রাস্ত্রপতিগী লোইশঙ
দিৱালি মাংওইননা ভারতকী রাস্ত্রপতিনা য়াইফ-পাউজেল পীরক্লি
থাগৎখিবা:
30 OCT 2024 5:28PM by PIB Imphal
দিৱালি মাংওইননা ভারতকী রাস্ত্রপতি শ্রীমতি দ্রৌপতি মুর্মুনা লৈবাক অসিগী মীয়ামদা মহাক্কী য়াইফ-পাউজেল পীখ্রে।
পাউজেল অমদা, রাস্ত্রপতিনা হায়খি, “শেংলবা দিৱালি থৌরম লাকপদা, ভারত অমসুং মপান লৈবাকশিংদা লৈরিবা ভারতমচাশিংদা ঐনা ঐগী য়াইফ-পাউজেল পীজরি।
দিৱালি অসি হরাও-নুংঙাইবগী কুহ্মৈ অমনি। কুহ্মৈ অসি লৌশিংনা অপংবা অমসুং অফবনা ফত্তবা মাইথিবা পীবগী খুদমশিংনি। ভারত অমসুং মপান লৈবাকশিংদা তোঙান-তোঙানবা ফুরুপশিংনা কুহ্মৈ অসি হরাও-তয়াম্না পাংথোক্লি। কুহ্মৈ অসিনা অফবা তুংলমচৎ অমগী থাজবা পীরি।
শেংলবা দিৱালি থৌরম লাকপদা, ঐখোয়না ঐখোয়গী ৱাখল্লোন মঙাল থোকহনগনি, নুংশিবা অমসুং মীওইবগী অৱাবা খঙবগী গুন চেনহনগনি অমসুং খুন্নাইদা নুংশিননা হিংমিন্নবা য়োকখৎকনি। কুহ্মৈ অসিনা তোল্লবা অমসুং লায়রবা মতেং পাংনবা অমসুং ঐখোয়গী হরাওবা মখোয়গা লোয়ননা শরুক য়ামিন্নবগী খুদোংচাবা অমসু পীরি।
ভারতকী ফজরবা হেরিতেচগীদমক ঐখোয় চাউথোকচবা পোক্লসি। অফবদা থাজবা থম্বগা লোয়ননা, ঐখোয় মৈখু থাংদবা দিৱালি অমা পাংথোক্লসি অমসুং মশা ফবা, নুংঙাই-য়াইফবা অমসুং দাইত্ব লৈবা খুন্নাই অমা শেমগৎলি”।
****
(রিলিজ আই.দি.: 2069709)
ভিজিতর কাউন্তর : 65