প্রধানমন্ত্রীগী লোইশঙ
রাজস্থানগী ধোলপুরদা লম্বীগী খুদোংথিবা থৌদোক্তা মীওই কয়া লৈখিদবদা প্রধান মন্ত্রীনা অৱাবা ফোঙদোকখ্রে; পি.এম.এন.আর.এফতগী এক্স-গ্রেসিয়া লাউথোক্লে
Posted On:
20 OCT 2024 1:43PM by PIB Imphal
ঙসি রাজস্থানগী ধোলপুরদা লম্বীগী খুদোংথিবা থৌদোক্তা মীওই কয়া লৈখিদবদা প্রধান মন্ত্রী শ্রী নরেন্দ্র মোদীনা অৱাবা ফোঙদোকখ্রে। রাজ্য সরকারগী মীৎয়েং মখাদা, লোকেল এদমিনিস্ত্রেসন্না অৱাবা নংলবা মীওইশিংদা পাংবা য়াবা মতেংশিং পাংলি হায়না প্রধান মন্ত্রীনা ফোঙদোকখ্রে।
এক্স পোস্ত অমদা, প্রধান মন্ত্রীনা হায়খি;
“রাজস্থানগী ধোলপুরগী থৌদোক্না থম্মোয় কায়হল্লে। চমচরবা অঙাংশিং য়াওনা, লৈখিদ্রবা মীওইশিংগী ইমুং-মনুংগী অৱাবদা শরুক য়াজরি। মখোয়গী অৱাবা অদু খাঙবা ঙম্নবা ঈশ্বরনা মখোয়দা থৌনা পীনবীবা ওইরসনু। অশোকপা মীওইশিং অথুবা মতমদা ফগৎলক্নবশু ঐনা থৌনিজরি। রাজ্য সরকারগী মীৎয়েং মখাদা, লোকেল এদমিনিস্ত্রেসন্না অৱাবা নংলবা মীওইশিংদা পাংবা য়াবা মতেংশিং পাংলি: প্রধান মন্ত্রী”
রাজস্থানগী ধোলপুরদা খুদোংথিবা থৌদোক্তা লৈখিদ্রবা মীওইশিংগা খ্বাইদগী নক্নবা মীওইশিংদা পি.এম.এন.আর.এফতগী লুপা লাখ ২গী এক্স-গ্রেসিয়া অমা পীনবা শ্রী মোদীনা লাউথোক্লে। অশোকপশিংদা লুপা লিশিং ৫০ পীগনি হায়নশু মহাক্না লাউথোকখ্রে।
প্রধান মন্ত্রীগী ওফিসনা এক্সতা হায়খি;
“রাজস্থানগী ধোলপুরদা খুদোংথিবা থৌদোক্তা লৈখিদ্রবা মীওইশিংগা খ্বাইদগী নক্নবা মীওইশিংদা পি.এম.এন.আর.এফতগী লুপা লাখ ২গী এক্স-গ্রেসিয়া অমা পীনবা প্রধান মন্ত্রীনা লাউথোক্লে। অশোকপশিংদা লুপা লিশিং ৫০ পীগনি”।
***
(Release ID: 2066537)
Visitor Counter : 6