প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা 2020-21দগী 2025-26 ফাওবদা মরুওইবা হীথাংফমশিং অমসুং দোক লেবর বোর্দকী এমপ্লোয়ীশিং/শিন্মীশিংগীদমক হৌজিক লৈরিবা প্রদক্তিভিতী লিঙ্ক রিৱার্দ (PLR) স্কিম শেমদোকপদা অয়াবা পীখ্রে।

2020-21দগী 2025-26 ফাওবদা চৎনগদবা শেমদোক্লবা PLR স্কিম অসিনা মরুওইবা পোর্ত ওথোরিতীশিং অমসুং দোক লেবর বোর্দকী এমপ্লোয়ী/শিন্মী চাউরাক্না 20,704দা কান্নবা ফংলগনি। মতম অসিগী ওইনা অপুনবা শেলগী তেংবাং অসি লুপা করোর 200 রোম ওইগনি।

পোর্তস, শিপ্পিং, অমসুং ৱাতরৱেজ মন্ত্রালয়না PLRগী কেলক্যুলেসনগী ৱেতেজ অসি ওল ইন্দিয়া পরফোর্মেন্সকী মহুৎ পোর্ত স্পেসিফিক পরফোর্মেন্সতা ওইনা হেনগৎহন্দুনা 2020-21দগী 2025-26 ফাওবদা মরুওইবা হীথাংফমশিং অমসুং দোক লেবর বোর্দকী এমপ্লোয়ীশিং/শিন্মীশিংগীদমক প্রদক্তিভিতী লিঙ্ক রিৱার্দ (PLR) স্কিম শেমদোকখ্রে। প্রদক্তিভিতী লিঙ্ক রিৱার্দ (PLR) অসি থা অমদা লুপা 7000/-গী বোনস হোৎনবগীদমক ৱেজ সিলিংদা হোৎলমখি। PLR অসি পোর্ত স্পেসিফিক পরফোর্মেন্স ৱেতে্জ অসি 50%দগী 55%দা অমসুং মখা তানা 60%দা হেনগৎহন্দুনা চহিগী ওইনা পীগনি। ওল ইন্দিয়া পোর্ত পরফোর্মেন্স ৱেতেজ অসি 2025-26কী মতম ফাওবদা 40%দা হন্থরক্লগনি, মসিনা ওল ইন্দিয়া পোর্ত পরফোর্মেন্স অমসুং স্পেসিফিক পোর্ত পরফোর্মেন্সকীদমক হান্ননা লৈরিবা মান্নবা ৱেতেজ 50%গী মহুৎ শিল্লগনি। প্রপোজ তৌরিবা মোদিফিকেসন অসিনা মরু ওইবা হীথাংফমশিংগী মরক্তা কম্পিতিসনগা লোয়ননা ইফিসিএন্সী ফেক্তর পুরক্লগনি।

PLR স্কিম অসিনা পোর্ত সেক্তরদা হেন্না ফবা প্রদক্তিভিতী পুক্নিং থৌগৎপগা লোয়ননা হেন্না ফবা ইন্দস্ত্রীএলগী মরী অমসুং নুংঙাইবা থবক মফম  অমা ওইনবা পুক্নিং থৌগৎকনি।

প্রোদক্তিভিতী লিঙ্ক রিৱার্দ (PLR) অসি মরু ওইবা পোর্ত ত্রস্তশিং অমসুং দোক লেবর বোর্দকী এমপ্লোয়ীশিং/শিন্মীশিংগীদমক হৌজিক লৈরিবা স্কিম অমনি। মসিদা মেনেজমেন্ত অমসুং মরু ওইবা পোর্ত ওথোরিতীশিংগী লেবর ফেদরেসনশিংগী মরক্তা য়ানখিবা সেত্তলমেন্তকী মতুং ইন্না এমপ্লোয়ীশিং/শিন্মীশিংদা চহিগী ওইবা বেসিস অমদা শেলগী মনা পীরি।

*****