ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
‘ମେକ୍ ଇନ୍ ଇଣ୍ଡିଆ’ ୧୪୦ କୋଟି ଭାରତୀୟଙ୍କ ସାମୂହିକ ସଂକଳ୍ପକୁ ଦର୍ଶାଉଛି : ପ୍ରଧାନମନ୍ତ୍ରୀ
ଗତ ଏକ ଦଶନ୍ଧି ଧରି ଏହି ଆନ୍ଦୋଳନକୁ ସଫଳ କରିବା ପାଇଁ ନିରନ୍ତର ଉଦ୍ୟମ କରୁଥିବା ଲୋକଙ୍କୁ ପ୍ରଶଂସା କଲେ
Posted On:
25 SEP 2024 11:33AM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ‘ମେକ୍ ଇନ୍ ଇଣ୍ଡିଆ’ ପଦକ୍ଷେପର ୧୦ ବର୍ଷ ପୂର୍ତ୍ତୀ ଅବସରରେ ଶୁଭେଚ୍ଛା ଜଣାଇଛନ୍ତି । ଶ୍ରୀ ମୋଦୀ ସୂଚାଇଛନ୍ତି ଯେ ‘ମେକ୍ ଇନ୍ ଇଣ୍ଡିଆ’ ଦେଶକୁ ଉତ୍ପାଦନ ଏବଂ ଅଭିନବ ଶକ୍ତିକେନ୍ଦ୍ରରେ ପରିଣତ କରିବା ପାଇଁ ୧୪୦ କୋଟି ଭାରତୀୟଙ୍କ ସାମୂହିକ ସଂକଳ୍ପକୁ ଦର୍ଶାଉଛି । ସେ ସମସ୍ତ ସମ୍ଭାବ୍ୟ ଉପାୟ ମାଧ୍ୟମରେ ‘ମେକ୍ ଇନ୍ ଇଣ୍ଡିଆ’କୁ ଉତ୍ସାହିତ କରିବାକୁ ସରକାରଙ୍କ ପ୍ରତିବଦ୍ଧତାକୁ ସେ ଦୋହରାଇଛନ୍ତି ।
ପ୍ରଧାନମନ୍ତ୍ରୀ ଏକ୍ସରେ ପୋଷ୍ଟ କରିଛନ୍ତି;
“ଆଜି ‘ମେକ୍ ଇନ୍ ଇଣ୍ଡିଆ’ କୁ ୧୦ ବର୍ଷ ପୂରଣ ହୋଇଛି । ଗତ ଏକ ଦଶନ୍ଧି ମଧ୍ୟରେ ଏହି ଆନ୍ଦୋଳନକୁ ସଫଳ କରିବା ପାଇଁ ଯେଉଁମାନେ ନିରନ୍ତର ଭାବରେ କାର୍ଯ୍ୟ କରୁଛନ୍ତି, ମୁଁ ସେମାନଙ୍କୁ ପ୍ରଶଂସା କରୁଛି । ଆମ ଦେଶକୁ ଉତ୍ପାଦନ ଏବଂ ନବସୃଜନର ଏକ ଶକ୍ତି କେନ୍ଦ୍ରରେ ପରିଣତ କରିବା ପାଇଁ ‘ମେକ୍ ଇନ୍ ଇଣ୍ଡିଆ’ ୧୪୦ କୋଟି ଭାରତୀୟଙ୍କ ସାମୂହିକ ସଂକଳ୍ପକୁ ଦର୍ଶାଉଛି । ଏହା ଉଲ୍ଲେଖନୀୟ ଯେ ବିଭିନ୍ନ କ୍ଷେତ୍ରରେ ରପ୍ତାନି ବୃଦ୍ଧି ପାଇଛି, ଦକ୍ଷତା ଗଢ଼ି ଉଠିଛି ଏବଂ ଏହିପରି ଭାବରେ ଅର୍ଥନୀତିକୁ ମଜବୁତ କରାଯାଇଛି ।
ସମସ୍ତ ସମ୍ଭାବ୍ୟ ଉପାୟ ମାଧ୍ୟମରେ ‘ମେକ୍ ଇନ୍ ଇଣ୍ଡିଆ’କୁ ଉତ୍ସାହିତ କରିବାକୁ ଭାରତ ସରକାର ପ୍ରତିବଦ୍ଧ । ସଂସ୍କାର କ୍ଷେତ୍ରରେ ଭାରତର ପ୍ରଗତି ମଧ୍ୟ ଜାରି ରହିବ । ମିଳିତ ଭାବେ ଆମେ ଏକ ଆତ୍ମନିର୍ଭର ଏବଂ ବିକଶିତ ଭାରତର ନିର୍ମାଣ କରିବା ।”
SR
(Release ID: 2058813)
Visitor Counter : 11
Read this release in:
Punjabi
,
Manipuri
,
Kannada
,
Urdu
,
Bengali-TR
,
Khasi
,
English
,
Hindi
,
Marathi
,
Assamese
,
Gujarati
,
Tamil
,
Telugu
,
Malayalam