કેન્દ્રીય ગૃહ મંત્રી અને સહકારિતા મંત્રી શ્રી અમિત શાહની અધ્યક્ષતામાં નવી દિલ્હીમાં નેશનલ ક્રાઇમ રેકોર્ડ બ્યૂરો (એનસીઆરબી) સાથે ત્રણ નવા ફોજદારી કાયદાઓના અમલીકરણ પર સમીક્ષા બેઠક મળી હતી. આ બેઠકમાં અખિલ ભારતીય સ્તરે આઈસીટીએસ 2.0 સાથે સીસીટીએનએસ 2.0, નાફીસ, જેલ, કોર્ટ, પ્રોસીક્યુશન અને ફોરેન્સિક્સના સંકલનના અમલીકરણની સમીક્ષા કરવામાં આવી હતી. આ બેઠકમાં કેન્દ્રીય ગૃહ સચિવ, ડાયરેક્ટર એનસીઆરબી અને ગૃહ મંત્રાલય, એનસીઆરબી અને એનઆઈસીના ઘણા વરિષ્ઠ અધિકારીઓ હાજર રહ્યા હતા.

બેઠકમાં ચર્ચા દરમિયાન કેન્દ્રીય ગૃહ મંત્રીએ એનસીઆરબીને આઈસીજેએસ 2.0માં નવા ક્રિમિનલ કાયદાઓના સંપૂર્ણ અમલની સુવિધા આપવા જણાવ્યું હતું. શ્રી અમિત શાહે દરેક રાજ્ય/કેન્દ્રશાસિત પ્રદેશમાં ઇ-શક્તિ, ન્યાય શ્રુતિ, ઇ-સાઇન અને ઇ-સંગમોન્સ જેવી એપ્લિકેશનનો ઉપયોગ કરવા પર ભાર મૂક્યો હતો.

ટેકનોલોજીના ઉપયોગ પર ભાર મૂકતાં કેન્દ્રીય ગૃહ પ્રધાન અને સહકારિતા મંત્રીએ જણાવ્યું હતું કે પીડિતો અને ફરિયાદીઓને લાભ થાય તે માટે કેસના નિકાલ સુધીની નોંધણીથી માંડીને તેના નિકાલ સુધીના પૂર્વનિર્ધારિત તબક્કે અને સમયમર્યાદામાં તમામ ફોજદારી કેસો માટે ચેતવણીઓ ઊભી કરવી જોઈએ. પૂર્વ નિર્ધારિત સમયમર્યાદા મુજબ તપાસ અધિકારીઓ તેમજ વરિષ્ઠ અધિકારીઓને ચેતવણીઓ તપાસની પ્રક્રિયાને ઝડપી બનાવવામાં મદદ કરશે. તેમણે ભારપૂર્વક જણાવ્યું હતું કે, એમએચએ, એનસીઆરબીનાં અધિકારીઓની ટીમે રાજ્યો/કેન્દ્રશાસિત પ્રદેશોની મુલાકાત લેવી જોઈએ, જેથી ટેકનિકલ પ્રોજેક્ટનો સ્વીકાર વધે અને તેમને શક્ય તમામ રીતે મદદ કરી શકાય.

શ્રી અમિત શાહે અપરાધ અને અપરાધિક ટ્રેકિંગ નેટવર્ક (સીસીટીએનએસ) અને ઇન્ટર-ઓપરેબલ ક્રિમિનલ જસ્ટિસ સિસ્ટમ (આઇસીજેએસ)ની પ્રગતિ પર નિયમિત પણે નજર રાખવા અને આ પ્રોજેક્ટને વેગ આપવા રાજ્ય/કેન્દ્રશાસિત પ્રદેશોની વરિષ્ઠ પોલીસ સંસ્થાઓ સાથે નિયમિત આદાનપ્રદાન કરવા પર ભાર મૂક્યો હતો. તેમણે ઉમેર્યું કે બાયોમેટ્રિક તકનીકનો ઉપયોગ અજાણ્યા મૃતદેહો અને અજાણ્યા મળી આવેલા વ્યક્તિઓને ઓળખવા માટે અપનાવવો જોઈએ.

કેન્દ્રીય ગૃહ મંત્રીએ કહ્યું કે એનસીઆરબીએ તપાસ અધિકારીઓ અને ક્રિમિનલ જસ્ટિસ સિસ્ટમના અન્ય હિસ્સેદારને લાભ આપવા માટે ડેટા રિચ પ્લેટફોર્મ બનાવવું જોઈએ. તેમણે નવા ફોજદારી કાયદા અને નેશનલ ઓટોમેટેડ ફિંગરપ્રિન્ટ આઇડેન્ટિફિકેશન સિસ્ટમ (એનએએફઆઇએસ)નાં ટેકનિકલ અમલીકરણમાં એનસીઆરબીનાં પ્રયાસોની પ્રશંસા કરી હતી.

AP/IJ/GP/JD