কেন্দ্রগী য়ুম্লৈ-কৈরৈ অমসুং কোওপরেশন মন্ত্রী, শ্রী অমিত শাহনা ঙসি নই দিল্লীদানেস্নেল ইনভেস্তিগেশন এজেন্সী (NIA)না শিনবা নুমিৎ নিনিগী ওইবা “এন্তি-তেরোরিজম কনফরেন্স-২০২৪”গী অহৌবগী সেসনদা ৱা ঙাংখ্রে। কেন্দ্রগী য়ুম্লৈ-কৈরৈ মন্ত্রীনা NIAগী মোত্তো মাইখুম হাংদোকখ্রে, UAPA ইনভেস্তিগেশনশিংগীদমক্তা SoP ফোংখ্রে অমসুং NIAদগী মেদল ৱিন্নর ১১ ফেসিলিতেদ তৌখ্রে। থৌরম অদুদা অঙম-অথৌ কয়া অমনা শরুক য়াখি, মদুদা কেন্দ্রগী হোম সেক্রেতরী, শ্রী গোৱিন্দ মোহনগা লোইননা ইন্তেলিজেন্স ব্যুরোগী দাইরেক্তর (IB শ্রী তপন কুমার দেকা), দেপ্যুতী নেস্নেল সেক্যুরিতী এদভাইজর, শ্রী পঙ্কজ সিং, অমসুং NIAগী দাইরেক্তর জেনরেল, শ্রী সদানন্দ বসন্ত দাতেনা শরুক য়াখি, কনফরেন্স অদুদা রাজ্যশিং/য়ু.তি.শিংদগী সেনিয়র পুলিস ওফিসরশিং, কাউন্তর তেরোরিজমগা মরি লৈনবা ৱাফমশিংদা য়েংশিল্লিবা সেন্ত্রেল জেন্সসীশিং/দিপার্তমেন্তশিংদগী ওফিসরশিং, অমসুং লো, ফোরেন্সিক্স, তেক্নোলোজীনচিংবা অসিগুম্বা মরি লৈনবা হিরমশিং অসিদগী এক্সপর্তশিংনা শরুক য়াখি।

কনফরেন্স অদুদা ৱা ঙাংবা মতমদা, কেন্দ্রগী য়ুম্লৈ-কৈরৈ মন্ত্রীনা হায়খি মদুদি NIA অসি ইনভেস্তিগেত তৌবা এজেন্সী খক্তা নত্তে মসিগী লমজিং-লমতাক মখাদা, লৈবাক শিনথুংনা পাইখৎলিবা এন্তি তেরোরিস্তকী থবক-থৌরমশিং অদু কমপাইল তৌগদবনি অমসুং য়োকখৎকদবনি অমসুং কোর্ততা ইনভেস্তিগেত তৌরিবা এজেন্সী অদুনা য়াম্না খোংফম চেৎনা লেপ্পা ঙম্নবা পাম্বৈশিং লৌখৎকদবনি অমসুং এন্তি-তেরর মেকানিজমবু হেন্না কনখৎহল্লগনি।

শ্রী অমিত শাহনা হায়খি মদুদি মেদল ৱিনর ১১ অমশু ঙসি ইকাইখুম্নখ্রে। মহাক্না হায়খি মদুদি ভারতনা নিংখা তম্লবা মতুং চহি ৭৫ অসিদা, পুলিসমেন ৩৬,৪৬৮না লৈবাক অসিগী সেক্যুরিতী ঙাক শেন্দুনা থম্নবা ইন্তর্নেল সেক্যুরিতীগীদমক্তা অমসুং ঙমখৈশিংবু ঙাক-শেন্দুনা থম্নবা থৱায়না পোন্থা ওইদুনা কত্থোকপগী খ্বাইদগী অৱাংবা থাক অদু উৎখি।

কেন্দ্রগী য়ুম্লৈ-কৈরৈ অমসুং কোওপরেশন মন্ত্রীনা হায়খি মদুদি শ্রী নরেন্দ্র মোদীনা ২০১৪দা প্রধান মন্ত্রী ওইরবা মতুং চহি ১০ অসিদা, ভারত সরকারনা তেরোরিজমগী মায়োক্তা মশক নাইবা লাল্লোং কয়া অমগা লোইননা খুমাং চাউশিল্লক্লি। মহাক্না হায়খি মদুদি মোদী জীগী ‘জিরো তোলিরেন্স এগেনস্ত তেরোরিজম’গী খোল্লাও অসি ভারত্তা খক্তা নত্তনা মালেম পুম্বনা য়াখি। হৌখিবা চহি ১০ অসিদা তেরোরিজমগা মায়োক্ননবা ভারত্তা য়াম্না লিংবা ‘ইকোসিস্তেম’ অমা শেমখ্রে। শ্রী শাহনা মখা তারকখি মদুদি তৌগদবদি য়াম্না লৈরি অদুবু করিগুম্বা হৌখিবা চহি ১০ অসিদা তৌখিবা থবকশিং অদুগী চাউরাকপা অমা য়েংলবদি, পেনবা হায়বদুমক খনবা য়াই।  য়ুম্লৈ-কৈরৈ মন্ত্রালয়না তেরোরিজম, তেরোরিস্তশিং অমসুং অপুনবা ইকোসিস্তেম অদুবু লান্থেংননবা নেস্নেল কাউন্তর-তেরোরিজম পোলিসী অমসুং স্ত্রেতেজী অমা য়াম্না অথুবদা হৌদোক্লগনি হায়নশু য়ুম্লৈ-কৈরৈ মন্ত্রীনা লাওথোকখি।

শ্রী অমিত শাহনা হায়খি মদুদি রাজ্যশিংগী মশাগী ওইবা জিয়োগ্রাফিকেল অমসুং কনস্তিত্যুস্নেল লিমিতেশনশিং লৈজৈ, অদুগা তেরোরিজম অমসুং তেরোরিস্তশিংগী বাউন্দরী অমত্তা লৈতে। মহাক্না হায়খি মদুদি তেরোরিস্তশিংনা ইন্তর্নেস্নেল অমসুং ইন্তরস্তেত কনস্পিরেসীশিং অনিমক্তা শরুক য়াই, অমসুং মখোয়গী মায়োক্তা খ্বাইদগী হেন্না ফবা স্ত্রেতেজী অমা পুথোক্নবা, ঐখোয়না অসিগুম্বা কনফরেন্সশিং অসিগী খুত্থাংদা য়াম্নালিংবা সিস্তেম অমা শেম্বগী তঙাইফদবা লৈ। মসিনা লৈবাক অসিগী ঙমখৈশিং অমসুং শেন্মিৎলোনদা খুদোংথিগদবা তেরোরিজম, নার্কোতিক্স অমসুং হৱালা ওপরেশনশিংগুম্বা থবক-থৌরমশিং অসিবু লাকশিনবদ আমতেং পাংগনি। মহাক্না থাজবা ফোংদোকখি মদুদি মসিগী কনফরেন্স অসিনা খন্ন-নৈনবগী প্লেতফোর্ম অমা ওইবদা নত্তনা মসিনা তেরোরিজমগী মায়োক্তা ঐখোয়না লানথেংনরিবা অদুবু হেন্না মপাঙ্গল লৈহনগদবা থবক ওইনা পাইখৎপা য়াবা ৱাফম কয়া অমশু পুখৎলক্লগনি। মহাক্না হায়খি মদুদি অসিগুম্বা কনফরেন্স অসিগী অশেংবা শিজিন্নফমদি মসিদা পুখৎলকপা থবক ওইনা পাইখৎপা য়াবা ৱাফমশিং অদুবু পুলিস স্তেসন অমসুং বীত লেভেলশিংদা হৌদোকপা হায়সিনি। বীত ওফিসরশিংদগী হৌরগা NIAগী দাইরেক্তর জেনরেল ফাওবা য়াওনা, সিস্তেম পুম্বদা তেরোরিজম্না পীরিবা খুদোংথিবশিং অদুগী মতাংদা খঙহনগদবনি।

কেন্দ্রগী য়ুম্লৈ-কৈরৈ অমসুং কোওপরেশন মন্ত্রীনা হায়খি মদুদি প্রধান মন্ত্রী, শ্রী নরেন্দ্র মোদীনা প্রধান মন্ত্রী হেক ওইবদগী তেরোরিজমগা লান্থেংননবা ভারতনা লৌখৎখিবা খোংথাংশিং অদুবু মালেম পুম্বনা মশক খঙই।  মহাক্না পনখি মদুদি তেরোরিজমগা লানথেংনবা হায়বসি কনস্পিরেসী খরা খঙদোকপা খক্তা নত্তনা তেরোরিজমগা লান্থেংনরিবা এজেন্সীশিংবু আইন্না য়াবা মওংদা হেন্না মপাঙ্গল লৈহনবা অমসুং মসিগী মায়োক্তা ঐখোয়না লান্থেংনরিবা অসিবু হেন্না মপাঙ্গল লৈহগদবা ইকোসিস্তেম অমা শেম্বা। 

শ্রী শাহনা পনখি মদুদি ২০১৯গী ওগস্ত ২দা, NIA এক্ততা এমেন্দমেন্তশিং শেমখি, মসিনা অনৌবা ওফেন্সশিং হাপখি অমসুং একস্ত্রা-তেরিতোরিয়েল জুরিসদিক্সন পীখি, মসিনা NIAদা ভারতকী মপানদা ইনভেস্তিগেশন তৌনবগী অয়াবা পী। মহাক্না পনখি মদুদি ২০১৯গী ওগস্ত ১৪দা UAPAদা এমেন্দমেন্তশিং শেমখি, মসিনা ওথোরিতীশিংদা মরল-মথুমশিং ফাজিনবগী অমসুং কনাগুম্বা মীওই অমা অমসুং ওর্গনাইজেশনশিংবু তেরোরিস্তনি হায়না লাওথোকপগী শক্তি পী। মহাক্না মখা তাখি মদুদি য়ুম্লৈ-কৈরৈ মন্ত্রালয়না দিরেদিকেলাইজেশনগীদমক্তা খুথবক কয়া অমা পাংথোকখি, মন্ত্রালয় কয়া অমনা মখোয়গী মশাগী ওইবা লাল্লোং কয়া অমা পুথোরকখি, অমসুং MHAনা মসিগীদমক্তা ইনস্তিত্যুস্নেল ফ্রেমৱার্ক অমা থমখ্রে।

য়ুম্লৈ-কৈরৈ মন্ত্রীনা হায়খি মদুদি চহি ২০২০দা, তেরর ফাইনান্সিং লেপ্নবা পোইন্ত-২৫গী ইন্তিগ্রেতেদ প্লান অমা শেমখ্রে, জেহাদি তেরোরিজমদগী হৌরগা নোর্থ ইস্ততা লৈরিবা ইন্সর্জেন্সী, লেফ ৱিং এক্সত্রিমিজম, ফেক করেন্সী অমসুং নার্কোতিক্সগুম্বা কেসশিংগীদমক্তা খোংথাং কয়া অমা লৌখৎখ্রে। FCRAদগী হৌরগা রেদিকেলাইজেশন ফাইনান্সিংদগীনা আইনা য়াদবা খুশু-খুৎলাইশিংগী লোন্না পুশিল্লকপা, হায়রিবা ‘ইকোসিস্তেম’ অসিবু থুগাইনবা এজেন্সী কয়া অমগা পুন্দুনা থবক কয়া অমা তৌখি অমসুং মসিনা অফবা ফল পুরকখি। মহাক্না হায়খি মদুদি মলতি-এজেন্সী সেন্তর (MAC)গী ফংশনিংদা মরু ওইবা অহোংবা কয়া অমা পুরকখ্রে। শ্রী শাহনা পনখি মদুদি নেস্নেল মেমোরী বেঙ্ক লিংখৎখি অমসুং মসিবু নিংধিনা পাইখৎনবা খোংথাং কয়া অমশু লৌখৎখি। ইন্তেলিজেন্সতা য়ুমফম ওইবা সেন্ত্রেল দেতাবেস অমশু শেমখি। মহাক্না মখা তারকখি মদুদি তেরোরিজমবু মরু ফংনা মুথৎনবা হোৎনরিবশিং অদুদা মতেং ওইনবা দেতাবেস কয়া অমশু পুথোরকখি।

কেন্দ্রগী য়ুম্লৈ-কৈরৈ অমসুং কোওপরেশন মন্ত্রীনা হায়খি মদুদি, ওর্গনাইজেশন ১৫হেন্না তেরোরিস্ত ওর্গনাইজেশন অমসুং আইননা য়াদবা এসোসিয়েশনশীং ওইনা লাওথোকখক্রে, অমসুং হন্দক্তা, ওর্গনাইজেশন তরেত অমশু তেরোরিস্ত ওর্গনাইজেশনশিং ওইনা লাওথোকখ্রে। শ্রী শাহনা হায়খি মদুদি ২০১৪দগী লৈবাক অসিদা তেরোরিস্তকী অচৌবা থৌদোক অমত্তা থোকখিদ্রি। মহাক্না পনখি মদুদি হৌখিবা চহি ১০ অসিদা তেরোরিস্তকী থৌদোকশিং অদু ৭০% ফাওবা হন্থরকখ্রে।

শ্রী অমিত শাহনা হায়খি মদুদি হৌখিবা চহি মঙা অসিদা, দেতাবেস কয়া অমগী ইমপ্লিমেন্তেশনগী থবকশিং পাইখৎখ্রে। NATGRID অসি সেন্ত্রেলাইজ ওইবা দেতা এক্সেস সোল্যুসন অমনি, অমসুং মসিবু খ্বাইদগী হেন্না ফবা মওংদা শিজিন্নবগীদমক্তা সুপরিন্তেন্দেন্ত ওফ পুলিসকী থাক ফাওবা য়াওনা ওফিসরশিংগী মরক্তা ৱার্ক কলচর অমা লৈহনবগী তঙাইফদবা লৈ। মহাক্না মখা তাখি মদুদি NCORD, NIDAAN, অমসুং MANASগুম্বা অনৌবা থৌরাংশিং অসি NIAনা AIগা লোইননা শিজিন্নরি। মহাক্না য়াম্না মরু ওইনা পনখি মদুদি মসিগী দেতাবেসশিং অসি রাজ্য খুদিংমক্তা পুলিসকী থাক খুদিংমক্তা শিজিন্নগদবনি।

কেন্দ্রগী য়ুম্লৈ-কৈরৈ মন্ত্রীনা হায়খি মদুদি NIAনা UAPAগী মখাদা কেসশিং ইনভেস্তিগেত তৌখি অমসুং চাউরাক্না ৯৫%গী চাংদা মরাল লৈবশিংবু ফাগৎপদা মাইপাকপা ঙমখ্রে। শ্রী শাহনা য়াম্না মরু ওইনা পনখি মদুদি ফোর্স খুদিংমক্না তেক্নোলোজী শিজিন্নদ্রিবা ফাওবা, ঐখোয়না তেরোরিজম্না থোকহনবা অমাং-অতা, অকি-তুজুংবু মাইপাক্না লান্ধেংনবা ঙম্লোই। মহাক্না পনখি মদুদি তেরোরিজম অসি মপাল নাইদে অমসুং উবা ফংদবা য়েক্নবনি, অমসুং মসিগী মায়োক্তআ লান ঙমগে হায়রবদি ঐখোয়না ঐখোয়গী নহা ওইরিবা ওফিসরশিংবু মথৌ তাবা তেক্নোলোজীগী ওইবা খুৎলাইশিং পীবা তাই।

শ্রী অমিত শাহনা  অনৌবা ক্রিমিনেল লোশিং অদুবু লৈবাক অসিগী ক্রিমিনে জস্তিস সিস্তেমগীদমক্তা অওনবা অমা পুরক্কদবা লো অমনি হায়না হায়খি। মহাক্না হায়খি মদুদি রাজ্য খুদিংমক্না মসিগী লোশিং অসিবু চেদা অমসুং ৱাখল্লোন অনিমক্তা চৎনহনবগী তঙাইফদবা লৈ। শ্রী শাহনা মখা তারকখি মদুদি মসিগী লোশিং অসিনা মপুং ফনা অমুক্তং জেল, ফোরেন্সিক্স, কোর্তশিং, প্রোসিক্যুশন, অমসুং পুলিসতা চৎনহল্লবদি, ভারতকী ক্রিমিনেল জস্তিস সিস্তেমনা মালেম অসিগী ওইনা ক্বাইদগী অনৌবা ওইগদৌরিবনি। মহাক্না মখা তারকখি মদুদি মসিগী অনৌবা লোশিং অসিদা, খ্বাইদগী অহানবা ওইনা তেরোরিজমগী খ্বাইদগী ময়েক শেংবা ৱাহন্থোক পীরি।

কেন্দ্রগী য়ুম্লৈ-কৈরৈ মন্ত্রীনা হায়খি মদুদি তেরোরিজমগী মায়োক্তা লান মাইপাক্নবগীদমক্তা, “হোল ওফ গোবর্নমেন্ত এপ্রোচ” অসি য়াম্না মরু ওই, অমসুং ঐখোয়না অপুনবগী ওইবা, থবক ওইনা পাইখৎপা য়াবা সিস্তেম অমা শেম্বগী তঙাইফদবা লৈ। মহাক্না য়াম্না মরুওইনা হায়খি মদুদি তেরর ফাইনান্সিং অমসুং ক্রিপ্তো করেন্সীগুম্বা অনৌবা শিংনবশিং অসিবু মায়োক্ননবা রাজ্যগী থাক্তা লৈবা পুলিস স্তেসনশিংদগী হৌরগা DGP ওফিস ফাওবা পুন্না খুৎশম্নদুনা থবক পাইখৎমিন্নগদবনি। শ্রী শাহনা হায়খি মদুদি “নীদ তু নো” এপ্রোচতগী “দ্যুতী তু শিয়র” এপ্রোচতা ওন্থবগী মতম অদু য়ৌরে হায়না হায়খি।

শ্রী অমিত শা্না রাজ্য খুদিংমক্তা তেরোরিজমগী মায়োক্তা লান্থেংনবা অসিবু মখোয়গী মশামক্কীনি হায়না খন্নবা হায়খি। মহাক্না হায়খি মদুদি প্রধান মন্ত্রী, শ্রী নরেন্দ্র মোদীগী লুচিং মখাদা, য়ুম্লৈ-কৈরৈ মন্ত্রালয়না তেরোরিজমগা লান্থেংননবা অচেৎপা ফিরেপ অমগা লোইননা ইকোসিস্তেম অমা শেম্লগনি, ফলশিং পুরক্লগনি অমসুং মসিগী অকিবগী মশক ওইরগা অমা-অতা থোকহল্লিবা অসিবু মাইপাক্না মরু ফংনা মুত্থৎলগনি।

***