പ്രധാനമന്ത്രിയുടെ ഓഫീസ്‌
ഹോൺബിൽ മേളയുടെ 25-ാം വാർഷികത്തിൽ നാഗാലാൻഡിലെ ജനങ്ങളെ അഭിനന്ദിച്ച് പ്രധാനമന്ത്രി
മേള സന്ദർശിക്കാനും നാഗാ സംസ്കാരത്തിന്റെ ഊർജസ്വലത അനുഭവിക്കാനും പൗരന്മാരോട് അഭ്യർഥിച്ചു
Posted On:
05 DEC 2024 11:10AM by PIB Thiruvananthpuram
ഹോൺബിൽ മേള 25 വർഷം പൂർത്തിയാക്കിയ പശ്ചാത്തലത്തിൽ നാഗാലാൻഡിലെ ജനങ്ങളെ പ്രധാനമന്ത്രി ശ്രീ നരേന്ദ്ര മോദി അഭിനന്ദിച്ചു. മാലിന്യസംസ്കരണത്തിലും സുസ്ഥിരതയിലും മേള ശ്രദ്ധ കേന്ദ്രീകരിക്കുന്നതിൽ അദ്ദേഹം സന്തോഷം പ്രകടിപ്പിക്കുകയും ആശംസകൾ അറിയിക്കുകയും ചെയ്തു. ഏതാനും വർഷങ്ങൾക്കുമുമ്പ് ഈ മേള സന്ദർശിച്ചതിന്റെ മികച്ച ഓർമകൾ അനുസ്മരിച്ച ശ്രീ മോദി, മേള സന്ദർശിക്കാനും നാഗാസംസ്കാരത്തിന്റെ ഊർജസ്വലത അനുഭവിക്കാനും ഏവരോടും ആഹ്വാനം ചെയ്തു.
നാഗാലാൻഡ് മുഖ്യമന്ത്രി ശ്രീ നെയ്ഫ്യൂ റിയോയുടെ എക്സ് പോസ്റ്റ് പങ്കിട്ടു പ്രധാനമന്ത്രി കുറിച്ചതിങ്ങനെ:
“ഇപ്പോൾ നടക്കുന്ന ഹോൺബിൽ മേളയ്ക്ക് എന്റെ ആശംസകൾ. 25 വർഷം പൂർത്തിയാക്കുന്ന ഊർജസ്വലമായ ഈ ഉത്സവത്തിന് നാഗാലാൻഡിലെ ജനങ്ങൾക്ക് അഭിനന്ദനങ്ങൾ നേരുന്നു. ഈ വർഷത്തെ മേള മാലിന്യസംസ്കരണത്തിലും സുസ്ഥിരതയിലും ശ്രദ്ധ കേന്ദ്രീകരിക്കുന്നത് കാണുന്നതിൽ എനിക്ക് സന്തോഷമുണ്ട്.
കുറച്ചു വർഷങ്ങൾക്കു മുമ്പ് ഈ മേള സന്ദർശിച്ചതിന്റെ മികച്ച ഓർമകൾ എനിക്കുണ്ട്. ഈ ഉത്സവം കാണാനും നാഗാ സംസ്കാരത്തിന്റെ ഊർജസ്വലത അനുഭവിക്കാനും ഞാൻ ഏവരോടും അഭ്യർഥിക്കുന്നു”.
***
SK
(Release ID: 2080958)
Visitor Counter : 24
Read this release in:
Odia
,
English
,
Urdu
,
Hindi
,
Marathi
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada