Ka Ophis jong u Myntri Rangbah duh ka ri
Ka Make in India ka pyni ia ka jingkut jingmut lang jong 140 klur ngut ki briew ka India: Myntri Rangbah Duh
Ai jingsngewnguh ia baroh kiba trei borbah ban pynjop ia kane ka kam ha kine ki shiphew snem ba la dep
Posted On:
25 SEP 2024 11:33AM by PIB Shillong
U Myntri Rangbah Duh, Narendra Modi u la iaroh ia ka jingdap 10 snem ka sienjam Make In India. U Modi u la ong ba ka 'Make in India' ka pyni ia ka jingkut jingmut lang jong 140 klur ngut ki briew ka India ban pynkylla ia ka ri sha ka bor ba khraw ha ka kam pynmih mar bad kam saindur thymmai. U la ban biang ha ka jingkut jingmut jong ka Sorkar ban pynshlur ia ka ‘Make in India’ lyngba baroh ki sienjam ba lah ban shim.
U Myntri Rangbah Duh u la post ha ka X:
“Mynta ka sngi ngi rakhe ia ki 10 snem ka Make In India. Nga ai jingsngewnguh ia baroh kiba trei borbah ban pynjop ia kane ka kam ha kine ki shiphew snem ba la dep. Ka 'Make in India' ka pyni ia ka jingkut jingmut lang jong 140 klur ngut ki briew ka India ban pynkylla ia ka ri sha ka bor ba khraw ha ka kam pynmih mar bad kam saindur thymmai. Lah ban shu kdew hangne ba ka jingshalan shabar ri ka la kiew ha ki kam bapher bapher, la tei ia ka bor treikam bad kumta, la pynkhlain ia ka ioh ka kot.
Ka Sorkar ka pynshlur ia ka ‘Make in India’ lyngba baroh ki sienjam ba lah ban shim. Ki jingwanrah ia ki jingpynkylla ha India ruh kin dang bteng. Ha ka jingiatreilang, ngin tei ia ka Atmanirbhar bad Viksit Bharat!“
***
(Release ID: 2058532)
Visitor Counter : 8
Read this release in:
Punjabi
,
Odia
,
Manipuri
,
Kannada
,
Urdu
,
Bengali-TR
,
English
,
Hindi
,
Marathi
,
Assamese
,
Gujarati
,
Tamil
,
Telugu
,
Malayalam