राष्ट्रपती कार्यालय
दिवाळीच्या पूर्वसंध्येला राष्ट्रपती द्रौपदी मुर्मू यांच्याकडून शुभेच्छा
Posted On:
30 OCT 2024 7:56PM by PIB Mumbai
नवी दिल्‍ली, 30 ऑक्‍टोबर 2024
राष्ट्रपती द्रौपदी मुर्मू यांनी दिवाळीच्या पूर्वसंध्येला देशवासियांना शुभेच्छा दिल्या आहेत.
राष्ट्रपतींनी आपल्या संदेशात म्हटले आहे, "दिवाळीच्या शुभ मुहूर्तावर मी भारत तसेच परदेशात वसलेल्या सर्व भारतीयांना हार्दिक शुभेच्छा देते.
दिवाळी हा आनंदाचा आणि उत्साहाचा सण आहे. हा सण म्हणजे ज्ञानाने अज्ञानावर आणि धर्माने अधर्मावर मिळवलेल्या विजयाचे प्रतीक आहे. भारतात तसेच परदेशात वसलेले विविध समुदाय हा सण मोठ्या उत्साहात साजरा करतात. हा सण आपल्याला उज्ज्वल भविष्यासाठी उमेदही देतो.
दिवाळीच्या शुभमुहूर्तावर आपण आपल्या सद्सद्विवेकबुद्धीला जागृत केले पाहिजे, प्रेम आणि करुणेचे गुण अंगीकारले पाहिजेत, तसेच सामाजिक सलोखाही जोपासला पाहिजे. हा सण म्हणजे वंचित आणि गरजूंना मदत करण्याची आणि त्यांच्यासोबत आपला आनंद सामायिक करण्याचीदेखील संधी आहे.
आपण भारताच्या या गौरवशाली वारशाचा अभिमान बाळगूया. चांगुलपणावर विश्वास ठेवून प्रदूषणमुक्त दिवाळी साजरी करण्याचा तसेच निरोगी, समृद्ध आणि संवेदनशील समाज घडवण्याचा संकल्प करू या".
राष्ट्रपतींचा संदेश पाहण्यासाठी येथे क्लिक करा
* * *
S.Kakade/T.Pawar/D.Rane
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 2069668)
Visitor Counter : 32