ইকায়খুম্নরবশিং,

রাস্ত্রপতি বাইদেন,

প্রধান মন্ত্রী কিসিদা,

অমসুং প্রধান মন্ত্রী অলবানিস

ঐগী অহুমশুবা তার্ম হৌরকপদা ঙসি মরুপশিংগা লোয়ননা ক্বাদ মীফম শরুক য়াবদা ঐ য়াম্না হরাওই। রাস্ত্রপতি বাইদেনগী পোক্নফম সহর ৱিলমিংতন্দা ক্বাদকী ২০শুবা মপোক কুমওন পাংথোক্কদৌরিবা অসিদগী হেন্না ফবা মফম অমতা লৈতে। আমত্রেক জোই ওইনা সহর অসিগা অমসুং  ‘দিলৱায়র’ গা অদোমগা মরী লৈনরি, অদোমগা ক্বাদগা মান্নবা মরী অমা লৈনরি।

অদোমগী লমজিং মখাদা, ২০২১ দা অহানবা মীফম পাংথোকখি অমসুং তেনখ্রবা মতম অমদা, হিরম খুদিংমক্তা মমাঙদা অমুক্তা ওইখিদ্রিবা মওংদা ঐখোয়গী মতেং পাংনবা ঐখোয়না পাকথোক-চাউথোকহল্লে। মসিদা অদোম্না হকথেংননা ময়াম্না মরুওইবা থৌদাং অমা লৌখি। অদোম্না পাংথোকখিবা থবকশিং, অদোমগী লুচিংবগী থবক অমসুং ক্বাদতা অদোম্না পাংথোকখিবা থবকশিংগীদমক ঐনা থম্মোয় শেংনা অদোম থাগৎপা ফোঙদোকচরি।

মরুপশিং,

মালেম অসি উংখৎনবা অমসুং মুক্নবা থল্লবা মতম অমদা ঐখোয়গী মীফম অসি পাংথোক্লি। অসিগুম্বা ফিবম অমদা, গনতন্ত্রগী গুনশিংদা য়ুম্ফম ওইদুনা, অপুনবা মীওইবা খুন্নাইগীদমক ক্বাদ অসি য়াম্না মরুওই। ঐখোয় কনাগুম্বা অমগী মায়োক্ত লৈতে। ঐখোয়না নিয়মদা য়ুম্ফম ওইবা মালেমগী ওর্দর শৌগৎলি, মনিংতম্বা অমসুং ঙমখৈগী অপুনবা শক্তম ইকায়খুম্নরি অমসুং ৱাথোকশিং শান্তি ওইনা ৱারোইশিন পুরকপদা থাজবা থম্লি।

অয়েৎপা লৈতবা, মনিংতম্বা অমসুং নুংঙাই-য়াইফবা ইন্দো-পেসিফিক অসি ঐখোয়না মরুওইনা লৌরি অমসুং থাজবা থম্লি। হকশেল, সেকুরিতি, ক্রিতিকেল অমসুং নৌনা থোক্লকপা তেক্নোলোজিশিং, অইং-অশাগী খল হোংলকপা, কেপাসিতি বিল্দিংগুম্বা হিরমশিংদা ঐখোয়না পুন্না অফবা অমসুং খুদিংমক কোনশিনবা থবকশিং  পায়খৎলে। ঐখোয়গী পাউজেল নাখৈ শেংলি- মতেং পাংনবা, মরুপ ওইনবা অমসুং অমনা অমবু চিংখৎনবা ক্বাদ লৈরি।

ঐনা অমুক হন্না রাস্ত্রপতি বাইদেন অমসুং মরুপ পুম্নমক থাগৎপা ফোঙদোকচরি। ২০২৫ দা, ঐখোয়না ভারত্তা ক্বাদ লুচিংবশিংগী মীফম য়ুম্বু ওইবদা হরাওগনি।

অদোম ঙমখৈ লৈতনা থাগৎপা ফোঙদোকচরি।

***