সন্মানীয়,

ৰাষ্ট্ৰপতি বাইডেন,

প্ৰধানমন্ত্ৰী কিশিদা,

আৰু

প্ৰধানমন্ত্ৰী আলবানিজ।

মোৰ তৃতীয় কাৰ্যকালৰ আৰম্ভণিতে আজিৰ কোৱাড সন্মিলনত মিত্ৰসকলৰ সৈতে অংশগ্ৰহণ কৰি মই অতি আনন্দিত হৈছো। কোৱাডৰ ২০সংখ্যক বৰ্ষপূৰ্তি উদযাপনৰ বাবে ৰাষ্ট্ৰপতি বাইডেনৰ গৃহ চহৰ উইলমিংটনতকৈ উত্তম ঠাই আৰু কি হ’ব পাৰে। এমট্ৰেক জো হিচাপে আপুনি এই চহৰ আৰু "ডেলাৱেৰ"ৰ সৈতে জড়িত হৈ আছে, আপুনি কোৱাড ৰ সৈতে একেধৰণৰ সম্পৰ্ক গঢ়ি তুলিছে।

আপোনাৰ নেতৃত্বত ২০২১ চনত প্ৰথমখন শীৰ্ষ সন্মিলন অনুষ্ঠিত হৈছিল আৰু ইমান কম সময়ৰ ভিতৰতে আমি সকলো দিশতে আমাৰ সহযোগিতা অভূতপূৰ্বভাৱে সম্প্ৰসাৰিত কৰিছো। এই কৃতিত্বত আপোনাৰ ব্যক্তিগত প্ৰচেষ্টাই গুৰুত্বপূৰ্ণ ভূমিকা পালন কৰিছে। কোৱাডৰ প্ৰতি আপোনাৰ অটল দায়বদ্ধতা, আপোনাৰ নেতৃত্ব আৰু আপোনাৰ অৱদানৰ প্ৰতি মই আন্তৰিক কৃতজ্ঞতা জ্ঞাপন কৰিছো।

বন্ধুসকল,

যি সময়ত বিশ্বজুৰি উত্তেজনা আৰু সংঘাতেৰে আগুৰি আছে, সেই সময়ত আমাৰ এই বৈঠক অনুষ্ঠিত হৈছে। এনে পৰিস্থিতিত মানৱতাৰ বৃহত্তৰ মংগলৰ বাবে আমাৰ মিলিত গণতান্ত্ৰিক মূল্যবোধৰ চাৰিওফালে একত্ৰিত হোৱাটো কোৱাডৰ বাবে অতি গুৰুত্বপূৰ্ণ। আমি কাৰো বিৰোধী নহয়। আমি সকলোৱে নিয়মভিত্তিক আন্তঃৰাষ্ট্ৰীয় ব্যৱস্থা, সাৰ্বভৌমত্ব আৰু ভূখণ্ডৰ অখণ্ডতাৰ প্ৰতি সন্মান আৰু সকলো সমস্যাৰ শান্তিপূৰ্ণ সমাধানৰ সমৰ্থন কৰোঁ।

মুক্ত, মুকলি, সৰ্বাংগীন আৰু সমৃদ্ধিশালী ভাৰত-প্ৰশান্ত মহাসাগৰীয় অঞ্চল আমাৰ ভাগ-বতৰা কৰা অগ্ৰাধিকাৰ আৰু ভাগ-বতৰা কৰা প্ৰতিশ্ৰুতি। আমি সহযোগিতামূলকভাৱে স্বাস্থ্য, নিৰাপত্তা, জটিল আৰু উদীয়মান প্ৰযুক্তি, জলবায়ু পৰিৱৰ্তন আৰু সামৰ্থ্য বিকাশৰ দৰে ক্ষেত্ৰত অসংখ্য ইতিবাচক আৰু অন্তৰ্ভুক্ত পদক্ষেপ গ্ৰহণ কৰিছো। আমাৰ বাৰ্তাটো স্পষ্টঃ কোৱাড ইয়াত আছে সহায় কৰিবলৈ, অংশীদাৰ হ'বলৈ আৰু পৰিপূৰক হ'বলৈ।

আকৌ এবাৰ ৰাষ্ট্ৰপতি বাইডেন আৰু মোৰ সকলো সতীৰ্থলৈ শুভেচ্ছা জ্ঞাপন কৰিলোঁ। ২০২৫ চনত ভাৰতত কোৱাড নেতৃবৰ্গৰ সন্মিলন আয়োজন কৰিবলৈ আমি আগ্ৰহী হৈ আছো।

আপোনালোক সকলোকে অশেষ ধন্যবাদ।

****

MJPS/ST/DB