आर्थिक मामिलासम्बन्धी मन्त्रिपरिषद् समिति (सीसीईए)
मन्त्रिपरिषद्ले अरुणाचल प्रदेशको शि योमी जिल्लामा 186 मेगावाटको तातो-1 जलविद्युत् परियोजना निर्माणको लागि निवेश प्रस्तावलाई मञ्जुरी दिएको छ, जसको परिव्यय 1750 करोड रुपियाँ हुनेछ र पूरा हुने अवधि 50 महिना हुनेछ
Posted On:
25 NOV 2024 8:50PM by PIB Gangtok
प्रधानमन्त्री श्री नरेन्द्र मोदीको अध्यक्षतामा आर्थिक मामिला सम्बन्धी मन्त्रिपरिषद् समितिले अरुणाचल प्रदेशको शि योमी जिल्लामा तातो-1 जलविद्युत् परियोजना (एचईपी) को निर्माणका लागि 1750 करोड रुपियाँको निवेशवाई मञ्जुरी दिएको छ। परियोजना पूरा हुने अनुमानित अवधि 50 महिना छ।
186 मेगावाट (3 x 62 मेगावाट) को स्थापित क्षमता भएको यो परियोजनाले 802 मिलियन युनिट (एमयू) ऊर्जा उत्पादन गर्नेछ। परियोजनाबाट उत्पादित बिजुलीले अरुणाचल प्रदेश राज्यमा बिजुली आपूर्तिको स्थितिलाई सुधार गर्न मद्दत गर्नेछ र राष्ट्रिय ग्रिडको सन्तुलनमा पनि मद्दत गर्नेछ।
यो परियोजना नर्थ इस्टर्न इलेक्ट्रिक पावर कर्पोरेशन लिमिटेड (एनईईपीसीओ) र अरुणाचल प्रदेश सरकार बीचको एक संयुक्त उद्यम कम्पनीको माध्यमद्वारा कार्यान्वयन गरिनेछ। भारत सरकारले राज्यको इक्विटी हिस्सादारीको लागि 120.43 करोड रुपियाँको केन्द्रीय वित्तीय सहायता बाहेक सक्षम पूर्वाधार अन्तर्गत सडक, पुल र सम्बद्ध प्रसारण लाइन निर्माणको लागि 77.37 करोड रुपियाँको बजेटीय समर्थन प्रदान गर्नेछ।
राज्यलाई 12% नि:शुल्क बिजुली र स्थानीय क्षेत्र विकास कोष (एलएडीएफ) को लागि 1% को लाभ मिल्नेछ, साथै यस क्षेत्रको महत्त्वपूर्ण पूर्वाधार सुधार र सामाजिक-आर्थिक विकास हुनेछ।
परियोजनाका लागि करिब 10 किलोमिटर सडक र पुलको विकास लगायत पूर्वाधारमा उल्लेख्य सुधार हुनेछ, जो अधिकांश स्थानीय उपयोगका लागि उपलब्ध हुनेछ। जिल्लालाई आवश्यक पूर्वाधार जस्तै अस्पताल, विद्यालय, आईटीआई जस्ता व्यावसायिक तालिम संस्थान, बजार, खेल मैदान आदिको निर्माणले पनि लाभ मिल्नेछ, जसलाई 15 करोड़ रुपियाँको समर्पित परियोजना कोषबाट वित्त पोषित गरिनेछ। स्थानीय आबादी विभिन्न किसिमका क्षतिपूर्ति, रोजगारी र सीएसआर गतिविधिहरूबाट पनि लाभान्वित हुनेछन्।
**********
(Release ID: 2078505)
Visitor Counter : 60
Read this release in:
English
,
Urdu
,
Hindi
,
Marathi
,
Bengali
,
Assamese
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam