0 5

#IFFIWood, 24 नोव्‍हेंबर 2024

तरणाट्यांची जीवंत उमेद, उर्बा हाडपी वातावरण आनी 48 अविश्रांत तरीय अविस्मरणीय वरांची तीव्रताय - अशे 55व्या भारतीय आंतरराष्ट्रीय चित्रपट महोत्सवांतआज मॅक्विनेझ पॅलेस सभाघरांत चित्र पळोवपाक मेळळे.

भारतांतल्या चड आशादायक तरणाट्या चित्रपट निर्मात्यांचो सोद घेवपाक आनी तांकां पोसपाक सीएमओटी एक मुखेल मांची  म्हणून उदेला.  फाटल्या आवृत्त्यांनी तशेंच पोरुं वर्सा 10 विशयांत 13 फिल्म निर्मिती कलाकृतींतल्यान  75 भाग घेवपी हुशार तरणाटे प्रतिभेक वेंचून काडील्ले जाचो आंकडो अंदू 100 चेर पावला. ही उल्लेखनीय वाड एक नवो माईलस्टोन थारला. ह्या उपक्रमाक व्हड प्रतिसाद मेळ्ळो, भारतभरांतल्यान सुमार 1,070 नोंदी मेळ्ळ्यो, जांतूंत 13 फिल्मा संबंदीत  विशयांत तांणी आपली प्रतिभा दाखयली.

ह्या उपक्रमाची  एक खाशेली गजाल म्हळ्यार 48 वरां चलपी फिल्म निर्मिती आव्हान, जंय दरेकीं 20 वांगड्याच्या पांच पंगडांनी विभागिल्ल्या वाटेकारांनी “तंत्रज्ञानाच्या युगांतले नातेसंबंद” ह्या विशयाचेर केंद्रीत लघुपट तयार केले. हे आव्हान 21 ते 23 नोव्हेंबर 2024 या कालावधीत पणजेच्या 4 किलोमीटरच्या परिघात 12 सुवातींचेर  जालें, आनी तातूंत पंगडाची सृजनशीलताय आनी लवचीकपणाची चांचणी जाली. 

अंदूं सीएमओटींत 48 वरां चलपी फिल्म मेकिंग चॅलेंजांचे  जैतिवंत अशे आसात:

1. उत्कृश्ट चित्रपट: गुल्लू

    उत्कृश्ट चित्रपट (उपविजेते): वुई हिअर द सेम म्युझिक

2. उत्कृश्ट दिग्दर्शक: अर्शली जोस (गुल्लू)

3. उत्कृश्ट स्क्रिप्ट: अधिराज बोस (लवपिक्स सबस्क्रिप्शन)

4. उत्कृश्ट अभिनेत्री: विशाखा नायर (लवपिक्स सबस्क्रिप्शन)

5. उत्कृश्ट अभिनेतो: पुष्पेंद्र कुमार (गुल्लू)

उत्कृश्ट दिग्दर्शक पुरस्कार फावो जाल्ली मिस आर्शली जोसेफ हिणें  उपकार मानले आनी  सांगलें की, हें काम म्हज्या पुराय पंगडाचें आसा. पटकथा आमच्या सिनेमाचो खरो नायक आशिल्लो आनी ती वाचली तेन्नाच म्हाका जाणवले की आमचेकडेन कितें तरी खाशेलें आसा. ह्या अपवादात्मक पंगडा वांगडा काम करप हो एक अविस्मरणीय अणभव आसलो ” अशेंय तिणें  म्हळें.

चिदानंद नायक, अखिल लोटलीकार, सुबरना  दाश, अक्षित वोहरा आनी कृष्णा दुसाने हांका सीएमओटी चॅम्पियन म्हणून आमंत्रित केल्ले . अंदूच्या  तरणाट्या प्रतिभेक ह्या फाटल्या वर्साच्या सीएमओटीच्या पूर्ववर्ती विद्यार्थ्यांनी मार्गदर्शन केलें. 

सहभागी लोकांची तोखणाय करतना म्हायती आनी प्रसारण मंत्रालयाचे सचीव संजय जाजू हांणी म्हळ्ळें की, अफाट दबावा खाला 48 वरां भितर अशे आदर्श चित्रपट तयार करप ही एक उपलब्धी आसा. हातूंत वाटेकार जावपी दर एकलो विजेतो आसा  अशे तांणी  म्हळें.” अंदू वर्साचो इफफी आमच्या देशाच्या तरणाट्यांनी प्रतिनिधित्व केल्ल्या भूतकाळ आनी फुडाराच्या दिग्गजांक समर्पित आसा अशेंय तांणी सांगले. ''सीएमओटी, फिल्म बाजार, रेड कार्पेट सारकिल्या उपक्रमांक लागून आकांक्षी फिल्म निर्मात्यांक तांचीं सपनां साकार करपाक एक मांची उपलब्ध  जाता.”

ह्या सुवाळ्याक हाजीर आशिल्ल्या अभिनेतो अमित साध हांणीय फिल्म उद्देगाच्यो संदी प्रत्यक्ष रितीन राष्ट्रभरांतल्या तरणाट्या फिल्म निर्मात्यांक आनी कलाकारांक  उपलब्ध करपाखातीर इफ्फीची तोखणाय केली. ह्या सुवाळ्याक  म्हायती आनी प्रसारण मंत्रालयाची विशेष सचीव नीरजा शेखर; प्रसारणाचे संयुक्त सचीव आनी एनएफडीसीचे एमडी श्री प्रितुल  कुमार; चित्रपट संयुक्त सचीव वृंदा देसाय आनी म्हायती आनी प्रसारण मंत्रालयाचे आदले सचीव अपूर्व चंद्र हाजीर आसले. प्रशंसीत लेखक आनी ग्रॅण्ड ज्युरी वांगडी सम्राट चक्रवर्ती हांणीय  ह्या कार्यावळीक हाजीरी लायली.  

उमेदीच्या वातावरणांत विजेत्यांची नांवा  जाहीर जातकच, शॉर्ट्स इंटरनॅशनलाचे संस्थापक आनी सीईओ कार्टर पिल्चर हांणी सहभागी लोकांची तोखणाय केली आनी  म्हळें की , “अंदूं तयार जाल्ल्या सिनेमांचो दर्जो आनी आशय प्रभावी  आनी उत्कृश्ट आसा.”

युकेंतल्या शॉर्ट्स इंटरनॅशनल नेटवर्काच्या सहकार्यान आयोजीत केल्लें 48 वरांचें फिल्ममेकिंग चॅलेंज तरणाट्या फिल्म निर्मात्यांक तीव्र वेळ मर्यादे खाला तांची सृजनशीलता, कथा सांगपाची कुशळटाय आनी संघटनात्मक वावर पारखपाची  एक आगळी संद दिता. तशेंच सीएमओटींतल्या  ह्या सिनेमांचें पुराय प्री-प्रोडक्शन, प्रोडक्शन आनी पोस्ट प्रोडक्शनाची  जापसालदारकी शॉर्ट्स टीव्हीन सांबाळ्ळी. 

अंदूं सीएमओटीन तरणाट्या फिल्म निर्मात्यांच्या जिवंत प्रतिभेचो भोवमान केलाच पूण तेच सांगाता ह्या सिनेमा निर्मात्यां खातीर प्रारंभ मांची म्हूण इफ्फीची भूमिका सशक्त केल्या. 

* * *

PIB IFFI CAST AND CREW | Subhash/Utkarsha/Darshana | IFFI 55