وزیراعظم کا دفتر
’میک ان انڈیا’سے 140 کروڑ ہندوستانیوں کے اجتماعی عزم کی عکاسی ہوتی ہے:وزیر اعظم
گزشتہ ایک دہائی سے اس تحریک کو کامیاب بنانے کے لیے انتھک محنت کرنے والے لوگوں کو خراج تحسین
Posted On:
25 SEP 2024 11:33AM by PIB Delhi
وزیر اعظم جناب نریندر مودی نے‘ میک ان انڈیا’ پہل کے 10 سال مکمل ہونے کی ستائش کی ہے۔ جناب نریندر مودی نے اس بات پر زور دیا کہ ‘میک ان انڈیا’پہل سےملک کو مینوفیکچرنگ اور اختراعی پاور ہاؤس میں تبدیل کرنے کے لئے 140 کروڑ ہندوستانیوں کے اجتماعی عزم کی عکاسی ہوتی ہے۔انہوں نے تمام ممکنہ طریقوں سے ‘میک ان انڈیا’ پہل کی حوصلہ افزائی کے لیے حکومت کے عزم کو دہرایا۔
وزیر اعظم نےسوشل نیٹ ورک ایکس پر پوسٹ کیا:
‘‘آج، ہم میک ان انڈیا کے 10 سال مکمل ہونے کا جشن منارہے ہیں۔ میں ان تمام لوگوں کو خراج تحسین پیش کرتا ہوں جو گزشتہ ایک دہائی سے اس تحریک کو کامیاب بنانے کے لیے انتھک محنت کر رہے ہیں۔ ‘میک ان انڈیا’پہل سے ہمارے ملک کو مینوفیکچرنگ اور اختراع کا پاور ہاؤس بنانے کے لیے 140 کروڑ ہندوستانیوں کے اجتماعی عزم کی عکاسی ہوتی ہے۔ قابل ذکر ہے کہ کیسے مختلف شعبوں میں برآمدات میں اضافہ ہوا ہے،صلاحیتوں میں اضافہ ہوا ہے، اور اس طرح، ملک کی معیشت مضبوط ہوئی ہے۔
حکومت ہند تمام ممکنہ طریقوں سے‘میک ان انڈیا’ کی حوصلہ افزائی کے لیے پرعزم ہے۔اصلاحات کے لئے ہندوستان کی پیش قدمی بھی جاری رہے گی۔ ہم ساتھ مل کر‘ آتم نربھر بھارت اور وکست بھارت ’بنائیں گے!
**********
ش ح – م ش ع – م ش
U. No.413
(Release ID: 2058502)
Visitor Counter : 31
Read this release in:
Punjabi
,
Odia
,
Manipuri
,
Kannada
,
Bengali-TR
,
Khasi
,
English
,
Hindi
,
Marathi
,
Assamese
,
Gujarati
,
Tamil
,
Telugu
,
Malayalam