தீபாவளி பண்டிகையை முன்னிட்டு குடியரசுத்தலைவர் திருமதி திரௌபதி முர்மு நாட்டு மக்களுக்கு வாழ்த்து தெரிவித்துள்ளார்.

குடியரசுத்தலைவர் வெளியிட்டுள்ள வாழ்த்துச் செய்தியில், “தீபாவளி பண்டிகையை முன்னிட்டு, இந்தியாவிலும் வெளிநாடுகளிலும் வசிக்கும் அனைத்து இந்தியர்களுக்கும் எனது இதயம் கனிந்த நல்வாழ்த்துகளைத் தெரிவித்துக் கொள்கிறேன்.

தீபாவளி என்பது மகிழ்ச்சி மற்றும் உற்சாகத்தின் பண்டிகை. இந்தத் திருவிழா அறியாமைக்கு எதிரான அறிவின் வெற்றியையும், தீமைக்கு எதிரான நன்மையையும் குறிக்கிறது. இந்தியாவிலும் வெளிநாடுகளிலும் உள்ள பல்வேறு சமூகங்கள் இந்தப் பண்டிகையை மிகுந்த ஆர்வத்துடன் கொண்டாடுகின்றன. இந்தப் பண்டிகை ஒரு பிரகாசமான எதிர்காலத்திற்கான நம்பிக்கையையும் தூண்டுகிறது.

தீபாவளி பண்டிகையின் போது நாம் நமது மனசாட்சியை ஒளிரச் செய்ய வேண்டும். அன்பு, கருணை போன்ற நற்பண்புகளைக் கடைப்பிடிக்க வேண்டும், சமூக நல்லிணக்கத்தை மேம்படுத்த வேண்டும். இந்தப் பண்டிகை வாய்ப்பு மறுக்கப்பட்டவர்களுக்கு உதவவும், அவர்களுடன் நமது மகிழ்ச்சியைப் பகிர்ந்து கொள்ளவும் ஒரு வாய்ப்பாகும்.

இந்தியாவின் பெருமைமிகு பாரம்பரியம் குறித்து நாம் பெருமிதம் கொள்வோம். நன்மையின் மீதான நம்பிக்கையுடன், மாசு இல்லாத தீபாவளியைக் கொண்டாடுவோம். ஆரோக்கியமான, வளமான, பொறுப்பான சமுதாயத்தை உருவாக்க உறுதியேற்போம்” என்று கூறியுள்ளார்.

----

TS/PKV/KPG/DL