প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতী ওন ইকনমিক এফ্যারসনা অরুনাচল প্রদেশকী সি য়োমী দিস্ত্রিক্ততা তেতো-১ হায়দ্রো ইলেক্ত্রিক প্রোজেক্ত (HEP) শাগৎনবা লুপা করোর ১৭৫০ থাদনবা অয়াবা পীখ্রে‍। প্রোজেক্ত অসি লোইশিনবগী চাউরাকপা মতম থা ৫০ নি‍।

১৮৬ MW (৩ x ৬২ MW) গী ইন্সতোল্দ কেপাসিতী লৈবা প্রোজেক্ত অসিনা ইনর্জী মিলিয়ন য়ুনিত (MU) ৮০২ পুথোক্কনি‍। প্রোজেক্ত অসিদগী পুথোরকপা মৈনা অরুনাচল প্রদেশতা মৈ সপ্লাইগী ফীভম ফগৎহন্বদা মতেঙ পাংগনি অমদি নেস্নেল গ্রিদ বেলেন্স তৌবদসু মতেঙ ওইগনি‍।

প্রোজেক্ত অসি নোর্থ ইস্তর্ন ইলেক্ত্রিক পৱার কোর্পোরেসন লিমিতেদ (NEEPCO) অমদি অরুনাচল প্রদেশ লৈঙাক্কী মরক্তা জোইন্ত ভেঞ্চর কম্পেনী অমা ওইগী পায়খৎকদবনি‍। ভারত লৈঙাক্না, স্তেতকী ইকুইতী শেয়র ওইনা লুপা করোর ১২০.৪৩ গী সেন্ত্রেল ফাইনেন্সিএল এসিস্তেন্সকী মথক্তা ইনব্লিং ইনফ্রাস্ত্রকচরগী মখাদা লম্বী, থোং অমদি মরী লৈনবা ত্রান্সমিসন লাইন শেমগৎ শাগৎনবা লুপা করোর ৭৭.৩৭ গী বজেতরী সপোর্ত পীগনি‍।

স্তেত অসিনা, লমদম অসিদা মশক থোক্না ইনফ্রাস্ত্রকচর ফগৎহন্বা অমদি সোসিও-ইকনমিক দিভেলপমেন্তকী মথক্তা ১২% লেম্না মৈ ফংগদৌরিবা অমদি লোকেল এরিয়া দিভেলপমেন্ত ফন্দ (LADF) দা ১% ফংগদৌরিবা অসিদগী কান্নবা ফংগনি‍।

লমদম অদুদা অয়াম্বা শীজিন্নগদৌরিবা প্রোজেক্ত অসিগী মখাদা কিলোমিতর ১০ রোম শাংবা লম্বী অমসুং থোং শাগৎপা য়াওনা ইনফ্রাস্ত্রকচর মশক থোক্না ফগৎলক্কনি‍। দিস্ত্রিক্ত অসিনা লুপা করোর ১৫ গী দেদিকেতেদ প্রোজেক্ত ফন্দদগী শেল থাদদুনা লায়েংশঙ, মহৈ লোয়শঙ, ITIs গুম্বা ভোকেস্নেল ত্রেনিং ইন্সতিত্যুৎশিং, কৈথেল, শান্নবুংনচিংবা মরুওইবা ইনফ্রাস্ত্রকচরশিংগীসু কান্নবা ফংগনি‍। লমদমদুগী মীয়ামশিংনসু কম্পেন্সেসন, এমপ্লোইমেন্ত, অমসুং CSR গী থবক থৌরমশিংদগীসু কান্নবা কয়া ফংগনি‍।

*****