ప్రయాణికుడు: నేను కృత్రిమ మేధ(ఎఐ) గురించి పరిశోధనలు చేస్తున్నాను సర్!

ప్రధానమంత్రి: కృత్రిమ మేధ గురించిన పరిశోధనా! చాలా బాగుంది!               

ప్రయాణికుడు: ఔషధ రంగంలో కృత్రిమ మేధ ఏ రకంగా వాడితే మంచి అభివృద్ధి సాధ్యమవుతుందో పరిశీలిస్తున్నాం సర్! అలాగే, ఎఐ ద్వారా దేశానికి అవసరమైన కొత్త మందులని ప్రవేశపెట్టే ప్రయత్నాలు కూడా చేస్తున్నాం.

ప్రయాణికురాలు:  నేను సోషియాలజీలో గ్రాడ్యుయేషన్ చేస్తున్నాను సర్! భవిష్యత్తులో సమాజానికి ఉపయోగపడే పనులు చేయాలన్నది నా కోరిక!

ప్రయాణికురాలు: మీరు ప్రవేశపెట్టిన అన్ని పథకాలను నేను పూర్తిగా వినియోగించుకున్నాను సర్! ‘పీఎం స్వనిధి’ రెండు విడతలనూ ఉపయోగించుకుని లాభపడ్డాను.  

ప్రయాణికురాలు: నేను హ్యాండ్ బ్యాగులు తయారు చేసే చిన్న వ్యాపారం చేస్తున్నాను. ‘స్వనిధి’ అందించే ప్రయోజనాలను ఉపయోగించుకుని నా వ్యాపారాన్ని అభివృద్ధి పరుచుకోగలిగాను.

ప్రధానమంత్రి: మంచి విషయం చెప్పారు!

ప్రధానమంత్రి: షిండే గారు ప్రవేశపెట్టిన పథకం వల్ల మీరు ఏ విధంగా లాభపడ్డారు?

ప్రయాణికురాలు: ‘లడ్కీ  బహిన్’  పథకం వల్ల మాకు చాలా ప్రయోజనాలు కలిగాయి సర్!

ప్రధానమంత్రి:  మీ సమూహంలోని మహిళలందరూ లబ్ధి పొందారా?

ప్రయాణికురాలు:  సర్, మేమంతా ‘బాలాంచల్’ అనే బృంద సభ్యులం. బృందంలోని మహిళలందరూ పత్రాలను నింపి ప్రయోజనాలు అందుకునేట్టు జాగ్రత్తలు  తీసుకున్నాం.  

ప్రధానమంత్రి: మీ చేతికి నగదు అందిందా?

ప్రయాణికురాలు: ఈ వారమే అందుకున్నాం సర్!

ప్రధానమంత్రి: సంతోషమేనా?

ప్రయాణికురాలు: చాలా సంతోషం సర్!

ప్రధానమంత్రి: మీరు ఎన్నేళ్ళ బట్టి ఈ ఉద్యోగం చేస్తున్నారు?

మెట్రో కార్మికుడు: ఏడేళ్ళ బట్టి ఈ పని చేస్తునాను సర్!

ప్రధానమంత్రి: అయితే, పనిలో మంచి నైపుణ్యం సంపాదించి ఉండాలి మీరు..

మెట్రో కార్మికుడు: మంచి అనుభవమే గడించాం సర్!

ప్రధానమంత్రి: అంటే, మీరు ఎక్కడైనా మెట్రో లైన్లు నిర్మించగలరన్నమాట!

మెట్రో కార్మికుడు: మేం సంపాదించిన అనుభవం వల్ల, ఎక్కడైనా మెట్రో లైన్లను నిర్మించగలం సర్!

ప్రధానమంత్రి: మీ కుటుంబ సభ్యులు సంతోషంగా ఉన్నారా?

మెట్రో కార్మికుడు: వారు సంతోషంగానే ఉన్నారు సర్!

ప్రధానమంత్రి: మీరు చక్కగా నెరవేరుస్తున్న పని వల్లే కద?!

మెట్రో కార్మికుడు: అవును సర్! మేం సాధించిన విజయం వల్లే వారు సంతోషంగా ఉన్నారు!

ప్రధానమంత్రి: ఏదో ఒకరోజు మీ కుటుంబాన్ని తీసుకుని మెట్రోలో ప్రయాణించండి!

మెట్రో కార్మికుడు: తప్పకుండా సర్!

ప్రధానమంత్రి: మెట్రో నిర్మాణం కోసం మీరు ఎంత కష్టపడ్డారో వారికి తప్పక తెలియచేయండి!

మెట్రో కార్మికుడు: అలాగే సర్!

గమనిక:  ప్రధానమంత్రి హిందీ సంభాషణకు ఇది అనువాదం.

***