ভারতকী রাস্ত্রপতি, শ্রীমতি দ্রৌপদি মুর্মুনা ঙসি (নবেম্বর 5, 2024) নই দিল্লীগী ইন্তর্নেস্নেল বুদ্ধিস্ত কনফেদরেসন (IBC)গা লোয়ননা খুৎশম্নদুনা ভারত সরকারগী কলচর মন্ত্রালয়না শিনবা অহানবা এসিয়ন বুদ্ধিস্ত সম্মিৎতা শরুক য়াখ্রে।

থৌরম অদুদা ৱা ঙাংলদুনা রাস্ত্রপতিনা হায়খি মদুদি ভারত অসি ধর্মগী থৌজাল ফংলবা লমদম অমনি। চহিচা খুদিংগী, ভারত্তা অচৌবা মাস্তরশিং অমসুং মিস্তিকশিং, সীয়রশিং অমসুং সীকরশিং লৈরম্মি। মখোয়না মীওইবা খুন্নাইদা নুংগী শান্তি অমসুং মপান্দা নুংশি চান্ননা লৈবগী লম্বী অমা তাক্লি। বুদ্ধ অসি মসিগী লম্বী থিরিবা মীওইশিংগী ওইনা অখন্নবা মফম অমা লৈ। বোধ গয়াদা লৈবা বোধি ত্রীগী মখাদা সিধার্থ গৌতমনা মঙাল ফংখিবা অসি পুৱারীদা অমুক্তা থোকখিদ্রিবা থৌদোক অমনি। মহাক্না মীওইবগী ৱাখল্লোনগী থবক তৌবগী মতাংদা চাংদম্নবা ঙমলরোইদবা লৌশিং ফংবতা নত্তনা, মীয়ামগী য়াইফনবগীদমক্তা 'বাহুজন সুখায়া বাহুজন হিতায়া চা'গী ৱাখল্লোন্দা মখোয়শিং অসি মীওই খুদিংমক্কী মফমদা শন্দোক্নবা খনখি।

চহি চা কয়াগী মমাংদা, তোঙান তোঙানবা প্রেক্তিসনরশিংনা বুদ্ধগী দিস্কোর্সশিংদা তোঙান তোঙানবা ৱাহন্থোকশিং ফংখিবা অসি মহৌশানি অমসুং মসিনা মরম ওইদুনা তোঙান তোঙানবা সেক্তশিং থোক্লকখি হায়না রাস্ত্রপতিনা হায়খি। পাক-চাওনা কাংলুপ খায়দোকপা মতমদা, ঙসিদি ঐখোয়না থেরাভাদা, মহায়ানা অমসুং ভজ্রায়ানা চৎনবীশিং লৈ, মখোয় খুদিংমক্কী মনুংদা স্কুল অমসুং সেক্ত কয়া লৈ। মসিগী মথক্তা, বুদ্ধ ধর্মাগী অসিগুম্বা চাউখৎলকপা অসি পুৱারীগী তোঙান তোঙানবা মতমগী মনুংদা তোঙান তোঙানবা মাইকৈ কয়াদা চৎথখি। চাউখৎলক্লিবা জিওগ্রাফিকেল এরিয়া অমদা ধম্ম শন্দোকপনা কম্ম্যুনিতী অমা, হেন্না চাউবা সংঘা অমা শেমখি। ৱাখল্লোন অমদা, বুদ্ধগী মঙাল ফংলবা লমদম, ভারত অসি মসিগী ময়াইদা লৈ। অদুবু, ঈশ্বরগী মরমদা হায়রিবসি অচৌবা বৌদ্ধ সংঘা অসিগী মতাংদসু অচুম্বা ওইরি: মদুগী সেন্তরদি মফম খুদিংমক্তা লৈ অমসুং সর্কমফরেন্স মফম অমত্তদা লৈতে।

ঙসি মালেম অসিনা মায়কৈ কয়াদা হিংবগী অৱাবা মায়োক্নরিবা অসিদা, লান্দা নত্তনা ক্লাইমেৎকী অৱাবা মায়োক্নরিবা অসিদা, চাউরবা বুদ্ধিস্ত কম্মুনিতী অমনা মীওইবা খুন্নাইদা পীবা য়াবা কয়া লৈ হায়না রাস্ত্রপতিনা হায়খি। বুদ্ধিজমগী তোঙান তোঙানবা স্কুলশিংনা মালেমদা করম্না অখন্নবা কাঙলুপ খায়বগী মায়োক্তা লান্থেংনগদগে হায়বদু তাক্লি। মখোয়গী মরুওইবা পাউজেল অসি শান্তি অমসুং হিংশা লৈতবগী মতাংদা মীৎয়েং থমদুনা লৈরি। করিগুম্বা ৱাহৈ অমখক্তনা বুদ্ধ ধম্মবু শন্দোক্না তাকপা ঙম্লবদি, মসি ‘করুনা’ নৎত্রগা নুংশিবা ওইগদবনি, মসি ঙসি মালেম অসিনা মথৌ তারি।

বুদ্ধগী পাউতাকশিং অসি ঙাক-শেন্দুনা থম্বা অসি ঐখোয় পুম্নমক্কী অপুনবা হোৎনবা অমনি হায়না রাস্ত্রপতিনা হায়খি। ভারত সরকারনা অতোপ্পা লোনশিংগী মরক্তা পালী অমসুং প্রাকৃতপু 'ক্লাসিকেল লোন'গী থাক পীখিবা অসিদা মহাক্না নুংঙাইবা ফোংদোকখি। মহাক্না হায়খি মদুদি হৌজিক্তি পালিী অমসুং প্রাকৃততা শেলগী তেংবাং ফংলগনি। মসিনা মখোয়গী সাহিত্যগী লন ঙাক্নবা অমসুং মখোয়বু হিংগৎহনবদা চাউনা মতেং পাংগনি।

এসিয়াবু মপাঙ্গল কনখৎহনবদা বুদ্ধ ধর্মগী থৌদাং অদু ঐখোয়না খন্ন-নৈনবগী মথৌ তাই হায়না রাস্ত্রপতিনা হায়খি। তশেংনমক, বুদ্ধ ধর্মনা এসিয়া অমসুং মালেমদা শান্তি, অশেংবা শান্তি – ফিজিকেল ভাইওলেন্স খক্তা নত্তনা কল্লক-মীহৌবা অমসুং নুংশিদবগী মওং-মতৌ পুম্নমক্তগী নীংতমদুনা শান্তি ফংবা - করম্না পুরকপা য়াবগে হায়বদু য়েংনবগীদমক ঐখোয়না খন্ন-নৈনবগী মওং অসি পাকথোক চাউথোকহনবগী মথৌ তাই। মহাক্না থাজবা ফোংদোকখি মদুদি সম্মিৎ অসিনা বুদ্ধগী তাকপী-তম্বীরম্বশিং ঐখোয়গী মান্নবা হেরিতেজদা য়ুম্ফম ওইদুনা ঐখোয়গী মতেং পীনবা অসি মপাঙ্গল কনখৎহনবদা য়াম্না চাউনা মতেং পাংগনি।

​রাস্ত্রপতিগী ৱারোল য়েংনবা মসিদা নম্বীয়ু -

***