাইখৎপগী মতাংদা য়েংশিনখ্রে। মীফম অদুদা কেন্দ্রগী য়ুম্লৈ-কৈরৈগী সেক্রেতরী, NCRBগী দাইরেক্তর অমসুং য়ুম্লৈ-কৈরৈ মন্ত্রালয়, NCRB অমসুং NICগী সেনিয়র ওফিসিয়েলশিংনা শরুক য়াখি।
মীফম অদুগী খন্ন-নৈনবা অদুদা কেন্দ্রগী য়ুম্লৈ-কৈরৈ মন্ত্রীনা NCRBদা ICJS 2.0 দা অনৌবা ক্রিমিনেল লোশিং মপুং ফানা চৎনহন্নবা হায়খ্রে। শ্রী অমিত শাহনা রাজ্য/য়ু.তি. খুদিংমক্তা ইসক্স্যা, ন্যায় শ্রুতি, ইসাইনদা অমসুং ইসমনগুম্বা এপ্লিকেশনশিং অসি শিজিন্নবগী মতাংদা য়াম্না মরু ওইনা পনখি।
তেক্নোলোজী শিজিন্নবগী মতাংদা য়াম্না মরুওইনা পন্দুনা, কেন্দ্রগী য়ুম্লৈ-কৈরৈ অমসুং কোওপরেশন মন্ত্রীনা ভিক্তিমশিং অমসুং ৱাকৎ থাংগৎলক্লিবশিংদা কান্নবা পীনবা কেস অদু হেক রেজিস্তর তৌবা মিৎকুপতগীনা কেস অদু হেক লোইশিনবা ফাওবগী অকক্নবা তাঙ্ককশিং অমসুং মতমশিং ক্রিমিনেল কেস খুদিংমক্কী এলর্তশিং জেনরেত তৌগদবনি হায়না হায়খি। অকক্নবা মতমগী মতুং ইন্না ইনভেস্তিগেশন ওফিসরশিংগা লোইন-লোইননা সেনিয়র ওফিসরশিংদা এলর্তশিং থাবনা ইভেস্তিগেশন তৌবগী থৌওং অদুবু হেন্না য়াংখৎহনবদা মতেং পাংগনি। মহাক্না MHA, NCRBগী ওফিসরশিংগী তীম অমা রাজ্যশিং/য়ু.তি.শিংদা তেক্নিকেল প্রোজেক্তশিং শিংজিন্নবা হেনগৎহন্নবা অমসুং মখোয়দা পীবা য়াবা অঙম্বা মতেং পীনবা চৎকদবনি হায়না য়াম্না মরু ওইনা পনখি।
শ্রী অমিত শাহনা চাং নাইনা ক্রাইম অমসুং ক্রিমিনেল ত্রেকিং নেতৱার্ক অমসুং সিস্তেমশিং (CCTNS) অমসুং ইন্তর-ওপরেবল ক্রিমিনেল জস্তিস সিস্তেম (ICJS)কী প্রোগ্রেস য়েংশিন্নবা অমসুং প্রোজেক্ত অদুদা ইনোৎ হাপ্নবা রাজ্যশিং/য়ু.তি.শিংগী সেনিয়র পুলিস ফোর্মেশনশিংগা লোইননা তোইনা ৱারি-ৱাতাই শানবগী মতাংদা য়াম্না মরু ওইনা পনখি। মহাক্না মখাতানা মশক খঙদবা অশিবা হকচাংশিং অমসুং মশক খঙদবা মীওইশিং ফংবা মতমদা মশখ খঙদোক্নবা বায়োমত্রিক তেক্নোলোজী শিজিন্নগদবনি হায়না পল্লকখি।
কেন্দ্রগী য়ুম্লৈ-কৈরৈ মন্ত্রীনা হায়খি মদুদি NCRBনা ইনভেস্তিগেশন ওফিসরশিং অমসুং ক্রিমিনেল জস্তিস সিস্তেমগী অতোপ্পা স্তেকহোল্দরশিংদা কান্ননবা দেতা মতিকচানা লৈবা প্লেতফোর্ম অমা শেমগদবনি হায়না হায়খি। মহাক্না ন্যু ক্রিমিনেল লোজ এন্দ নেস্নেল ওতোমেতেদ ফিঙ্গরপ্রিন্ত আইদেন্তিফিকেশন সিস্তেম (NAFIS)কী তেক্নিকেল ইমপ্লিমেন্তেশন তৌবদা NCRBনা হোৎনখিবশিং অদুগীদমক্তা থাগৎপা ফোংদোকখ্রে।
*****
(Release ID: 2087739)
Visitor Counter : 8