വാര്‍ത്താവിതരണ പ്രക്ഷേപണ മന്ത്രാലയം
ക്രിയേറ്റ് ഇൻ ഇന്ത്യ മത്സരത്തിൻ്റെ ഭാഗമായി വാര്‍ത്താവിതരണ പ്രക്ഷേപണ മന്ത്രാലയത്തിന്റെ സഹകരണത്തോടെ ASIFA ഇന്ത്യ സംഘടിപ്പിക്കുന്ന WAVES പുരസ്കാരങ്ങള്‍
ആനിമേഷൻ, ഫിലിം പുരസ്കാരങ്ങൾക്കായി 2024 ഡിസംബർ 15 വരെ അപേക്ഷിക്കാം; വിജയികൾക്ക് മാര്‍ഗനിര്‍ദേശങ്ങളും അംഗീകാരവും മേഖലയിലെ പ്രമുഖരുമായി ബന്ധപ്പെടാന്‍ അവസരവും
Posted On:
29 NOV 2024 6:13PM
|
Location:
PIB Thiruvananthpuram
ക്രിയേറ്റ് ഇൻ ഇന്ത്യ മത്സരത്തിന്റെ ഭാഗമായി ആനിമേഷൻ, വിഷ്വൽ ഇഫക്‌ട്‌സ്, എക്സ്റ്റന്‍റഡ് റിയാലിറ്റി എന്നിവയിലെ അസാധാരണ നേട്ടങ്ങൾ ആഘോഷിക്കുന്നതിന് ആനിമേഷന്‍ പ്രോത്സാഹിപ്പിക്കുന്ന യുനെസ്‌കോ അംഗീകൃത ആഗോള എൻജിഒ ASIFA-ഇന്ത്യ രാജ്യാന്തര തലത്തിൽ ഇന്ത്യയുടെ സർഗ്ഗാത്മക നേതൃത്വത്തെ ശക്തിപ്പെടുത്തുന്നതിനായി കേന്ദ്ര വാര്‍ത്താവിതരണ പ്രക്ഷേപണ മന്ത്രാലയവുമായി സഹകരിച്ച് WAVES മികവിന്റെ പുരസ്കാരങ്ങള്‍ അവതരിപ്പിക്കുന്നു.
അഭിമാനകരമായ ഈ പുരസ്കാരങ്ങള്‍ക്കായി 2024 ഡിസംബർ 15 അപേക്ഷിക്കാം. ന്യൂഡൽഹിയിലെ ഭാരത് മണ്ഡപത്തിൽ നടക്കുന്ന 2025 ലെ ലോക ദൃശ്യ-ശ്രാവ്യ വിനോദ ഉച്ചകോടിയില്‍ (WAVES) പുരസ്കാരങ്ങള്‍ വിതരണം ചെയ്യും. .
WAVES മികവിന്റെ പുരസ്കാരങ്ങള്‍
വിദ്യാർത്ഥികൾക്കും ഈ രംഗത്തെ വിദഗ്ധര്‍ക്കുമുള്ള പുരസ്കാരങ്ങളില്‍ മികച്ച കഥാപാത്ര ആനിമേഷൻ, മികച്ച വിഷ്വൽ എഫക്ട്, മികച്ച ഹ്രസ്വചിത്രം തുടങ്ങിയ വിഭാഗങ്ങള്‍ ഉള്‍പ്പെടുന്നു. വിജയികൾക്ക് സര്‍ക്കാറിന്റെ 'ക്രിയേറ്റ് ഇൻ ഇന്ത്യ' സംരംഭത്തിന്റെ ഭാഗമായി നടക്കുന്ന ഇന്ത്യയുടെ സര്‍ഗാത്മക വിപ്ലവത്തിന് കീഴില്‍ മാര്‍ഗനിര്‍ദേശങ്ങളും അംഗീകാരവും ഈ രംഗത്തെ പ്രമുഖരുമായി ബന്ധപ്പെടാന്‍ അവസരങ്ങളും ലഭിക്കും.
വരാനിരിക്കുന്ന വേവ്സ് പുരസ്കാരങ്ങളില്‍ പങ്കുചേരാന്‍ സര്‍ഗാത്മക ഉള്ളടക്ക നിര്‍മാതാക്കളെ പ്രചോദിപ്പിക്കുന്നതിനായി ഇന്ത്യയിലെ വിവിധ നഗരങ്ങളിൽ അന്താരാഷ്ട്ര ആനിമേഷൻ ദിന മേള സംഘടിപ്പിക്കുന്നു. വിദ്യാർത്ഥികളിൽ നിന്നും ഈ രംഗത്തെ വിദഗ്ധരില്‍നിന്നും നിന്നും പങ്കാളിത്തം പ്രോത്സാഹിപ്പിക്കുന്നതിനായി പൂനെ, ഇൻഡോർ, നാസിക്, മുംബൈ, നോയിഡ, ബംഗലൂരു എന്നിവിടങ്ങളിലും മറ്റ് ചില ചെറുനഗരങ്ങളിലും വരും ആഴ്ചകളിൽ മേള സംഘടിപ്പിക്കും.
സര്‍ഗാത്മക ഉള്ളടക്ക നിര്‍മാതാക്കളെ വേവ്സ് പുരസ്കാരങ്ങളുടെ ഭാഗമാക്കുന്നതിനായി ASIFA-ഇന്ത്യ 2024 നവംബർ 16-17 തിയതികളില്‍ ഹൈദരാബാദിൽ അന്താരാഷ്ട്ര ആനിമേഷൻ ദിനം വിജയകരമായി സംഘടിപ്പിക്കുകയും നവംബർ 21-ന് ഭോപ്പാൽ ഡിസൈൻ മേളയില്‍ പങ്കെടുക്കുകയും ചെയ്തിരുന്നു.
WAVES മികവിന്റെ പുരസ്കാരം 2025: സ‍ൃഷ്ടികള്‍ സമർപ്പിക്കുന്നത് സംബന്ധിച്ച വിവരങ്ങള്‍
അവസാന തീയതി: 2024 ഡിസംബർ 15
സമർപ്പിക്കേണ്ട പോർട്ടൽ: https://filmfreeway.com/asifaiad
ഇന്ത്യ പാസ്: india10281892
WAVES പാസ്‌കോഡ്: ASIFAIADINDIA25
വരും ദിവസങ്ങളിലെ ആസിഫ ഇന്ത്യ ഐഎഡി ഷെഡ്യൂൾ :
|
City
|
Date(s)
|
|
Bengaluru
|
6th December 2024
|
|
Mumbai (AGIF)
|
6th & 7th December 2024
|
|
Pune
|
29th December 2024
|
|
Indore
|
14th December 2024
|
|
Nashik
|
3rd January 2025
|
|
Bilaspur
|
18th January 2025
|
|
Mohali
|
24th January 2025
|
|
Kolkata
|
31st January 2025
|
*******
Release ID:
(Release ID: 2079297)
| Visitor Counter:
53
Read this release in:
Odia
,
Urdu
,
Khasi
,
English
,
Hindi
,
Marathi
,
Assamese
,
Punjabi
,
Gujarati
,
Tamil
,
Kannada