য়ুমলৈ-কৈরৈ মন্ত্রালয়
MHAনা স্তেত দিজাস্তর রেসপোন্স ফন্দ (SDRF)দগী কেন্দ্রগী শিয়র ওইনা অমসুং নেস্নেল দিজাস্তর রেসপোন্স ফন্দ (NDRF)তগী এদভান্স ওইনা ঈশিং-ঈচাউনা শোকহল্লবা মফম 14দা করোর ₹ 5858.60 কাইথোকখ্রে
মোদী সরকারনা মহৌশানা থোকহনবা অমাং-অতাশিংনা শোকহল্লবা রাজ্যশিংগী মীয়াম্না থেংনরিবা অৱাবশিং অদুবু কোকহন্নবা হোৎনবদা লেং মান্ননা থবক তৌমিন্নরি
ইন্তর-মিনিস্তরিয়েল সেন্ত্রেল তীমশিং (IMCTশিং)বু থোক্লিবা অমাং-অতাশিং অদুবু মফম অদুদা চৎলগা বেংশিন্নবগীদমক্তা ঈশিং-ঈচাউনা শোকহল্লবা অসাম, মিজোরাম, কেরলা, ত্রিপুরা, নাগালেন্দ, গুজরাত, অন্ধ্র প্রদেশ, তেলঙ্গনা অমসুং মনিপুরগী রাজ্যশিং অসিদা থাখ্রে
IMCTশিংবু হন্দক্তা ঈশিং-ঈচাউনা শোকহল্লবা বিহার অমসুং ৱেস্ত নেঙ্গলগী রাজ্যশিংদা অমাং-অতাশিং অদুগী ওন-দ-স্পোত এসেমেন্তকীদমক্তা অথুবা মতমদা থারগনি
IMCTশিংগী এসেসমেন্ত রিপোর্তশিং অদু ফংলবা মতুংদা, লৈরিবা প্রোসিজরগী মতুং ইন্না অমাং-অতা থোক্লবা রাজ্যশিং আদুদা NDRFতগী অহেনবা শেলগী মতেং পীরগনি
প্রধান মন্ত্রী, শ্রী নরেন্দ্র মোদীগী লুচিং মখাদা অমসুং কেন্দ্রগী য়ুম্লৈ-কৈরৈ মন্ত্রী, শ্রী অমিত শাহগী লমজিং-লমতাক মখাদা হন্দক্কী চহি অসিদা রাজ্য 21দা করোর ₹ 14,958 হেন্না কাইথোকখ্রে
Posted On:
01 OCT 2024 6:46PM by PIB Imphal
মিনিস্ত্রী ওফ হোম এফিয়র্স (MHA)না স্তেত দিজাস্তর রেসপোন্স ফন্দ (SDRF)দগী কেন্দ্রগী শিয়র ওইনা অমসুং নেস্নেল দিজাস্তর রেসপোন্স ফন্দ (NDRF)তগী এদভান্স ওইনা ঈশিং-ঈচাউনা শোকহল্লবা মফম 14দা করোর ₹ 5858.60 কাইথোকখ্রে। মসিদা য়াওরিবসি মহারাস্ত্রদা করোর ₹ 1492, অন্ধ্র প্রদেশতা করোর ₹ 1036, অসামদা করোর ₹ 716, বিহারদা করোর ₹ 655.60, গুজরাত্তা করোর ₹ 600, হিমাচল প্রদেশতা করোর ₹ 189.20, কেরলাদা করোর ₹ 145.60, মনিপুরদা করোর ₹ 50, মিজোরামদা কোরর ₹ 21.60, নাগালেন্দদা করোর ₹ 19.20, সিক্কিমদা করোর ₹ 23.60, তেলঙ্গনাদা করোর ₹ 416.80, ত্রিপুরাদা করোর ₹ 25 অমসুং ৱেস্ত বেঙ্গলদা করোর ₹ 468 নি, মসিগী রাজ্যশিং অসি হন্দক্কী চঈ অসিগী সাউথ-ৱেস্ত মনসুন মনুংদা নোং কন্না চুবা, ঈশিং-ঈচাউ অমসুং লেন্দস্লাইদ থোকপনা মরম ওইরগা শোকহনখি।
প্রধান মন্ত্রী, শ্রী নরেন্দ্র মোদীগী লুচিং অমসুং কেন্দ্রগী য়ুম্লৈ-কৈরৈ অমসুং কোওপরেশন মন্ত্রী, শ্রী অমিত শাহগী লমজিং-লমতাক মখাদা, মোদী সরকারনা মহৌশানা থোকহনবা অমাং-অতাশিংনা শোকহল্লবা রাজ্যশিংগী মীয়াম্না থেংনরিবা অৱাবশিং অদুবু কোকহন্নবা হোৎনবদা লেং মান্ননা থবক তৌমিন্নরি।
ইন্তর-মিনিস্তরিয়েল সেন্ত্রেল তীমশিং (IMCTশিং)বু থোক্লিবা অমাং-অতাশিং অদুবু মফম অদুদা চৎলগা বেংশিন্নবগীদমক্তা ঈশিং-ঈচাউনা শোকহল্লবা অসাম, মিজোরাম, কেরলা, ত্রিপুরা, নাগালেন্দ, গুজরাত, অন্ধ্র প্রদেশ, তেলঙ্গনা অমসুং মনিপুরগী রাজ্যশিং অসিদা থাখ্রে।
IMCTশিংবু হন্দক্তা ঈশিং-ঈচাউনা শোকহল্লবা বিহার অমসুং ৱেস্ত নেঙ্গলগী রাজ্যশিংদা অমাং-অতাশিং অদুগী ওন-দ-স্পোত এসেমেন্তকীদমক্তা অথুবা মতমদা থারগনি। IMCTশিংগী এসেসমেন্ত রিপোর্তশিং অদু ফংলবা মতুংদা, লৈরিবা প্রোসিজরগী মতুং ইন্না অমাং-অতা থোক্লবা রাজ্যশিং আদুদা NDRFতগী অহেনবা শেলগী মতেং পীরগনি।
প্রধান মন্ত্রী, শ্রী নরেন্দ্র মোদীগী লুচিং মখাদা অমসুং কেন্দ্রগী য়ুম্লৈ-কৈরৈ মন্ত্রী, শ্রী অমিত শাহগী লমজিং-লমতাক মখাদা, হন্দক্কী চহি অসিদা রাজ্য 21দা করোর ₹ 14,958 হেন্না কাইথোকখ্রে। মসিদা রাজ্য 21দা SDRFতগী করোর ₹ 9044.80, রাজ্য 15দা NDRFতগী করোর ₹ 4528.66 অমসুং রাজ্য 11দা স্তেত দিজাস্তর মিতিগেশন ফন্দ (SDMF)তগী করোর ₹ 1385.45 য়াওরি।
শেলগী মতেং অসিগী মথক্তা, কেন্দ্র সরকারনা ঈশিং-ঈচাউনা শোকহল্লবা রাজ্যশিং অসিদা তঙাইফদবা NDRF তীমশিং, আর্মী তীমশিং থাদোকপা অমসুং এয়র ফোর্স সপোর্ত য়াওনা লোজিস্তিক্সকী ওইবা মতং পুম্নমকশু পীরি।
*****
(Release ID: 2061004)
Visitor Counter : 4