ASIFA India, ka NGO kaba la ithuh da ka UNESCO kaba kyntiew ia ka animation, ka la pynlong ia ka WAVES Awards of Excellence kum shi bynta ka Create in India Challenge, ha ka jingiatreilang bad ka Tnad Information & Broadcasting, ban rakhe ia ki jingjop ha ka Animation, Visual Effects, bad ka XR, kaba pynkhlain ia ka jinglong nongialam ka India ha ki kam saindur ha kylleng ka pyrthei.

La plie ia ki jingpynrung kyrteng haduh ka 15 tarik Nohprah, 2024 na ka bynta kine ki khusnam bad yn pynkut ia ka jingai khusnam ha ka World Audio Visual & Entertainment Summit (WAVES) 2025 ha Bharat Mandapam ha New Delhi.

Ka WAVES Awards of Excellence

Ka khusnam, na ka bynta ki samla pule bad kiba la tbit ha ka kam, ka kynthup ia ki thup kum ka Best Character Animation, Best Visual Effects, bad ka Best Short Film. Ki lahduh kin ioh ia ki lad ioh jinghikai, networking bad ki nongialam jong ki karkhana, bad ka jingithuh kum shi bynta ka jingkylla ha ka jingsaindur ba iahap bad ka sienjam ‘Create in India’ jong ka sorkar.

La pynlong ia ka International Animation Day ha kylleng ki nongbah jong ka ri ban ai pynshlur ia ki nongsaindur na ka bynta ka jingiashim bynta jong ki ha ka WAVES Awards of Excellence ka ban wan. Ha ki taiew ban wan, yn rakhe ha Pune, Indore, Nashik, Mumbai, Noida, Bengaluru bad kiwei kiwei ki sub-chapter ban pynshlur ka jingiashim bynta ki samla pule bad kiba la tbit ha ka kam.

Hashuwa kane, ka ASIFA India ka la pynlong ia ka International Animation Day ha Hyderabad ha ka 16-17 tarik Naiwieng 2024 bad iashim bynta ha ka Bhopal Design Festival ha ka 21 tarik Naiwieng ban pynshlur ia ki nongsaindur ia ka jingiashim bynta jong ki ha ka WAVES Awards of Excellence ka ban wan.

Ka jingiamir jingmut bad ki riewshemphang ha ka kam ha ka Hyderabad IAD’24

La seng ha u snem 1960 ha Annecy, France bad ka dang tei ia ki kam ki jam ha India la 24 snem mynta, ka ASIFA ka pawnam na ka bynta ki jingnohsynniang jong ka ban kyntiew ia ki sap bad ka jingsaindur lyngba ki prokram kum ki workshop, CG Meetup, bad ka International Animation Day (IAD) festival jong ka, kaba la saphriang sha 15 tylli ki nongbah jong ka ri mynta u snem.

Ka jingtip ban phah ia ki kyrteng na ka bynta ka WAVES Awards of Excellence 2025: Tarik Khatduh: 15 tarik Nohprah 2024

Ka Portal ban phah l: https://filmfreeway.com/asifaiad
India Pass : india10281892
WAVES Passcode: ASIFAIADINDIA25

Ka Maria Elena Gutierrez, ba la ai jingithuh da u Sanjay Khimesara, President, Asifa India ha ka Hyderabad- International Animation Day

Harum kalong ka prokram jong ka Asifa India IAD ha ki sngi ban wan:

*******