وزیر اعظم جناب نریندر مودی کے زیر صدارت مرکزی کابینہ نے بڑی بندرگاہوں اور ڈاک لیبر بورڈ کے ملازمین/ کارکنان کے لیے 2020-21 سے 2025-26 تک موجودہ پیداواریت سے مربوط انعام (پی ایل آر) اسکیم  میں ترمیم کو منظوری دے دی ہے۔

2020-21 سے 2025-26 تک لاگو ہونے والی ترمیم شدہ پی ایل آر اسکیم سے میجر پورٹ اتھارٹیز اور ڈاک لیبر بورڈ کے ملازمین/کارکنوں کے تقریباً 20,704 ملازمین کو فائدہ ہوگا۔ پوری مدت کے لیے کل مالیاتی اثر تقریباً 200 کروڑ روپے ہوگا۔

بندرگاہوں، جہاز رانی اور آبی گزرگاہوں کی وزارت نے 2020-21 سے 2025-26 کے لیے تمام بڑے بندرگاہوں کے حکام اور ڈاک لیبر بورڈ کے ملازمین/کارکنوں کے لیے پیداواریت سے مربوط انعام (پی ایل آر) اسکیم میں اس کے مطابق ترمیم کی ہے جس سے پورٹ کی مخصوص کارکردگی کے لیے پی ایل آر کے حساب کے لیے وزن میں اضافہ کیا گیا ہے۔ تمام ہندوستانی کارکردگی کو وزن دینے کے بجائے۔ پیداواریت سے مربوط انعام (پی ایل آر) کا حساب اجرت کی حد پر بونس کے حساب سے 7000/- روپے ماہانہ پر کیا گیا ہے۔ پی ایل آر کی ادائیگی پورٹ کی مخصوص کارکردگی کے وزن کو 50فیصد سے بڑھا کر 55فیصد اور مزید بڑھا کر 60فیصد تک کر دی جائے گی۔ آل انڈیا پورٹ کی کارکردگی کا وزن بھی 2025-26 تک کی مدت میں 40فیصد  تک کم ہو جائے گا، یہ آل انڈیا بندرگاہ کی کارکردگی اور مخصوص بندرگاہ کی کارکردگی کے لیے 50فیصد کے موجودہ مساوی وزن کی جگہ لے رہا ہے۔ امید کی جاتی ہے کہ مجوزہ ترمیم بڑی بندرگاہوں کے درمیان مقابلہ کے ساتھ ساتھ کارکردگی کا عنصر بھی لائے گی۔

یہ پی ایل آر اسکیم بہتر پیداواری صلاحیت کو فروغ دینے کے علاوہ پورٹ سیکٹر میں بہتر صنعتی تعلقات اور کام کے لیے سازگار ماحول کو فروغ دے گی۔

پیداواریت سے مربوط انعام(انعام) میجر پورٹ ٹرسٹ اور ڈاک لیبر بورڈ کے ملازمین/کارکنوں کے لیے ایک موجودہ سکیم ہے، جس میں ملازمین/کارکنوں کو سالانہ بنیادوں پر انتظامیہ اور بڑی بندرگاہ اتھارٹیوں کی مزدور فیڈریشنوں  کے درمیان طے پانے والے تصفیے کی بنیاد پر مالی انعام دیا جا رہا ہے۔

**********

(ش ح –ا ب ن۔ م ف)

U.No:829