وزارت داخلہ  نے سیلاب سے متاثرہ 14 ریاستوں کو اسٹیٹ ڈیزاسٹر رسپانس فنڈ (ایس ڈی آر ایف ) سے مرکزی حصہ کے طور پر  5858.60 کروڑ روپئے  اور نیشنل ڈیزاسٹر ریسپانس فنڈ (این ڈی آر ایف ) سے پیشگی رقم جاری کی ہے۔ اس میں مہاراشٹر کو 1492 کروڑ، آندھرا پردیش کو 1036 کروڑ، آسام کو 716 کروڑ، بہار کو 655.60 کروڑ، گجرات کو 600 کروڑ، ہماچل پردیش کو 189.20 کروڑ، کیرالہ کو 145.60 کروڑ، کیرالہ کو 50 کروڑ روپے شامل ہیں۔ منی پور، میزورم کو  21.60 کروڑ، ناگالینڈ کو  19.20 کروڑ، سکم کو 23.60 کروڑ، تلنگانہ کو  416.80 کروڑ، تریپورہ کو  25 اور مغربی بنگال کو  468 کروڑ روپئے  بھیجی گئی ہیں۔  اس سال جنوب مغربی مانسون کے دوران سیلاب اور لینڈ سلائیڈنگ یہ ریاستیں انتہائی شدید بارش کی وجہ سے متاثر ہوئی ہیں۔

وزیر اعظم جناب نریندر مودی کی قیادت میں اور مرکزی وزیر داخلہ اور وزیر تعاون جناب امت شاہ کی رہنمائی میں، مودی حکومت قدرتی آفات سے متاثرہ ریاستوں کے ساتھ کندھے سے کندھا ملا کر کھڑی ہے تاکہ لوگوں کو درپیش مشکلات کو کم کیا جا سکے۔

بین وزارتی مرکزی ٹیمیں (آئی ایم سی ٹی) سیلاب سے متاثرہ ریاستوں آسام، میزورم، کیرالہ، تریپورہ، ناگالینڈ، گجرات، آندھرا پردیش، تلنگانہ اور منی پور میں نقصانات کا موقع پر جائزہ لینے کے لیے بھیجی گئیں۔

مزید برآں، بہار اور مغربی بنگال کی ریاستوں میں جو حال ہی میں سیلاب سے بھی متاثر ہوئے ہیں، موقع پر ہونے والے نقصان کا تخمینہ لگانے کے لیے جلد ہی بین وزارتی مرکزی ٹیمیں بھیجے جائیں گے۔ بین وزارتی مرکزی ٹیمیں کی تشخیصی رپورٹس موصول ہونے کے بعد، این ڈی آر ایف  سے اضافی مالی امداد، آفات سے متاثرہ ریاستوں کو، قائم شدہ طریقہ کار کے مطابق منظور کی جائے گی۔

وزیر اعظم جناب نریندر مودی کی قیادت میں اور مرکزی وزیر داخلہ جناب امت شاہ کی رہنمائی میں اس سال کے دوران 21 ریاستوں کو پہلے ہی 14,958 کروڑ روپے سے زیادہ جاری کیے جا چکے ہیں۔ اس میں ایس ڈی آر ایف  سے 21 ریاستوں کو  9044.80 کروڑ، این ڈی آر ایف  سے 15 ریاستوں کو  4528.66 کروڑ اور 11 ریاستوں کو اسٹیٹ ڈیزاسٹر مٹیگیشن فنڈ (ایس ڈی ایم ایف ) سے  1385.45 کروڑ روپئے  شامل ہیں۔

مالی امداد کے علاوہ، مرکزی حکومت نے تمام لاجسٹک امداد بھی فراہم کی ہے، جس میں این ڈی آر ایف کی مطلوبہ ٹیموں کی تعیناتی، فوج کی ٹیمیں اور تمام سیلاب سے متاثرہ ریاستوں کو فضائیہ کی مدد شامل ہے۔

****

ش ح۔ ف خ

(U.No: 928)