প্রধানমন্ত্রীগী লোইশঙ
‘মেক ইন ইন্দিয়া’না ভারত মচা করোর 140গী অপুনবা ৱারেপ তাক্লিঃ প্রধান মন্ত্রী
মমাংগী দিকেদতগী হৌনা ইহৌ অসিবু মায় পাকহন্নবা লেপ্তনা হোৎনদুনা লাক্লিবা মীওই খুদিংমকপু থাগৎচরি
Posted On:
25 SEP 2024 11:33AM by PIB Imphal
প্রধান মন্ত্রী, শ্রী নরেন্দ্র মোদীনা মেক ইন ইন্দিয়া খোঙথাংনা চহি 10 মপুং ফারকপদা নুংঙাইবা ফোংদোকখ্রে। লৈবাক অসিবু মেন্যুফেকচরিং অমসুং ইন্নোভেসনগী পাৱরহাউস ওইহন্নবা ভারত মচা করোর 140গী অমত্তা ওইবা ৱারেপ অসিবু ‘মেক ইন ইন্দিয়া’ খোঙথাংনা মশক তাক্লি হায়না শ্রী মোদীনা হায়খি। ভারত সরকারনা ‘মেক ইন ইন্দিয়া’বু মায় পাকহন্নবা হীরম খুদিংদা হোৎনবগী ৱাফম অসিবুশু মহাক্না অমুক্কা হন্না পাউদমখি।
প্রধান মন্ত্রীনা Xতা অসুম্না থাগৎখিঃ
“ঙসিদি ঐখোয়না মেক ইন ইন্দিয়ানা চহি 10 মপুং ফারকপগী নুংঙাইবা ফোংদোক্লি। মমাংগী দিকেদতগী হৌনা ইহৌ অসিবু মায় পাকহন্নবা লেপ্তনা হোৎনদুনা লাক্লিবা মীওই খুদিংমকপু ঐহাক্না থাগৎচরি। লৈবাক অসিবু মেন্যুফেকচরিং অমসুং ইন্নোভেসনগী পাৱরহাউস ওইহন্নবা ভারত মচা করোর 140গী অমত্তা ওইবা ৱারেপ অসিবু ‘মেক ইন ইন্দিয়া’ খোঙথাংনা মশক তাক্লি। তোঙান-তোঙানবা সেক্তরশিংগী এক্সপোর্ত হেনগৎলকপা, কেপাসিতী শেমগৎখিবা অমসুং মসিনা মরম ওইরগা শেন্মিৎলোনগী মপাঙ্গল কনখৎহল্লিবা অসি পনবা য়াবা মশক থোকপা ৱাফম অমনি।
ভারত সরকারনা ‘মেক ইন ইন্দিয়া’বু মায় পাকহন্নবা হীরম খুদিংদা হোৎনরি। ভারতনা রিফোর্ম পাংথোকপগী থৌওংশিং মখা চত্থখিগনি। ঐখোয়না পুন্দুনা আত্মানির্ভর অমসুং বিক্সিত ভারত অমা শেমগনি”।
***
(Release ID: 2058510)
Visitor Counter : 32
Read this release in:
Punjabi
,
Odia
,
Kannada
,
Urdu
,
Bengali-TR
,
Khasi
,
English
,
Hindi
,
Marathi
,
Assamese
,
Gujarati
,
Tamil
,
Telugu
,
Malayalam