প্রধানমন্ত্রীগী লোইশঙ
অঙকপা, চাংদম্ননিংঙাই লৈতবা অমসুং ভাপনা লাম্বদা ৱাগদবা! অয়োধ্যাগী মীয়ামদা চাউরবা অমসুং শেংলবা দীপোতসবকীদমক হরাও তয়াম্বা ফোংদোকচরিঃ প্রধান মন্ত্রী
রাম ভক্ত কয়ানা কয়াগী লেপ্পা লৈতবা কত্থোকপা অমসুং অৱাবা কয়ানা চহি ৫০০গী মতুংদা, অসিগুম্বা অশেংবা মীকুপ অসি লাকপনিঃ প্রধান মন্ত্রী
Posted On:
30 OCT 2024 10:44PM by PIB Imphal
প্রধান মন্ত্রী শ্রী নরেন্দ্র মোদীনা চাউরবা অমসুং শেংলবা দীপোতসব পালনগী থৌরমদা লৈবাক মীয়াম অমসুং অয়োধ্যাগী মীয়ামদা হরাও তয়াম্বা ফোঙদোকখ্রে।
ত্বীত পরেং অমদা, প্রধান মন্ত্রীনা প্রভু শ্রী রামগী পোক্নফম লমদম ওইরিবা অয়োধ্যাদা পাঙথোক্লিবা লংলবা কুমহৈ অসিগীদমক হরাও তয়াম্বা ফোংদোক্লদুনা হায়খি "অঙকপা, চাংদম্ননিংঙাই লৈতবা অমসুং ভাপনা লাম্বদা ৱাগদবা! অয়োধ্যাগী মীয়ামদা চাউরবা অমসুং শেংলবা দীপোতসবকীদমক হরাও তয়াম্বা ফোংদোকচরি! রাম লালাগী পোক্নফমদা দিয়া মিলিয়ন কয়া থানগৎতুনা পাঙথোক্লিবা অসিগুম্বা জ্যোতিপর্ব অসি য়াম্না পুক্নিং নুংশিনিংঙাই ওই। অয়োধ্যা ধামদগী লাক্লিবা মৈগী মঙাল অসিনা লৈবাক শীনবা থুংবদা লৈরিবা ঐহাক্কী ইমুং মনুং খুদিংমক্তা অনৌবা আসা অমসুং মঙালনা থনবা ওইরসনু। প্রভু রামনা লৈবাক মীয়াম পুম্নমক্কী মফমদা নুংঙাই য়াইফবা, লন থুম অমসুং মায় পাক্লবা পুন্সি অমা পীনবীবা ওইরসনু।
জয় শ্রী রাম!
দিৱালি অসিগী মরুওইবা পল্লদুনা মহাক্না মখা তারদুনা হায়খি "দিভাইন অয়োধ্যা!
মসিনা মর্য়াদা পুরুশোত্তম প্রভু শ্রী রাম্না মহাক্কী লাইশঙ ঙান্থোইরবা মতুংদা পাঙথোকপা ইহান হানবা দীপাবলিনি। অসিগুম্বা অখন্নবা শ্রী রাম লালাগী অয়োধ্যাদা লৈরিবা লাইশঙ অসিগী ফজবনা মীপুম খুদিংমকপু অঙকপা পোকহল্লি। রাম ভক্ত কয়ানা কয়াগী লেপ্পা লৈতবা কত্থোকপা অমসুং অৱাবা কয়ানা চহি ৫০০গী মতুংদা, অসিগুম্বা অশেংবা মীকুপ অসি লাকপনি। অসিগুম্বা পুৱারীদা লৈহৌরগদবা থৌরম অসিবু উবা ফংজবসি ঐখোয়গী লাইবক ফবনি। ঐহাক্না থাজৈ মদুদি প্রভু শ্রী রামগী পুন্সি অমসুং মহাক্কী ৱাখল্লোন্না লৈবাক মীয়াম পুম্নমক্না চাউখৎলবা ভারত অমগী মঙলান ফংহনবদা ইনোৎ হাপ্লসনু।
জয় শিয়া রাম!"
***************
(Release ID: 2069772)
Visitor Counter : 57
Read this release in:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam