وزیر اعظم جناب نریندر مودی نے آج دھولپور، راجستھان میں ہوئے سڑک حادثے میں جانی اتلاف پر رنج و غم کا اظہار کیا۔ انہوں نے یقین دہانی کرائی کہ ریاستی حکومت کے زیر نگرانی مقامی انتظامیہ متاثرین کو ہر ممکن طریقے سے مدد فراہم کرانے میں مصروف ہے۔

ایکس پر ایک پوسٹ میں، انہوں نے لکھا:

’’راجستھان کے دھولپور میں ہوا حادثہ دل کو جھنجھوڑ دینے والا ہے۔ اس میں معصوم بچوں سمیت جان گنوانے والوں کے سوگوار کنبوں کے تئیں میری جانب سے اظہار تعزیت۔ خدا اُنہیں اس دُکھ کو برداشت کرنے کی طاقت عطا کرے۔ اس کے ساتھ ہی میں تمام مجروحین کی جلد از جلد شفایابی کی دعا کرتا ہوں۔ ریاستی حکومت کے زیر نگرانی مقامی انتظامیہ متاثرین کی ہر ممکن مددکے لیے مصروف عمل ہے: وزیر اعظم‘‘

جناب مودی نے دھولپور، راجستھان میں ہوئے اس حادثے میں ہلاک ہوئے ہر ایک فرد کے لواحقین کو پی ایم این آر ایف سے 2 لاکھ روپئے کے بقدر کی مالی امداد کا بھی اعلان کیا۔ انہوں نے کہا کہ مجروحین کو 50000 روپئے دیے جائیں گے۔

وزیر اعظم کے دفتر (پی ایم او) نے ایکس پر ایک پوسٹ کی:

’’وزیر اعظم نے دھولپور، راجستھان میں ہوئے حادثے میں ہلاک ہونے والے ہر ایک فرد کے لواحقین کو پی ایم این آر ایف سے 2 لاکھ روپئے کے بقدرکی مالی امداد کا اعلان کیا ہے۔ زخمیوں کو 50000 روپئے دیے جائیں گے۔‘‘

**********

 (ش ح –ا ب ن)

U.No:1506